Катче за родители
Корисни ресурси за родителите и старателите за на своите деца да им овозможат најдобар почеток во животот
Сите го сакаме најдоброто за нашите деца, но да се биде родител не е секогаш лесно, а за многумина родителството не е инстинктивно.
Овде ќе најдете корисни и проверени извори и совети од домашни и меѓународни експерти кои ќе ви помогнат во секојдневните предизвици и ќе ве водат низ важните родителски одлуки од најраните моменти до адолесценцијата.
Кога родителите имаат поддршка да воспитуваат деца кои веруваат во себе, кои се истрајни, покажуваат емпатија, знаат како да се справат со разочарувањата и умеат да учат и да откриваат нови работи – тогаш ние создаваме циклус на меѓучовечка поврзаност, како и просперитетни, посилни и побезбедни општества.
Поддршка на дофат на рацете | Првите моменти се важни |
Позитивно родителство | Разговори за родителство
Родителство во дигиталната ера
Поддршка за родители на деца со попреченост
Родители и адолесценти | Ментално здравје
🚀 Игротека 🧸
Поддршка на дофат на рацете
Без оглед дали сакате да разговарате со некој кому може да му верувате или лесно да пристапите до проверени информации од вашиот мобилен телефон, Линијата за помош на родители и апликацијата Bebbo се два ресурса што секој родител треба да ги има на дофат.
Посетете ја страницата за помош на родители за да најдете и низа курсеви со експерти за разни теми поврзани со позитивното родителство, справувањето со родителскиот стрес за време на криза и социо-емоционалниот развој на адолесцентите.
Првите моменти се важни
Ресурси
УНИЦЕФ соработува со Think Equal (Британија) и Светот на Биби околу продукција на серија цртани филмови и забавни едукативни материјали за поддршка на развојот на социјалните и емоционалните вештини кај децата на предучилишна возраст.
Кликнете врз копчето 'Watch on YouTube' на видеата подолу за да ги погледнете сите плејлисти.
Позитивно родителство
Ресурси
Дознајте повеќе за тоа како да користите позитивно родителство за да му помогнете на своето дете да се развие во среќна, самоуверена, заокружена личност од Водичот за позитивно родителство и преземете ги сликовниците достапни подолу за да читате заедно со своето дете.
Разговори и едукативни видеа за родителство
🧸 Игротека🧸
Играта не е само забава, туку и учење.
Во првите три години од животот, мозокот на вашето дете се развива побргу отколку било кога во животот! Кога децата си играат, тие го истражуваат светот и учат важни вештини кои ќе им бидат од корист во тек на целиот живот.
Во нашето ново катче „Игротека“, ќе најдете информации за тоа зошто играта е важна како и многу забавни идеи за игра со вашето дете кои истовремено ќе го поддржат неговиот развој.
