КОВИД-19
Што треба да знаеш за вирусот за да се заштитиш себе и својата фамилија
- Достапно на:
- English
- Македонски
Сите зборуваат за болеста која ја предизвикува корона вирусот (КОВИД) и насекаде може да се најдат информации за вирусот и како да се заштитите од него. Клучното нешто за да бидете правилно подготвени и за да можете да се заштитите себеси и своите сакани е да ги знаете фактите. За жал во јавноста се пласираат многу информации кои не се точни. Ширењето дезинформации во време на здравствена криза прави луѓето да бидат незаштитени и поподложни на болеста, а дополнително шири страв и стигматизација.
Осигурајте се дека информациите ги добивате од доверливи извори, на пример Министерството за здравство, Институт за јавно здравје, УНИЦЕФ и Светската здравствена организација. УНИЦЕФ непрекинато работи заедно со глобални здравствени експерти за да обезбеди точни информации. Информациите на кои можете да им верувате се базирани на најновите научни докази. Ќе продолжиме да обезбедуваме најнови информации, објаснувања за родители и наставници и ресурси за медиумите за најновите информации кои стануваат достапни, така што проверувајте ја оваа страница и информирајте се за најдобрите начини како да се заштитите себеси и своето семејство.
Може да го проверите и HealthBuddy+, мобилна апликација изработена од регионалните канцеларии на УНИЦЕФ и СЗО, достапна на македонски и на албански јазик благодарение на финансиската поддршка од УСАИД. Таа дава пристап до најновите информации врз основа на податоци за КОВИД-19 и за вакцините против КОВИД-19. Преземете ја апликацијата од Apple и Google Play за да комуницирате со чатботот, да пријавите гласини и да учествувате во анкети - сето тоа на дофат на рака.
Помогнете и вие во борбата против дезинформациите за КОВИД. Споделете ги овие информации со своето семејство, пријатели и колеги за да се осигураме дека сите ги имаат овие факти за КОВИД и дека можат да го заштитат своето здравје.
Новости
Објаснувања
Ментално здравје и благосостојба
