Вакцините спасуваат животи
Прашај пред да претпоставиш. Верувај им на фактите.
Вакцините спасуваат милиони животи секоја година. Развојот на безбедни и ефикасни вакцини против КОВИД-19 е огромен чекор напред во нашите глобални напори да се стави крај на пандемијата и да се вратиме на правење повеќе работи во кои уживаме со луѓето што ги сакаме. Пандемијата на КОВИД-19 сериозно влијаеше врз животот на децата и младите, а процесот на имунизација ќе биде важен чекор кон закрепнување. Тоа значи дека децата ќе може да се вратат на училиште и да следат настава во училница и дека ќе се обезбеди сигурен и целосен пристап до виталните услуги на заштита и до здравствените услуги, вклучувајќи ја и редовната вакцинација.
Вакцините против КОВИД-19 нудат надеж, и како што стануваат сè подостапни, мора да запомниме дека превентивните мерки како што се одржувањето физичко растојание, маските и хигиената на рацете треба да продолжат и по вакцинацијата.
Разговаравме со здравствени работници и стручњаци од оваа област за да добиеме одговори на некои од најчестите прашања околу вакцините.
Одлуките за нашето здравје и здравјето на нашите најблиски се едни од најважните што ќе ги донесеме во животот. Правилните одлуки се носат врз основа на информации и факти. Кога станува збор за вакцините, за нас нема дилема. #ВакцинитеСпасуваатЖивоти
Нашите одлуки денес се поважни од кога било досега
Нормално е да имаме прашања, но одложувањето на имунизацијата не е одговорот. Зборувајте со вашиот лекар и верувајте им на фактите.
Како делуваат вакцините?
Д-р Катерина Ставриќ објаснува како вакцините нè штитат, но важно е да се запамети дека дури и по добивањето на вакцината, сè уште треба да продолжиме да ги следиме заштитните мерки - миење раце, дистанцирање и носење маска.
Дали вакцините против КОВИД-19 се безбедени бидејќи беа произведени во рекордно време?
Иако вакцините против КОВИД-19 беа развиени во рекордно време, системите за тестирање, оцена на резултатите и одобрување на вакцината не станаа помалку ригорозни во процесот. Разговаравме со д-р Дејан Докиќ, д-р Катерина Ставриќ и д-р Сеад Зејнел за безбедноста на вакцините против КОВИД-19.
Дали можам да им верувам на новите вакцини?
Вакцините се безбедни. Имаме во раце една од најважните алатки во историјата на медицината и човековото здравје.
Зошто треба да продолжиме да ги почитуваме мерките за заштита откако ќе се вакцинираме?
Ќе биде потребно извесно време за да се вакцинираат соодветен број луѓе и да се создаде колективен имунитет. Токму затоа е важно и откако ќе ја примиме вакцината, да продолжиме да практикуваме носење маски, физичко дистанцирање и миење раце. Д-р Милена Стевановиќ и д-р Ивана Дохчева објаснуваат повеќе во ова видео.
Дали треба да се вакцинирам доколку имам прележано КОВИД-19?
На сите треба да им биде понудена вакцината за КОВИД-19, без оглед дали претходно биле заразени. Д-р Катарина Ставриќ објаснува зошто треба да се вакцинираме дури и ако претходно сме ја прележале болеста.
Зошто се шират толку невистини за КОВИД-19 и од каде потекнуваат?
Дезинформациите се еден од најголемите предизвици во борбата против КОВИД-19. Познавањето на фактите е клучно за правилно да се подготвиме и да се заштитиме себеси и нашите најблиски. Затоа е важно да консултираме само сигурни извори кога бараме информации и совети.
Дали вие или некој од вашето семејство сте во приоритетните групи за добивање вакцина против КОВИД-19? Придружете се на глобалната кампања на УНИЦЕФ ✌ за #Вакцинирани и споделете што за вас значи добивањето вакцина.
📸 Фотографирајте се држејќи знак V, фластер или картичка за вакцинација (без да се гледаат вашите лични податоци).
🤳 Споделете ја сликата на социјалните мрежи и кажетени што значи вакцинацијата за вас.
✌ Користете ги хаштаговите #Vaccinated, #VaccinesSaveLives #ВакцинитеСпасуваатЖивоти и тагнете го @UNICEFMK за да добиете можност да бидете претставени
