सिकाइ निरन्तरता अभियान
संकटको समय र त्यसभन्दा पछिको समयमा पनि बालबालिकाको सिकाइलाई निरन्तरता दिनका लागि सहयोग पुर्याउने स्रोतहरू
सन् २०२०को अधिकांश समय कोभिड १९ महामारीका कारण नेपालका विद्यालयहरू बन्द भए । परिणामस्वरूप, नेपालका लाखौँ बालबालिकाको शिक्षा र भविष्य जोखिममा परेको छ। विद्यालयहरूको पुन: सञ्चालन प्राथमिकतामा रहेतापनि धेरै क्षेत्रमा लगातार फैलिरहेको महामारी संक्रमणको जोखिमका कारण, यसका निम्ति योजना बनाउने, कार्यान्वयन गर्ने र अनुगमन गर्ने काम अझै पनि चुनौतीपूर्ण रहेको छ ।
यस सन्दर्भमा, शिक्षाको पहुँचमा सुधार ल्याउने कुरालाई केन्द्रविन्दुमा राखी वैकल्पिक शिक्षा संयन्त्र स्थापना गर्न र सिकाइ निरन्तरतामा स्थानीय सरकारहरूले अग्रणी भूमिका लिन सक्ने क्षमता विकास गर्न नेपाल सरकार शिक्षा, विज्ञान तथा प्रविधि मन्त्रालयले प्रादेशिक र स्थानीय सरकारहरू तथा साझेदारहरूसँग मिलेर काम गरिरहेको छ ।
यो चुनौतीपूर्ण समयमा सिकाइको अवसर गुम्दा पुग्नसक्ने हानीलाई कम गर्न, विद्यालय शिक्षा सम्बन्धी आकस्मिक कार्य योजना, २०७७ र विद्यार्थी सिकाइ सहजीकरण निर्देशिका, २०७७ लाई समर्थन गर्दै भर्खरै सुरू गरिएको सिकाइ निरन्तरता अभियानले टेलिफोन / एसएमएस जस्ता कम प्रविधि र प्रिन्ट सामग्रीजस्ता बिना प्रविधिका माध्यमहरू सहित अन्य केही वैकल्पिक शिक्षाका ढाँचाहरूलाई प्रवर्धन गर्न खोजेको छ ।
यस पृष्ठले आमाबाबु, शिक्षकहरू, विद्यार्थीहरू र स्थानीय सरकारहरूलाई, बालबालिकाको सिकाइलाई निरन्तरता दिन विद्यालय बाहिर रहँदा उनीहरूले सहयोग पाएको महसुस गराउन तथा उनीहरूको दिनचर्यामा सामान्यताको भावना स्थापित गराउन प्रमुख स्रोतहरु प्रदान गर्दछ । साथै कोभिड १९को संक्रमण नियन्त्रणमा रहेका ठाँउमा विद्यालयहरु पुन: सञ्चालन गर्दा ध्यान दिनु पर्ने महत्त्वपूर्ण सुरक्षा उपायहरूको बारेमा पनि जानकारी गराउँदछ ।
वैकल्पिक शिक्षाका स्रोतहरू
सिक्दै सिकाउँदैः रेडियो प्रोग्राम
प्रस्तुत छ अभिभावक शिक्षामा केन्द्रित नेपाली, भोजपुरी र मैथिली भाषाहरूमा तयार पारेको रेडियो कार्यक्रम सिक्दै सिकाउँदै!
टेलिफोन क्रियाकलापहरू
टेलिफोन मार्फत घरमा नै गराउन सकिने पाठ्यक्रममा आधारित बालकेन्द्रित क्रियाकलापहरू
घरमै बसेर सिकौं!: स्व-अध्ययन सामाग्री
नेपाल सरकारद्वारा तयार गरिएको अभिभावकको सहयोगमा बालबालिकालाई घरमै गराउन सकिने सिकाइ क्रियाकलापहरू
वैकल्पिक शिक्षा सम्बन्धी कार्यढाँचा
विपद तथा अन्य कारणले विद्यालय बन्द रहेपनि विभिन्न वैकल्पिक शिक्षाका माध्यमको प्रयोग गरी बालबालिकाको सिकाइलाई कसरी व्यवस्थित गर्न सकिन्छ?
सुरक्षित विद्यालय सञ्चालन
कोभिड-१९ को सन्दर्भमाः
विद्यालय सञ्चालन सम्बन्धी कार्यढाँचा, २०७७
स्थानीय तहहरूका लागि रूजुसूची
विद्यालय पुनःसञ्चालनका लागि स्थानीय तहले गर्नुपर्ने आवश्यक तयारी तथा क्रियाकलापहरू
विद्यालयहरूका लागि
रूजुसूची
स्वस्थ र सुरक्षित तवरले विद्यालय पुनःसञ्चालनका लागि आवश्यक तयारीहरू
के बालबालिकालाई विद्यालय पठाउन सकिन्छ?
बालबालिकालाई विद्यालय पठाउने निर्णय लिने क्रममा अभिभावकहरूलाई उपयोगी रूजुसूची
सामग्री
अभियान सम्बन्धी जानकारी तथा सहयोगका लागि सम्पर्क व्यक्त्तिहरू
