सुरक्षित विद्यालय सञ्चालनः विद्यालयहरूको जिम्मेवारी

✅ भौतिक दुरी कायम हुने गरी कक्षाकोठामा विद्यार्थी बस्ने व्यवस्था गरिएको

✅ किटाणुरहित विद्यालय तथा स्वच्छता व्यवस्थापनको अनुगमनका जिम्मेवारी किटान भएको संयन्त्र निर्माण भएको

✅ विद्यालयमै कम्तीमा कक्षा ५ सम्मका लागि दिवा खाजाको व्यवस्था गरिएको

✅क्वारेन्टाइन वा आइसोलेसन बनाइएको विद्यालय भएमा

• क्वारेन्टाइन वा आइसोलेसन व्यवस्थापन समितिले कम्तीमा १५ दिन पहिले खाली गराई पूर्वाधारको पुनर्व्यवस्थापन वा मर्मत गरिएको
• कक्षा सञ्चालनभन्दा कम्तीमा ७२ घण्टा अगावै स्वीकृत मापदण्डबमोजिम निर्मलीकरण गरिएको

✅ बालबालिकालाई मनोपरामर्श तथा उत्प्रेरणा गर्ने सिपको अभिमुखीकरण वा पूर्व तयारी भएको

✅ कठिन अवस्थाका बालबालिकालाई निरन्तर सिकाइका लागि वैकल्पिक प्रणालीद्वारा विद्यार्थीको सिकाइ सहजीकरण निर्देशिका २०७७ बमोजिम वैकल्पिक विधि सहितको उपचारात्मक सिकाइको व्यवस्था गरिएको

✅ सबै बालबालिकालाई पाठ्यपुस्तक तथा सिकाइ सामग्रीको प्रबन्ध गरिएको

✅ विद्यार्थी, शिक्षक, अभिभावक, स्थानीय तह, स्वास्थ्य संस्था, साझेदार संस्था तथा विद्यालय व्यवस्थापन समिति बीच समन्वय गर्ने व्यवस्था गरिएको

✅ विद्यालयका समग्र दैनिक गतिविधि, आचारसंहिताको पालना र कार्यान्वयनको पालना अनुगमन तथा सहजीकरण व्यवस्था गरिएको

✅ कोभिड-१९ को पुनः सङ्क्रमण वा अन्य विषम अवस्थामा आइपरेमा तत्काल गर्नुपर्ने प्रतिकार्यको तयारी गरिएको

✅ विद्यालयमा स्वास्थ्य परीक्षण बिना बाहिरी व्यक्त्तिहरूको प्रवेश निषेधको व्यवस्था भएको

✅ विद्यालय सञ्चालन भएपछि पूर्वाधार तथा सुविधाहरूको आवश्यक सुधारका लागि पूर्वतयारीको अवस्था भएको