အစီအစဉ်

ကလေးသူငယ် ကာကွယ်ရေး စနစ်များ

အကောင်းဆုံးရလဒ်များ ရရှိရန်အတွက် ပူးတွဲဆောင်ရွက်သည့် ချဥ်းကပ်မှုကို လိုအပ်ပါသည်

Child protection systems programme cover

UNICEF Myanmar/2017/Kyaw Kyaw Winn

သွားရန်

စိန်ခေါ်မှု
ဖြေရှင်းချက်
အရင်းအမြစ်

စိန်ခေါ်မှု

ကလေးသူငယ်များ၏ အခွင့်အရေးများ ချိုးဖောက်ခံနေရမှုသည် နေအိမ်များ၊ စာသင် ကျောင်းများ၊ ရပ်ရွာအဖွဲ့အစည်းများနှင့် လုပ်ငန်းခွင်များ အပါအဝင် များစွာသောနေရာများတွင် အကြောင်းမလှစွာ တည်ရှိဖြစ်ပေါ်နေကြပါသည်။

ကလေးသူငယ် အခွင့်အရေးများ၏ လုံခြုံမှုနှင့် သာယာဝပြောရေးကို ခြိမ်းခြောက်နေပြီး အပြန်အလှန်ချိတ်ဆက်နေသည့် အချက်များအားလုံးကို ကိုင်တွယ်ဖြေရှင်းရန်အတွက်မှာ ပူးတွဲချဉ်းကပ်မှု လိုအပ်ပါသည်။

ယူနီဆက်သည် ကလေးသူငယ်များ ကြုံတွေ့နေရသည့် ရှုပ်ထွေးသော စွန့်စားချက်များအား အပြည့်အဝ ဖြေရှင်းရန် အကောင်းဆုံးနည်းလမ်း တစ်ခုဖြစ်သည့် လိုက်လျောညီထွေ မှုရှိသည့် ကလေးသူငယ် ကာကွယ်စောင့်ရှောက်ရေးစနစ်များကို တည်ဆောက်ရန် ပံ့ပိုးပေးပါသည်။ ဆိုလိုသည်မှာ ကျန်းမာရေး၊ လူမှုဝန်ထမ်း၊ ပညာရေးနှင့် တရားမျှတမှု စနစ်များကဲ့သို့ အဓိကကဏ္ဍများအကြား လိုအပ်သည့် ချိတ်ဆက်မှုများကို ဖန်တီးခြင်းနှင့် အရေးယူဆောင်ရွက်ခြင်း ဖြစ်ကြပါသည်။ လုံလောက်သော ရန်ပုံငွေနှင့် လူ့စွမ်းအားအရင်းအမြစ်များ၏ ကျောထောက်နောက်ခံထားသည့် ခိုင်မာသောဥပဒေများ၊ စံချိန်စံနှုန်းများ၊ လမ်းညွှန်ချက်များ နှင့် လုပ်ထုံးလုပ်နည်းများသည် အဓိကသော့ချက် ဖြစ်ပါသည်။

အဓိကကိစ္စရပ်များ၏ ဗဟုသုတနှင့် နားလည်မှုသည်လည်း အရေးပါ ပါသည်။ ကောင်းမွန် သည့် အပြုအမူပြောင်းလဲမှုကို မြှင့်တင်ရန်နှင့် အန္တရာယ်ဖြစ်စေသည့် အလေ့အကျင့်များကို အဆုံးသတ်စေရန်အတွက် ယူနီဆက်သည် အကြမ်းဖက်မှု၊ ခေါင်းပုံဖြတ်မှုနှင့် အနိုင်ကျင့်မှု များကို အားပေးသည့် လူမှုရေးစံနှုန်းများကို အသိပေးနားလည်သဘောပေါက်စေရန် ခိုင်လုံသည့် သက်သေအထောက်အထားကို ဖန်တီးရန် လုပ်ဆောင်လျက်ရှိပါသည်။

မူဝါဒများနှင့် စနစ်များကို မြှင့်တင်ရန်အတွက် ထောက်ပံ့မှုများတွင် ကလေးသူငယ်များ ကာကွယ်စောင့်ရှောက်ရေးနှင့် ဆက်စပ်သည့် ကလေးသူငယ်များ၏ အခြေအနေတွင် ခိုင်လုံသည့် အချက်အလက်များနှင့် အကြောင်းအရာများသည်လည်း အရေးပါအရာရောက်ပါသည်။

ဖြေရှင်းနည်း

သဘာဝအလျောက် ပြီးပြည့်စုံသည့် ကလေးသူငယ် ကာကွယ်ရေးစနစ်ကို တည်ဆောက်ခြင်းသည် အစိုးရအဖွဲ့များကို ရပ်ရွာလူထုအဖွဲ့အစည်းအားလုံးနှင့် အုပ်စုများအတွက် ဝန်ဆောင်မှု အမျိုးအစားများကို ပိုမိုကျယ်ပြန့်စွာ တိုးချဲ့ခြင်း၊ ကွာဟချက်များကို လျော့ချခြင်းနှင့် လုပ်ငန်းစဥ်အတွင်း နိုင်ငံအတွက် ကာလရှည် အကျိုးသက်ရောက်မှုများကို ရရှိစေခြင်း စသည့် ဝန်ဆောင်မှု တာဝန်များကို ဆောင်ရွက်စေပါသည်။

အစိုးရသည် ဦးဆောင်မှုကို ပြုလုပ်ချိန်တွင် ကျယ်ပြန့်သည့် လှုပ်ရှားသူများ ဖြစ်သည့် အရပ်ဘက်လူ့အဖွဲ့အစည်းခေါင်းဆောင်များ၊ ဘာသာရေးအခြေခံ အဖွဲ့အစည်းများ၊ လူထုခေါင်းဆောင်များ၊ လူမှုရေးလုပ်သားများ၊ ဆရာ၊ ဆရာမများ၊ ဆေးဘက်ဆိုင်ရာ ကျွမ်းကျင်ပညာရှင်များနှင့် ဥပဒေစိုးမိုးရေးအရာရှိများ စသည်တို့နှင့် မိတ်ဖက်ပြု ချဥ်းကပ်လုပ်ဆောင်ရန် လည်း လိုအပ်ပါသည်။

ကလေးသူငယ် ကာကွယ်စောင့်ရှောက်မှုသည် ကြီးထွားလာပြီး တောက်လျှောက် ကျန်းမာ ရေး၊ ပညာရေးနှင့် တရားမျှတမှုစနစ်များကဲ့သို့ နေရာများရှိ အစပျိုးမှု အားလုံးတွင် အလိုအလျောက် အစိတ်အပိုင်းတစ်ခု ဖြစ်သွားမည် ဖြစ်ပါသည်။

လူမှုရေးလုပ်ဆောင်ချက်

ဤစနစ်များကို တည်ဆောက်ရန်အတွက် လူမှုရေးလုပ်ဆောင်ချက်များကို ကျွမ်းကျင်အဆင့် အဖြစ် ခိုင်မာအောင်ပြုလုပ်ခြင်းသည် လွန်စွာအရေးပါ ပါသည်။ မြန်မာနိုင်ငံတွင် ယူနီဆက် နှင့် မိတ်ဖက်အဖွဲ့အစည်းများသည် ၂၀၁၄ ခုနှစ်တွင် ချမှတ်ခဲ့သည့် လူမှုကာကွယ်စောင့်ရှောက်ရေး အမျိုးသားအဆင့် မဟာဗျူဟာ၏ အစိတ်အပိုင်းများကို လေ့ကျင့်သင်ကြား ပေးထားသည့် လူမှုရေးလုပ်သားများမှ ဆောင်ရွက်သည့် ကလေးသူငယ် ကာကွယ်စောင့်ရှောက်ရေး ဖြစ်ရပ်စီမံခန့်ခွဲမှု စနစ်အား အားဖြည့်ခြင်းနှင့် တိုးမြှင့်ခြင်းဖြင့် အစိုးရအား ပံ့ပိုး ကူညီလျက်ရှိသည်။

၂၀၁၈ ခုနှစ်တွင် ဖြစ်ရပ်စီမံခန့်ခွဲမှုစနစ်ကို မြို့နယ် ၄၉ မြို့နယ်အထိ တိုးချဲ့ခဲ့ပြီး အစိုးရနှင့် အစိုးရမဟုတ်သော အဖွဲ့အစည်း (NGO) များမှ လူမှုရေးလုပ်ငန်းခွင် မန်နေဂျာပေါင်း အယောက် ၁၀၀ ကျော်ကို လေ့ကျင့်သင်ကြားပေးခဲ့ပြီး ဖြစ်ပါသည်။

ယူနီဆက်သည် ကလေးသူငယ် ကာကွယ်ရေး ကိစ္စရပ်များကို ဖြေရှင်းခြင်းနှင့် မည်သည့် နေရာတွင်မဆို ဖြစ်ပွားသည့် အကြမ်းဖက်မှု၊ ခေါင်းပုံဖြတ်မှု၊ လျစ်လျူရှုမှုနှင့် အနိုင်ကျင့်မှုများကို ဖြေရှင်းရန်အတွက် လိုအပ်သည့်စနစ်များကို အကောင်အထည် ဖော်ခြင်းတို့ကို အစိုးရအား ကိုင်တွယ်ဖြေရှင်းရာတွင် စည်းရုံးနိုင်ရန်အတွက် သက်သေ အထောက်အထားများကို ဖော်ထုတ်ရန် မိတ်ဖက်များနှင့် လက်တွဲ၍ လုပ်ဆောင်လျက် ရှိပါသည်။

UNICEF Myanmar/2017/Kyaw Kyaw Winn

ယူနီဆက်၏ ပံ့ပိုးကူညီမှုကြောင့် ကလေးသူငယ် ကာကွယ်စောင့်ရှောက်ရေး ဖြစ်ရပ်စီမံခန့်ခွဲမှု သင်ရိုးညွှန်းတမ်း၊ ဖြစ်ရပ်စီမံခန့်ခွဲသူများကို သင်တန်းပေးခြင်းနှင့် တစ်နိုင်ငံလုံးရှိ မြို့နယ်များသို့ တာဝန်ချထားမှုစသည့် ရလဒ်များ ရရှိခဲ့ပါသည်။

ကျွန်ုပ်တို့သည် လုပ်ဖော်ကိုင်ဖက်များနှင့်အတူ ဥပဒေနှင့်ထိတွေ့နေရသည့် ကလေးသူငယ်များ အတွက် ကလေးသူငယ်များနှင့်ဆီလျော်ပြီး ကျား၊ မအခြေပြု သင့်လျော်သော ချဉ်းကပ်မှုများကို ပံ့ပိုးပေးရန် တရားဥပဒေစိုးမိုးရေးနှင့် တရားမျှတမှုစနစ်များ၏ စွမ်းဆောင်ရည်ကို မြှင့်တင်ရန်အတွက် အတူတကွ လုပ်ဆောင်လျက်ရှိပါသည်။ ကျွန်ုပ်တို့၏ လုပ်ဆောင်မှု ဖြစ်သည့် ကလေးသူငယ် လိင်ပိုင်းဆိုင်ရာ အလွဲသုံးစားမှုနှင့် အကြမ်းဖက်မှု များကို ကူညီကာကွယ်ရန် လူထု၏အသိအမြင်ကို မြှင့်တင်ခြင်းသည် ၀န်ဆောင်မှုများ အတွက် ရပ်ရွာမှလိုအပ်ချက်များကို တိုးမြှင့်ပေးရန် အကူအညီ ပြုပါသည်။

ယူနီဆက်သည် ကလေးသူငယ်များအတွက် အကောင်းဆုံးချဥ်းကပ်မှု ဖြစ်သည်ဟု ဖော်ပြထားသည့် မိသားစုများကို အားကောင်းလာစေရန်နှင့် ထိန်းသိမ်းရန်အတွက် မိဘမဲ့ဂေဟာများကဲ့သို့ အဖွဲ့အစည်းများတွင် နေထိုင်ကြသည့် ကလေးသူငယ်များအတွက် အခြားသောနည်းလမ်းများကို ပံ့ပိုးပေးပါသည်။ မိဘမဲ့ဂေဟာများတွင် အနိုင်ကျင့်ခြင်းနှင့် ခေါင်းပုံဖြတ်ခြင်းတို့အပါအဝင် ဆိုးရွားသည့် အကျိုးသက်ရောက်မှုများကို ဦးစားပေးအခြေခံထားသည့် သက်သေအထောက်အထားများ များလာသည်နှင့်အမျှ မိဘမဲ့ကလေးဂေဟာများအပေါ် သက်ရောက်မှုရှိသည့်ခရီးသွားလုပ်ငန်း ကို ဖြေရှင်းရန်အတွက် ကျွန်ုပ်တို့သည် အစိုးရဌာနများနှင့် ညှိနှိုင်းလုပ်ဆောင်လျက် ရှိပါသည်။

ပဋိပက္ခနှင့် အရေးပေါ်အခြေအနေများရှိ ကလေးသူငယ်များအတွက် ကာကွယ်စောင့်ရှောက်မှုများ ပံ့ပိုးသည့် ကျွန်ုပ်တို့၏ လုပ်ဆောင်မှုသည် သက်‌ရောက်ခံရသည့် ကလေးသူငယ်များ အခြားသော ကလေးသူငယ်များနှင့်တန်းတူ အခွင့်အရေးများကို ရရှိခံစားနိုင်စေရန် ရည်ရွယ်ပါသည်။ ကုလသမဂ္ဂလုံခြုံရေးကောင်စီဆုံးဖြတ်ချက်အမှတ် ၁၆၁၂ အရ ယူနီဆက် သည် ကလေးသူငယ်များကို စုဆောင်းခြင်းနှင့် အသုံးပြုခြင်း၊ လက်နက်ကိုင် ပဋိပက္ခနယ် မြေများရှိ ကလေးသူငယ်များအပေါ် ကြီးလေးသော အခြားချိုးဖောက်မှုများနှင့်ဆိုင်သည့် သတင်းအချက်အလက်များကို စုဆောင်းပေးခြင်း၊ ပြင်းထန်သည့် ချိုးဖောက်မှုများကို အဆုံးသတ်ရန်နှင့် ကာကွယ်ရန်အတွက် ပဋိပက္ခတွင်ပါ၀င်ပတ်သက်နေသည့် အဖွဲ့များနှင့် ညှိနှိုင်းဆောင်ရွက်ခြင်းနှင့် ဘေးဒဏ်သင့် ကလေးသူငယ်များကို လူ့အဖွဲ့အစည်းသို့ ပြန်လည် ပေါင်းစည်းရန် ကူညီပေးခြင်း စသည်တို့ကို ကူညီပံ့ပိုးပေးပါသည်။