ကလေးသူငယ်များနှင့် လက်နက်ကိုင် ပဋိပက္ခ

ယူနီဆက်သည် ကလေးသူငယ်များ ပြင်းထန်သည့် ထိခိုက်လွယ်မှုများနှင့် ဆင်းရဲနွမ်းပါး မှုများကို ကြုံတွေ့နေရသည့် ရှုတ်ထွေးသည့် အခြေအနေများကို ဖြေရှင်းရန်အတွက် အစိုးရ အပါအဝင် မိတ်ဖက်များနှင့် အတူပူးတွဲလုပ်ဆောင်ခြင်းနှင့် ယင်းတို့ကို ပံ့ပိုးပေးမှုများ ပြုလုပ်ပေးပါသည်။

ကြီးလေးသော ချိုးဖောက်မှုများကို စောင့်ကြည့်လေ့လာခြင်းနှင့် အစီရင်ခံခြင်း

ယူနီဆက်သည် ကုလသမဂ္ဂဌာနေညှိနှိုင်းရေးမှူးနှင့်အတူ မြန်မာနိုင်ငံရှိ လက်နက်ကိုင်အဖွဲ့အစည်းများမှ ကလေးသူငယ်များအပေါ် ပြင်းထန်သည့် ချိုးဖောက်မှု ခြောက်ခုကို စောင့်ကြည့်စစ်ဆေး အစီရင်ခံခြင်းဆိုင်ရာ ကုလသမဂ္ဂလုပ်ငန်းအဖွဲ့နှင့် ပူးတွဲဥက္ကဌအဖြစ် ဆောင်ရွက်လျက်ရှိပါသည်။ တပ်မတော်အပါအ၀င် ပဋိပက္ခများ ဖြစ်ပွားနေသည့် ပါတီရှစ်ခု၏ ချိုးဖောက်မှုများကို ညှိနှိုင်းဖြေရှင်းသည့် တုံ့ပြန်မှုပေးရန် လုပ်ငန်းအဖွဲ့အား တာဝန်ပေးအပ်ထားပါသည်။

ကုလသမဂ္ဂအပါအ၀င် အဖွဲ့အစည်းအသီးသီးမှ ရာချီသည့် ၀န်ထမ်းများကို စောင့်ကြည့်စစ်ဆေး အစီရင်ခံမှု ယန္တရားအောက်တွင် လေ့ကျင့်သင်ကြားပေးခဲ့ပြီး ဖြစ်ပါ သည်။ မြန်မာနိုင်ငံအစိုးရနှင့် ပြည်တွင်းလုပ်ငန်းအဖွဲ့သည် တပ်မတော်မှ ကလေးစစ်သား စုဆောင်းမှုနှင့် အသုံးပြုမှုရပ်တန့်ရေးဆိုင်ရာ ပူးတွဲဆောင်ရွက်မှု အစီအစဉ်ကို လက်မှတ် ရေးထိုးခဲ့ပြီး ၂၀၁၂ ခုနှစ် ဇွန်လမှ ၂၀၁၈ ခုနှစ် မတ်လတွင် ကလေးသူငယ်နှင့် လူငယ်ပေါင်း ၉၅၆ ဦး အရပ်သားဘဝသို့ ပြန်လည်လွတ်မြောက်လာခဲ့ပါသည်။ 

ယူနီဆက်သည် အသက်မပြည့်သေးသူများကို စစ်တပ်သို့ စုဆောင်းမှုများ တွေ့ရှိပါက သတင်းပို့ရန်အတွက် ဖုန်းလိုင်းကို ပံ့ပိုးပေးထားပါသည်။

ခေါ်ဆိုရန် - 094-2116-6701 သို့မဟုတ် 094-2116-670

ကလေးသူငယ်များ၏ ပြန်လည်ပေါင်းစည်းရေး

ယူနီဆက်သည် လက်နက်ကိုင်တပ်များ၊ အဖွဲ့အစည်းများနှင့် ဆက်နွယ်နေသည့် ကလေး သူငယ်များ ပြန်လည်ပေါင်းစည်းရေးကို ကူညီပံ့ပိုးပေးနေပါသည်။ ပေးထားသည့် ထောက်ပံ့မှုများအနက် လေ့ကျင့်ထားသည့် လူမှုရေးလုပ်သားများသည် ကလေးသူငယ်များ၏ လူမှုစိတ်ပိုင်းဆိုင်ရာ ကောင်းကျိုးချမ်းသာကို ပြန်လည်ထူထောင်ပေးပြီး ကျောင်းပြင်ပပညာရေး သို့မဟုတ် အသက်မွေး၀မ်းကျောင်း သင်တန်းများတွင် တက်ရောက်နိုင်ရန် ကူညီနေပါသည်။ ၂၀၁၂ ခုနှစ်မှစ၍  အနည်းဆုံး ကောင်လေးများနှင့် အမျိုးသားငယ်ပေါင်း ၆၈၃ ဦးသည် ပြန်လည်ပေါင်းစည်းရေး အထောက်အပံ့များကို ရရှိခဲ့ကြပါသည်။

ထို့အပြင် အသက်မွေး၀မ်းကျောင်း ဆိုင်ရာ သင်တန်းနှင့် အလုပ်အကိုင်များကို ဦးစားပေးသည့် ဖုန်းအက်ပလီကေးရှင်းသည် ပုဂ္ဂလိက ကဏ္ဍအတွက် ယခင်ကလေးစစ်သားဟောင်းများနှင့် အခြားသောအထိအခိုက်လွယ်သည့် ကလေးသူငယ်များအတွက် အလုပ်အကိုင် အခွင့်အလမ်းများကို ပံ့ပိုးပေးနိုင်သည့် ပလက်ဖောင်းတစ်ခုပါသည်။

မိုင်းလှုပ်ရှားမှု

ယူနီဆက်သည် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၏ ပူးတွဲဦးဆောင်မှုအောက်ရှိ ၀န်ကြီးဌာနများနှင့် အေဂျင်စီများအကြား ညှိနှိုင်းဆောင်ရွက်မှုကို ၂၀၁၂ ခုနှစ်မှစ၍ မိုင်းအန္တရာယ်လုပ်ငန်းအဖွဲ့ နှင့်အတူ ပူးတွဲဥက္ကဌအဖြစ် ဆောင်ရွက်လျက်ရှိပါသည်။ ဗဟိုချုပ်ကိုင်မှု လျှော့ချထားသည့် လုပ်ငန်းအဖွဲ့၏ ဖွဲ့စည်းပုံများသည် ပြည်နယ် ၄ ခုတွင်လည်း လည်ပတ်နေပါသည်။ ကျူးလွန်ခံရသူများအား ကူညီ စောင့်ရှောက်မှုနှင့် သတင်းအချက်အလက် စီမံခန့်ခွဲမှုဆိုင်ရာ နည်းပညာအဖွဲ့များကို နိုင်ငံတော်အဆင့်နှင့် ဒေသဆိုင်ရာ အဆင့်နှစ်ခုလုံးတွင် ဖွဲ့စည်းခဲ့ပြီး ဖြစ်ပါသည်။ ယူနီဆက်သည် မိုဘိုင်းဖုန်း အပလီကေးရှင်းများမှ တစ်ဆင့် မိုင်းအန္တရာယ် ပညာပေးမှုကို ကျူးလွန်ခံရသူများကို ကူညီပံ့ပိုးမှုများ ထောက်ပံ့ပေးခဲ့ပါသည်။ 

ယူနီဆက်သည် မိုင်းအန္တရာယ်အသိပညာပေးရေး (MRE) ကို တိုးချဲ့ရန်နှင့် MRE မိတ်ဖက်များသည် မိုင်းအန္တရာယ်ပညာပေးရေးကို အထူးလိုအပ်နေသည့် ယင်းနေရာမှ လူများကို လက်လှမ်းမှီ စေရန်အတွက် အစိုးရနှင့် အစိုးရမဟုတ်သော တာဝန်ရှိသက်ဆိုင်သူများနှင့်အတူ ဆက်လက်လှုံ့ဆော်လျက် ရှိပါသည်။

မြန်မာနိုင်ငံတွင် မြေမြှုပ်မိုင်းပေါက်ကွဲမှု ဒဏ်ရာရမှု ၄ ခုအနက် တစ်ခုမှာ ကလေးသူငယ်များ ဖြစ်ကြပါသည်။

အရေးပေါ်တုံ့ပြန်မှု

ယူနီဆက်သည် ကချင်ပြည်နယ်၊ ရခိုင်ပြည်နယ်နှင့် ရှမ်းပြည်နယ်ရှိ ပြည်တွင်း ရွှေ့ပြောင်း နေထိုင်းသူများအတွက် ဒုက္ခသည်စခန်းများရှိ ထိခိုက်လွယ် အခြေအနေများတွင် နေထိုင်နေ ကြသည့် မိသားစုများနှင့် ကလေးသူငယ်များအတွက် အသက်ကယ်သင်ခန်းစာများကို တိုးချဲ့ ပေးခြင်းနှင့် ဆယ်ကျော်သက်များအတွက် ဘဝကျွမ်းကျင်မှုဆိုင်ရာ သင်တန်းများကို မိတ်ဖက်များနှင့်အတူ ပံ့ပိုးပေးလျက်ရှိပါသည်။

ထို့အပြင် ယူနီဆက်၏ ကလေးသူငယ် ကာကွယ်စောင့်ရှောက်ရေး အစီအစဉ်သည် ပဋိပက္ခဒဏ်သင့် ဒေသများသို့ ရောက်ရှိနိုင်ရန် ခက်ခဲသည့် ရပ်ရွာလူထုအခြေပြု ကလေးသူငယ်ကာကွယ်စောင့်ရှောက်ရေး ယန္တရားများကို ခိုင်မာစေရန် အားဖြည့်ပေးပြီး ကြိုတင်ကာကွယ်ရေးဆိုင်ရာ အသက်ကယ် သင်ခန်းစာများနှင့် သတင်းအချက်အလက်များ၊ လူမှုစိတ်ပိုင်းဆိုင်ရာ ကူညီပံ့ပိုးမှု၊ ဖြစ်ရပ်စီမံရေး ၀န်ဆောင်မှုများနှင့် အကာအကွယ်ပေးသည့် အခွင့်အရေး ချိုးဖောက်မှုအမျိုးမျိုးကြောင့် ထိခိုက်ခံစားခဲ့ရသည့် ကလေးသူငယ် ထောင်ပေါင်းများစွာအား ညွှန်ကြားပေးခြင်းများကို ပံ့ပိုးပေးပါသည်။