ကျွန်ုပ်တို့၏မိတ်ဖက်များ
ကလေးငယ်များအာလုံးရဲ့ ဘဝတွေ ပိုမိုကောင်းမွန်စေရေးအတွက် အစဥ်လက်တွဲလုပ်ဆောင်လျှက်
- ရရှိနိုင်ပါသည်:
- English
- မြန်မာ
မြန်မာနိုင်ငံအနှံအပြားရှိ ကလေးသူငယ်တို့၏ဘဝများ အပေါင်းလက္ခဏာဆောင်စွာ ပြောင်းလဲစေရန် အတွက် UNICEF အနေဖြင့် ကြိုးပမ်းဆောင်ရွက်လာသည်မှာ နှစ်ပေါင်း ၇၀ တိုင်လုနီးပါးပင်ဖြစ်သည်။ နိုင်ငံ အတွင်းရှိ ၎င်း၏ပူးပေါင်းဆောင်ရွက်ရေးအစီအစဉ်မှတဆင့်၊ UNICEF အနေဖြင့် အစိုးရနှင့် ခိုင်မာသောဆက်ဆံရေး ရှိသည့်အပြင်၊ တစ်ချိန်တည်းမှာပင် ကလေးသူငယ်တို့၏ဘဝများ တိုးတက်စေရန် အခြားသော မိတ်ဖက် အဖွဲ့အစည်းများစွာနှင့်လည်း ချိတ်ဆက်ဆောင်ရွက်လျက်ရှိပါသည်။
အမျိုးသားပြန်လည်သင့်မြတ်ရေး၊ ပြည်တွင်းငြိမ်းချမ်းရေး၊ ဒီမိုကရက်စီနည်းကျကျ ဖက်ဒရယ် ပြည်ထောင်စုတစ်ရပ်သို့အသွင်ကူးပြောင်းရေးနှင့် ပြည်သူအများစု၏ဘဝအရည်အသွေးကိုမြင့်တင်ခြင်းဟူသော အစိုးရကချမှတ်ထားသည့် ရည်မှန်းချက် (၄) ရပ်တွင်အခြေတည်ထားသည့် လက်ရှိ နိုင်ငံတွင်း ပူးပေါင်း ဆောင်ရွက် ရေးအစီအစဉ် (၂၀၁၈ - ၂၀၂၂) ကို UNICEF အနေဖြင့် မြန်မာနိုင်ငံတော်အစိုးရနှင့်အတူ ပူးတွဲတည်ဆောက် ခဲ့ပါသည်။
ကျွန်ပ်တို့အား အလွန်ရက်ရောစွာ ပံ့ပိုးထောက်ပံ့ပေးကြသည့် အလှူရှင်အဖွဲ့အစည်းအသီးသီးကိုလည်း အလွန်ပင်ကျေးဇူးတင်ရှိပါသည်။ ထို့ပြင် ကျွန်ပ်တို့အနေဖြင့် မြန်မာနိုင်ငံအတွင်းရှိ ကလေးသူငယ်များ၏ဘဝကို တိုးတက်လာစေမည့်လုပ်ငန်းများအား မိတ်ဖက်အဖွဲ့အစည်းအားလုံးနှင့်တွဲဖက်၍ ဆက်လက်ဆောင်ရွက်သွားမည် ဖြစ်ပါသည်။
၂၀၁၈ ခုနှစ်တွင်၊ ယူနီဆက်ဖ်မြန်မာအား လှူဒါန်းမှုအများဆုံး ထိပ်တန်းနိုင်ငံသုံးခုမှာ GAVI၊ အမေရိကန် နှင့် ကိုရီးယားနိုင်ငံတို့ပင်ဖြစ်ပြီး၊ UNICEF ၏အမျိုးသားကော်မတီများမှတဆင့် ရက်ရက်ရောရောလှူဒါန်း ပေးကြ သည့် အခြားသောတစ်ဦးချင်းပုဂ္ဂိုလ်သန်းပေါင်းများစွာလည်းရှိပါသည်။
၂၀၁၈ ခုနှစ်အတွင်းတွင် UNICEF အနေဖြင့် အမေရိကန်ဒေါ်လာ ၃၈ သန်းကျော်ကို အသုံးပြုခဲ့ပြီး၊ ယင်းငွေများအနက် ခန့်မှန်းခြေ အမေရိကန်ဒေါ်လာ ၁၀ သန်းကို လူသားချင်းစာနာထောက်ထားမှုဆိုင်ရာ တုံ့ပြန် လုပ်ငန်းများအတွက် အသုံးပြုခဲ့ပါသည်။
အထူးသီးသန့်ဗဟုသုတများနှင့် အတွေ့အကြုံများစွာကို ပေးလျက်ရှိသည့် အရပ်ဖက်အဖွဲ့အစည်း အမျိုး မျိုးနှင့်လည်း UNICEF အနေဖြင့် တွဲဖက်လုပ်ဆောင်လျက်ရှိသည်။ လက်ရှိတွင် ကျွန်ပ်တို့အနေဖြင့် အရပ်ဖက် အဖွဲ့ အစည်း (၄၀) နှင့် နီးနီးကပ်ကပ်တွဲဖက်လုပ်ဆောင်လျက်ရှိသည်။ ယင်းက ကလေးသူငယ်များအတွက် ဆန်းသစ် တီထွင်မှုအရှိဆုံးနှင့် အထိရောက်ဆုံးအောင်မြင်မှုအချို့ကို ဖော်ဆောင်ပေးနေသည့် စုံလင်ကွဲပြားမှုပင်ဖြစ်သည်။ နိုင်ငံတစ်လွှားရှိ အမျိုးသားကျန်းမာရေးဆိုင်ရာပညာရှင်များ၊ အာဟာရပညာရှင်များ၊ ပညာသင်ကြား ပေးသူများ၊ ရေနှင့်သန့်ရှင်းရေးဆိုင်ရာပညာရှင်များအပြင်၊ လူမှုဝန်ထမ်းများနှင့်မိတ်ဖက်ဆောင်ရွက်နေသည့် ကျွန်ပ်တို့၏ အရေးပါလှသည့်လုပ်ငန်းများက လိုအပ်မှုအရှိဆုံးနေရာများအတွက် ရလဒ်များကို သေချာစွာ ဆောင်ကျဉ်း ပေးနိုင်ပါသည်။
မြန်မာနိုင်ငံလူ့အသိုင်းအဝိုင်းအတွင်းရှိ ကျွန်ပ်တို့နှင့်အလားတူ ကမ္ဘာ့ကုလသမဂ္ဂအဖွဲ့အစည်းများ၊ နိုင်ငံ တကာအဖွဲ့အစည်းများနှင့် အစိုးရမဟုတ်သည့်အဖွဲ့အစည်းများ၊ ပုဂ္ဂလိကကဏ္ဍ၊ မီဒီယာ၊ ဘာသာရေး ခေါင်းဆောင်များအပြင်၊ အဓိကလွှမ်းမိုးသူများနှင့် ကျွန်ပ်တို့၏မိတ်ဖက်ဆောင်ရွက်မှုများက အတူတကွ ဆောင်ရွက်လုပ်ကိုင်ခြင်းသည် ကလေးသူငယ်များအတွက် စစ်မှန်၍ ကြာရှည်တည်တံ့သည့်ပြောင်းလဲမှုတစ်ရပ်ကို ဖန်တီးနိုင်ကြောင်း ပြသလိုက်ခြင်းပင်ဖြစ်သည်။
