Secili fëmijë ka nevojë për familje
Kujdesi dhe mbështetja familjare janë të nevojshme për çdo fëmijë.
- English
- Македонски
- Shqip
Për fëmijët, familja është burimi kryesor i dashurisë dhe ndjenjës së sigurisë. Mirëpo ka fëmijë, të cilët për arsye të ndryshme ngelin pa kujdesin prindëror.
Pavarësisht nga mosha e fëmijëve dhe pavarësisht nga sa kohë kanë qenë pa kujdes prindëror, mungesa e dashurisë dhe mbështetjes së nevojshme mund të lërë pasoja afatgjata në zhvillimin e tyre.
Prandaj, zgjidhja më e mirë për fëmijët pa përkujdesje prindërore është marrja nën kujdestari ose strehimi në farefis deri në përmbushjen e kushteve për kthimin e tyre në familjen biologjike ose deri në adoptim.
Kujdesi dhe mbështetja familjare janë të nevojshme për çdo fëmijë.
Nëse keni dëshirë të sinqertë për ta ndihmuar një fëmijë pa përkujdesje prindërore dhe për të dhuruar dashuri, mësoni më shumë se si të bëheni kujdestar (vegëza për ueb faqen www.zgrizuvanje.gov.mk)
Rrëfimi për kujdestarët Eminen dhe Turkanin
Mjedisi familjar plot dashuri, mbështetje dhe mirëkuptim ndaj fëmijëve ndikon në zhvillimin e tyre të mëtejshëm.
Mjedis të tillë të jetesës ka në familjen e Emines dhe Turkanit, të cilët prej më shumë se 15 vitesh janë kujdestarë të specializuara dhe deri më tani janë kujdesur për 18 fëmijë me nevoja të ndryshme.
Mësoni më shumë rreth përvojës së tyre përmes video dokumentarit, që mund t’ju frymëzojë të bëheni kujdestar.
Rrëfimi i kujdestares Majlinda Trajanovska
“Gjëja më e mirë që mund ta bëjë një person është të jetë kujdestar.”
Majlinda Trajanovska ka dy vite që është kujdestare, andaj qëllimi i saj kryesor është të ofrojë dashuri dhe kujdes, në mënyrë që të nxisë ndryshime pozitive në jetën e fëmijëve.
Shikoni video-dokumentarin e shkurtër mbi përvojën e saj si kujdestare, pasi ndoshta do t’ju frymëzojë që edhe ju ta ndihmoni dikë.
Rrëfimi i Elpinikit, kujdestares nga Krusheva
“Me këmbëngulje arrihet gjithçka”.
Shikoni video dokumentarin për kujdestaren Elpiniki Taleska nga Krusheva, e cila me dashurinë dhe kujdesin e saj të pakufishëm kontribuon në zhvillimin e përmirësuar të një fëmije me aftësi të kufizuara.
Bëhuni kujdestar dhe lëreni gjurmën tuaj personale në realizimin e ëndrrës së papenguar të një fëmije.
