На секое дете му треба семејство
Заедничка кампања на УНИЦЕФ и Министерство за труд и социјална политика за згрижувачки семејства
За децата, семејството е примарен извор на љубов и чувство на сигурност. Но има деца што од различни причини остануваат без родителска грижа.
Отсуството на неопходната љубов и поддршка, без оглед на која возраст се децата и без оглед колку долго се без родителска грижа, може да остави долгорочни последици врз нивниот развој.
Затоа најдобро решение за децата без родителска грижа е сместување во згрижувачко семејство или роднинско згрижување сè додека не се постигнат услови за нивно враќање во биолошкото семјество или посвојување.
Семејната грижа и поддршка е неопходна за секое дете.
Ако имате искрена желба да помогнете на дете без родителска грижа и да му пружите љубов, дознајте повеќе како да станете згрижувач. ( https://zgrizuvanje.gov.mk/ )
Приказната на згрижувачите Емине и Туркан
Семејната средина полна љубов, поддршка и разбирање кон децата влијае врз нивниот понатамошен развој.
Таква средина на живеење има во семејството на Емине и Туркан, кои повеќе од 15 години се специјализирани згрижувачи и досега згрижиле 18 деца со различни потреби.
Осознајте повеќе за нивното искуство преку видео документарецот што можеби ќе ве поттикне и вие да станете згрижувачи.
Приказната на згрижувачката Мајлинда Трајановска
„Најдобро нешто што може човек да направи е да биде згрижувач.“
Мајлинда Трајановска е згрижувачка веќе две години, и главна водилка ѝ е да пружи љубов и грижа, со цел да предизвика позитивна промена во животите на децата.
Погледнете го краткиот видео документарец за нејзиното искуство како згрижувачка, можеби ќе ве поттикне и вие да помогнете некому.
Приказната на Елпиники, згрижувачка од Крушево
„Со упорност сѐ се постигнува.“
Погледнете го видео документарецот за згрижувачката Елпиники Талеска од Крушево, која со својата безгранична љубов и грижа придонесува кон подобрен развој на дете со попреченост.
Станете и вие згрижувач и дајте го својот личен белег во остварување на еден непречен детски сон.
За секое дете, а особено за децата со попреченост, блискиот однос со возрасен во семејна средина е од суштинска важност за развојот и остварувањето на целосните потенцијали на детето.
Отворете го вашето срце и вашиот дом. Станете згрижувач.
Дознајте повеќе на https://zgrizuvanje.gov.mk/ или јавете се на 15133
#СемејствоЗаСекоеДете
Замислете да растете без некој што ќе ви подари љубов, грижа и заштита.
Отсуството на семејна грижа е болно за детето и се одразува негативно на неговиот раст и развој.
Отворете го вашето срце и вашиот дом. Станете згрижувач.
Дознајте повеќе на www.zgrizuvanje.gov.mk или јавете се на 15133.
Кога не е возможно, не е безбедно или пак, не е во најдобар интерес на детето да живее со своето семејство, згрижувачкото семејство претставува најдобра алтернативна грижа.
Отворете го вашето срце и вашиот дом. Станете згрижувач.
Дознајте повеќе на www.zgrizuvanje.gov.mk или јавете се на 15133.
#СемејствоЗаСекоеДете
