ការភ្ជាប់រវាងប្រព័ន្ធ Primero​ នឹងប្រព័ន្ធ OSCaR

ប្រព័ន្ធគ្រប់គ្រងករណី Primero ដែលក្រសួងសង្គមកិច្ច អតីតយុទ្ធជន និងយុវនីតិសម្បទា បានប្រកាសឱ្យប្រើប្រាស់ ជាផ្លូវការ ដែលឧបត្ថម្ភគាំទ្រដោយអង្គការយូនីសេហ្វ ឥឡូវនេះប្រព័ន្ធនេះអាចអនុញ្ញាត្តឱ្យប្រព័ន្ធគ្រប់គ្រងករណី OSCaR ដែលប្រើប្រាស់ដោយអង្គការមិនមែនរដ្ឋាភិបាល ដែលជាសមាជិករបស់គំរោងថែទាំកុមារក្នុង គ្រួសារជាអាទិភាពចម្បង (Family Care First/REACT) តភ្ជាប់បាន ហើយការតភ្ជាប់រវាងប្រព័ន្ធទាំងពីរនេះ នឹងជួយពង្រឹងប្រព័ន្ធគ្រប់គ្រងករណី កិច្ចការពារកុមារនៅកម្ពុជា កាន់តែបានល្អប្រសើរ។

តាមរយះវេទិកាប្រកបដោយនវានុវត្តន៍ ក្នុងការធ្វើប្រតិបត្តិការរួមរវាងប្រព័ន្ធទាំងពីរ ហៅថា Open Function (OpenFn) ពេលនេះបុគ្គលិកសង្គម អាចបញ្ជូន និង​ទទួលករណីរបស់កុមាររងគ្រោះ និងងាយរងគ្រោះ ប្រកបដោយប្រសិទ្ធភាព និងសុវត្ថិភាពខ្ពស់។ ការភ្ជាប់រវាងប្រព័ន្ធទាំងពីរ នឹងជួយដល់ការសម្របសម្រួលជាប្រព័ន្ធ រវាងដៃគូពាក់ព័ន្ធ​ ក្នុងការបញ្ជូនករណីដែលរក្សា បាននូវការសម្ងាត់ ការផ្តល់សេវាឆ្លើយតបដែលមានគុណភាពជាងមុន និងទាន់ពេលវេលា ការរកឃើញករណីស្ទួន និងការផ្តល់របាយការណ៍សម្រាប់ទូទាំងប្រទេស។ បុគ្គលិកសង្គមដែលទទួលសិទ្ធិប្រើប្រាស់ប្រព័ន្វនេះ នឹងអាចទទួលបានព័ត៌មានរបស់កុមារ ដើម្បីធានាថាកុមារអាចទទួលបានសេវាចាំបាច់នានា ។

ក្រសួងសង្គមកិច្ច អតីតយុទ្ធជន និងយុវនីតិសម្បទា ស្នើដល់អ្នកប្រើប្រាស់ប្រព័ន្ធទាំងអស់ បន្តប្រកាន់ខ្ជាប់នូវការអនុវត្តដ៏ល្អក្នុងការគ្រប់គ្រងករណី និងស្តង់ដានៃការរក្សាសុវត្ថិភាពទិន្នន័យ។​

សម្រាប់ព័ត៌មានបន្ថែម សូមទំនាក់ទំនងមកនាយកដ្ឋានសុខុមាលភាពកុមារ នៃក្រសួងសង្គមកិច្ច អតីតយុទ្ធជន និងយុវនីតិសម្បទា។

ប្រភព៖ http://www.mosvy.gov.kh/article/622