តំណាងយូនីសេហ្វប្រចាំកម្ពុជា

ក្នុងអាជីពជាមួយយូនីសេហ្វ លោកស្រី ម៉ាហា ធ្លាប់កាន់តំណែងជាន់ខ្ពស់នៅតាមបណ្តាប្រទេសជាច្រើនដូចជា ប្រទេសតង់ហ្សានី អូម៉ង់ ស្រីលង្កា និងលីបង់។ លោកស្រីក៏បានបន្សល់ស្នាដៃដឹកនាំប្រកបដោយជំនាញលើកិច្ចការជនមានពិការភាព បរិយាបន្ន និងសិទ្ធិកុមារ នៅប្រទេសស៊ូដង់ ព្រមទាំងនៅការិយាល័យយូនីសេហ្វប្រចាំតំបន់មជ្ឈិមបូព៌ា និងអាហ្វ្រិកខាងជើង និងតំបន់អាស៊ីបូព៌ានិងប៉ាស៊ីហ្វិក។ លើសទីនេះ លោកស្រីបានធ្វើការយ៉ាងជិតស្និទ្ធជាមួយដៃគូអង្គការសហប្រជាជាតិ រួមទាំងអង្គការជាតិ និងអន្តរជាតិនានា នៅប្រទេសអេហ្ស៊ីប អ៊ីរ៉ាក់ ហ្សកដានី លីបង់ ម៉ារ៉ុក ប៉ាឡេស្ទីន ស៊ូដង់ ស៊ីរី និងយេម៉ែន។ ដោយឡែក ពីឆ្នាំ២០១៣ ដល់២០១៥ លោកស្រីបានបម្រើការជាសាស្ត្រាចារ្យជំនួយផ្នែកសុខភាពសាធារណៈ នៅមហាវិទ្យាល័យវិទ្យាសាស្ត្រសុខាភិបាល នៃសាកលវិទ្យាល័យអាមេរិកាំង Beirut (American University of Beirut)។

លោកស្រី ម៉ាហា ជាជនជាតិលីបង់។ លោកស្រីបានបញ្ចប់ការសិក្សាថ្នាក់បណ្ឌិត ផ្នែកគោលនយោបាយសុខភាពសង្គម ពីសាលា London School of Hygiene and Tropical Medicine នៅចក្រភពអង់គ្លេស សញ្ញាបត្របរិញ្ញាបត្រជាន់ខ្ពស់ផ្នែកសុខភាពសាធារណៈ ពីសាកលវិទ្យាល័យអាមេរិកាំង Beirut ប្រទេសលីបង់ និងបរិញ្ញាបត្រផ្នែកវិស្វកម្មជីវវេជ្ជសាស្ត្រ ពីសាកលវិទ្យាល័យ Johns Hopkins សហរដ្ឋអាមេរិក។