Unë jam më shumë nga ajo që ndodhi

Qofshin viktima, dëshmitarë ose në konflikt me ligjin, fëmijët që vijnë në kontakt me sistemin e drejtësisë përjetojnë trauma psikologjike. 

Qoftë nëpërmjet ekspozimit ndaj përvojave të pafavorshme të fëmijërisë në shtëpi ose nëpërmjet ndërveprimit që i sjell ata në kontakt me sistemin e drejtësisë, trauma mund të ketë ndikim të thellë në aftësinë e tyre për të menduar, ndjerë dhe sjellë. Është e vështirë të dihet se kush dhe në çfarë mase ndikohet nga trauma, kështu që sistemet dhe komunitetet duhet të sigurojnë që të gjithë fëmijët të ndihen të sigurt, të rehatshëm, të parë dhe të qetësuar.  

Mënyra se si trajtohen fëmijët në konflikt me ligjin dhe fëmijët në rrezik nga sistemi dhe komuniteti do të përcaktojë rrugën që ata do të marrin drejt rimëkëmbjes. Masat ndëshkuese për ta korrigjuar sjelljen e një fëmije mund të kenë pasoja ndaj tij gjatë gjithë jetës. 

Një nga parimet e drejtësisë miqësore për fëmijët është shqyrtimi i paraburgimit (ndalimit) si masë e fundit, duke e zhvendosur fokusin në masat alternative dhe riintegrimin e fëmijëve në konflikt me ligjin. Në këtë mënyrë, djemtë dhe vajzat në sistemin e drejtësisë marrin mbështetje shtesë për rehabilitim, risocializim dhe riintegrim në shoqëri, bazuar në nevojat e tyre individuale dhe mund të vazhdojnë me arsimimin e tyre të rregullt dhe jetën komunitare.

Fëmija në kontakt me sistemin e drejtësisë është thjesht VETËM NJË FËMIJË që ka nevojë për mbështetje dhe kujdes.