ချင်းပြည်နယ်

ချင်းပြည်နယ်သည် မြန်မာနိုင်ငံ၏ ဖွံ့ဖြိုးမှု အနည်းဆုံးဒေသတစ်ခု ဖြစ်ပါသည်။

• ပြည်နယ်နှင့် တိုင်းဒေသကြီးအားလုံးတွင် ဆင်းရဲနွမ်းပါးမှု အမြင့်ဆုံးနှုန်းရှိပါသည်။
• လူ ၁၀ ဦး တွင် ၆ ဦး သည် ဆင်းရဲနွမ်းပါးသည့် သတ်မှတ်ချက်အောက်တွင် ရောက်နေပါသည်။
• ၂၀၁၅ စစ်တမ်းတစ်ခုတွင် အိမ်ထောင်စုများ၏ ၈၀ ရာခိုင်နှုန်း နီးပါးသည် ဆင်းရဲမှု သို့မဟုတ် အစာအဟာရချို့တဲ့မှု ကြုံတွေ့ရပါသည်။
• ကလေး ၁၀ ယောက်တွင် ၁ ယောက်သည် ငါးနှစ်အရွယ်သို့ မရောက်ပါ။

ဤဒေသရ၏ တောင်တန်းများထူထပ်ခြင်းနှင့် အခြေခံအဆောက်အဦးများ မရှိခြင်းသည် အကူအညီအထောက်အပံ့ ပံ့ပိုးသည့်၀န်ဆောင်မှုပေးခြင်းကို အနှောင့်အယှက် ဖြစ်စေပါသည်။ ၂၀၂၀ ပြည့်နှစ်တွင် ချင်းပြည်နယ်တောင်ပိုင်းမှ လူများသည် ရခိုင်တပ်မတော်နှင့် မြန်မာ့တပ်မတော်တို့အကြား တိုက်ပွဲများကြောင့် ပိတ်မိ၍ အိုးအိမ်စွန့်ခွာထွက်ပြေးနေထိုင်ခဲ့ရပါသည်။ ၂၀၂၁ ခုနှစ် ဖေဖော်ဝါရီ ၁ ရက် မှစတင်၍ ဖြစ်ပေါ်လာသည့် ပဋိပက္ခသစ်ကြောင့် ချင်းပြည်နယ်တွင် အခြားနေရာများကဲ့သို့ လူများစွာ အိုးမဲ့အိမ်မဲ့ဖြစ်ခဲ့ရပါသည်။

၂၀၂၀ တွင် အဓိကရလဒ်များ

• COVID-19 - ယူနီဆက်နှင့် ၎င်း၏ မိတ်ဘက်အဖွဲ့များသည် မြို့နယ်ကိုးခုတွင် ကပ်ရောဂါ ဆိုင်ရာသတင်းအချက်အလက် ဆက်စပ်ပစ္စည်းပေါင်း ၁၆၂,၈၄၉ ခုကို ဖြန့်ဝေခဲ့ပါသည်။ အိမ် အခြေပြုသင်ထောက်ကူပစ္စည်းများကို မြို့နယ်လေးခုတွင် ဖြန့်ဝေခဲ့ပါသည်။
• WASH - လက်ဆေးဘေစင် ၁,၀၄၇ ခုနှင့် ဆပ်ပြာတုံး ၁၂ တုံးစီ ပါ၀င်သော ဆပ်ပြာထုပ် ၁,၂၂၀ ကို နေရာ ၃၇၃ဆီသို့ထောက်ပံ့ပေးခဲ့ပါသည်။ မြို့နယ်ရှစ်ခုရှိ အသွားအလာကန့်သတ် စောင့်ကြပ်ကြည့်ရှုသည့် စင်တာများတွင် တစ်ကိုယ်ရည်သုံးသန့်ရှင်းရေး သန့်ရှင်းရေး ပစ္စည်းထုတ် ၅၀၀ ကို ထောက်ပံ့ပေးခဲ့ပါသည်။
• အာဟာရ - အသက် ၆ လမှ ၅၉ လအတွင်း ယောက်ျားလေးနှင့် မိန်းကလေး ၅,၃၉၈ ဦး ကို အာဟာရချို့တဲ့မှု ရှိမရှိစစ်ဆေးခဲ့ပြီး ကလေး ၁၇၆ ဦး ကို အလယ်အလတ်ဆင့်ပြင်းထန်သော အာဟာရချို့တဲ့မှုအတွက် ကုသပေးခဲ့ပါသည်။ အသက် ၆ လမှ ၅၉ လအတွင်း မိန်းကလေးနှင့် ယောက်ျားလေး ၃,၄၂၉ ယောက်သည် အာဟာရဓာတ်ဖြည့်စွက်စာများ ရရှိခဲ့ပါသည်။
• သင်ယူခြင်း - ပလက်ဝဒေသရှိ ပဋိပက္ခဒဏ်သင့် ဒေသများရှိ ကျောင်းသား၊ကျောင်းသူများအတွက် မရှိမဖြစ်လိုအပ်သော သင်ယူမှု ပစ္စည်းကိရိယာအထုပ်လိုက် ၂,၉၂၀ခု၊ အပန်းဖြေကစားစရာပစ္စည်းကိရိယာထုတ် အခု ၂၀၊ ကျောင်းသုံးပစ္စည်းများအစုံပါထုတ် ၅ခု ၊ စာသင်ကျောင်းတဲရှစ်လုံးနှင့် အမိုးသွပ်ကပြား အချပ် ၂၀၀၀ ကို ထောက်ပံ့ပေးခဲ့ပါသည်။ ပုံပြင်စာအုပ်များနှင့် သူငယ်တန်းအတွက် ဆရာ၏ လမ်းညွှန်ကို ချင်းပြည်နယ်ရှိ တိုင်းရင်းသားဘာသာစကား ၃၀ ဘာသာ သို့ ဘာသာပြန်ထားပြီး နာဂလူမျိုးအတွက် ဘာသာစကား ၁၀ မျိုးသို့ ဘာသာပြန်ပေးခဲ့ပါသည်။