Mialoha ny fihaonam-be iraisam-pirenena momba ny fanjarian-tsakafo ho an’ny fitomboana izay hatao any Parisy, dia manao fanambarana i Madagasikara fa handray andraikitra amin’ny ady amin’ny tsy fanjarian-tsakafo.

Antananarivo, 25 Febroary 2025 – Notanterahina androany teo ambany fiahian’ny Praiminisitra, Lehiben’ny Governemanta, ny atrikasa ho fanombohana ny fandraisan’andraikitr’i Madagasikara mba hanafainganana ny fandrafetana ny politika sy ny asa momba ny fanjarian-tsakafo ho an’ny fitomboana sy ho fiomanana amin’ny ny fihaonam-be iraisam-pirenena momba ny “fanjarian-tsakafo ho an’ny fitomboana”, izay hatao any Parisy tamin’ny faran’ny volana martsa.

Ity hetsika ity dia novolavolaina nandritra ny fotoana nanaovan - dRamatoa Afshan Khan, Sekretera Jeneralin’ny Firenena Mikambana Lefitra  sady Mpiandraikitra ny hetsika mikasika ny fampiakarana ny tahan’ny fanjarian-tsakafo (SUN), sy Atoa Brieuc Pont, Sekretera Jeneralin’ny fihaonam-be, fitsidihana teny an-toerana.

Eto Madagasikara, ny tsy fanjarian-tsakafo dia olana lehibe amin’ny fampandrosoana. Raha ny marina, dia iray amin’ireo firenena 28 maneran-tany izay ahitana taha ambony amin’ny tsy fanjarian-tsakafo maharitra, mihoatra ny 30% tao anatin’ny folo taona mahery i Madagasikara.

Araka ny fenitra napetraky ny fikambanana iraisam-pirenena ho an’ny fahasalamana (OMS), voafaritra ny zaza latsaky ny roa taona dia tokony hihinana farafaha-keliny sokajin-tsakafo dimy amin’ireo valo misy mba hahafahany mivelatra ara-tsaina sy ara-batana. Kanefa, araka ny tatitra farany[1] azo, dia ny 74% amin’ny zaza eto Madagasikara no mihinana sokajin-tsakafo telo na efatra monja isan’andro, ary ny 24% kosa dia tsy mihinana afa-tsy sokajin-tsakafo iray na roa fotsiny. Voasokajy ho latsaka anaty fahantrana ara-tsakafo lalina izy ireo. Any amin’ny faritra atsimon’i Madagasikara dia mahatratra 86%-n’ny tokantrano no tsy manana fahefa-mividy hahafahana misitraka sakafo miovaova sy ara-dalàna.

Ao anatin’izany tontolon-kevitra izany no hanasan’ny Fihaonam-be ho an’ny fanjarian-tsakafo ho an’ny fitomboana izay natao tany Parisy ny firenena rehetra handray andraikitra matotra ka haneho izany amin’ny fametrahana tanjona amin’ny alalan’ny fanaovana fandaharan’asa, teti-bola sy politika. Soa fanararaotra ihany koa izany ho an’ireo mpisehatra rehetra -  ka ao anatin’izany ny mpitondra fanjakana, ny fiaraha-monim-pirenena, ny sehatra tsy miankina ary ny mpiara-miombon’antoka ara-teknika sy ara-bola – mba samy hiara-mientana sy hanao fampiasam-bola ampy ho an’ny fanjarian-tsakafo

Ho an’i Madagasikara, ny fandraisan’andraikitra dia mifototra amin’ny tady amin’ny tsy fanjarian-tsakafo lalina sy mitohy maharitra izay atao hatramin’ny taona 2030, sy ny fanamafisana ny ary koa amin’ny fanamafisana ny fifanaraham-piaraha-miasa amin’ireo mpisehatra rehetra.

Ny fanarian-tsakafo dia mitaky fiaraha-mientana amin’ny sehatra samihafa to ny fambolena ,ny fahasalamana, ny fiarovana ara-tsosialy, ny fanabeazana, ny rano, ny fidiovana sy fahadiovana, ny fiompiana ary ny jono. Iray amin’ireo fandraisana andraikitra ataon’i Madagasikara ny fampidirana ny fanjarian-tsakafo ao amin’ny fandaharanasa mikaiska ny fambolena hatramin’ny taona 2030. Ny olan’ny tsy fanjarian-tsakafo, indrindra ny fahantrana ara-tsakafo mpahazo ny ankizy dia tsy hihena raha tsy misy ny fampiasana vola amin’ny famokarana sakafo isan-karazany, sy afaka miatrika ny fiovaovan’ny toetrandro.

Ny firenena mikambana, ny Fikambanana frantsay, ny mambran’ny hetsika "SUN" dia samy mandray andraikitra sy miara-miasa amin’ny fahasalamana sy sakafo mahavelona ka hahafahany mitombo amin’ny fahafenoany.