Sahondra, afaka miantoka ny filàna fototran'ny zafikeliny vavy
Sahondra dia renibe mananotena izay mikarakara ny zafikeliny. Nisy fiantraikany betsaka tamin'ny fivelomany ny maha zokiolona sy ny maha tsy an'asa azy, saingy hatramin’ny nisian'ny Zara Mira dia lasa afaka miantoka ny filàna fototry ny zafikeliny izy.
Sahondra dia renibe 53 taona izay mikarakara ny zafikeliny 5 taona; maty teo am-piterahana ny zafikeliny ny vadin'ny zanany lahy. Ny vadin’i Sahondra no namelona ny fianakaviana tamin’ny alàlan'ny jono. Nodimandry anefa izy, fito volana lasa izay, ary namela faktiora tsy mbola voaloa sy ny saram-pianaran’ny zafikeliny.
Ny programa Zara Mira dia nahafahan'i Sahondra nitana fivarotana kely ahitana entana toy ny dite, kafe, paty, vary ary legioma. Na dia mbola manahirana aza ny fitantanam-bola ary mbola sarotra ny fitadiavam-bola dia ataon'i Sahondra izay ahafahan'ny zafikeliny misakafo in-3 isan’andro.
Hatreto dia tsy mbola afaka nanangom-bola tamin’ny alàlan'ny tohana ara-bola azony teo aloha izy ary mbola mila mindram-bola amin’ny tahirim-bolam-piarahamonina, satria tsy nahavitana nandoa ny fandaniana rehetra ny vola azo avy amin’ny Zara Mira. Manantena izy fa ny vola fanampiana manaraka eo dia ahafahany manao tahiry sy manefa ny trosa rehetra nalainy ho an'ny saram-pianarana sy ny fitaovam-pianaran'ny zafikeliny.
Ny programa Zara Mira dia nahafahan'i Sahondra nitana fivarotana kely mampidi-bola mba hahazoany miantoka ny filàna fototry ny zafikeliny.
