Një ekip për të drejtat e fëmijëve
Ky partneritet nën sloganin “Të gjithë në të njëjtin ekip për fëmijët” do t’i mbështesë iniciativat për mbrojtje të të drejtave të të gjithë fëmijëve në sport
- Gjendet në:
- English
- Македонски
- Shqip
UNICEF dhe Federata Maqedonase e Futbollit e shpalosën partneritetin e ri në vigjilje të Ditës Botërore të Fëmijëve, për ta promovuar rëndësinë e përfshirjes, mosdiskriminimit dhe barazisë së fëmijëve dhe të rinjve në të gjitha aspektet e jetës, përfshirë edhe sportin dhe lojën.
Këtë vit, Dita Botërore e Fëmijëve do të shënohet në të njëjtën ditë me nisjen e Kupës Botërore në futboll, gjë që krijon një mundësi unike për ta përdorë fuqinë e futbollit për t’u bashkuar dhe për t’i kujtuar botës se mund të ketë vetëm një ekip kur bëhet fjalë për të drejtat e fëmijëve.
Nisma do të përfshijë një fushatë të përbashkët multimediale nën sloganin “Të gjithë në të njëjtin ekip për fëmijët me futbollistë nga ekipet kombëtare dhe fëmijë me sfonde të ndryshme, duke shkëmbyer së bashku mesazhe pozitive të barazisë dhe përfshirjes për çdo fëmijë.
Fëmijët parashtrojnë pyetje të rëndësishme, së bashku me futbollistët.
Biseda mes fëmijëve dhe futbollistëve rreth temave si mundësitë e barabarta, edukimi, shëndeti mendor dhe mjedisi i shëndetshëm.
Në ndeshjet miqësore të futbollit në Shkup, fëmijët shpalosën një mesazh për një shoqëri më të drejtë dhe më gjithëpërfshirëse
Si pjesë e partneritetit ndërmjet UNICEF-it dhe Federatës së Futbollit të Maqedonisë, në ndeshjen miqësore të futbollit ndërmjet Maqedonisë së Veriut dhe Finlandës (17 nëntor) dhe Maqedonisë së Veriut dhe Azerbajxhanit (20 nëntor), fëmijët që i shoqërojnë futbollistët do të veshin bluza me rastin e Ditës Botërore të Fëmijëve me një mesazh për një shoqëri më të drejtë dhe më gjithëpërfshirëse.
Fëmijët e marrin përsipër fushën e sportit të ndeshjes miqësore të futbollit, duke bërë thirrje që të gjithë të mblidhen për të drejtat e fëmijëve
Me rastin e shënimit të Ditës Botërore të Fëmijëve, UNICEF dhe Federata e Futbollit të Maqedonisë e organizuan ndeshjen miqësore të futbollit “Fëmijët e marrën përsipër fushën e sportit”. Në këtë ndeshje luajtën fëmijët, lojtarët profesionistë nga ekipi i Përfaqësueses së futbollit, lojtarëve nga Olimpiada speciale dhe zyrtarëve të lartë.
Na ndiqni në rrjetet sociale
