जर्मनीकी प्रथम महिला एल्के बुडेनबेन्डर युनिसेफको कार्यक्रम भ्रमणका लागि नेपालमा

युनिसेफ जर्मनीकी संरक्षक तथा संघीय गणतन्त्र जर्मनीको राष्ट्रपति फ्र्यांक-वाल्टर स्टेइनमेयरकी श्रीमती एल्के बुडेनबेन्डरले सन् २०२० को फेब्रुअरी ३ देखि ७ तारिख सम्म नेपालमा युनिसेफका विभिन्न कार्यक्रमको भ्रमण गर्नुहुने भएको छ

05 फेब्रुअरी 2020
Germany's first lady with children
UNICEF Nepal/2020/LPNgakhusi

युनिसेफ जर्मनीकी संरक्षक तथा संघय गणतन्त्र जर्मनीको राष्ट्रपति फ्र्यांक-वाल्टर स्टेइनमेयरकी श्रीमती एल्के बुडेनबेन्डरले सन् २०२० को  फेब्रुअरी ३ देखि ७ तारिख सम्म नेपालमा युनिसेफका विभिन्न कार्यक्रमको भ्रमण गर्नुहुने भएको छ । स्वास्थ्य सेवा र शिक्षाको पहुँच, उच्च गरिबी र प्राकृतिक प्रकोपको उच्च जोखिमजस्ता थुप्रै संरचनात्मक चुनौतीहरूको बाबजुद  नेपालले  बाल अधिकार तथा दिगो विकास लक्ष्य प्राप्ति तर्फ उल्लेखनीय प्रगति गरेको छ युनिसेफका लागि जर्मन राष्ट्रिय समितिका अध्यक्ष जर्ज ग्राफ वाल्डर्सी पनि एल्के बुडेनबेन्डरसँगै भ्रमणमा सामेल हुनेहुनेछ । 

"युनिसेफसँगै नेपालका बालबालिकाको जीवनस्तर सुधार तथा उनीहरूको अधिकार सुनिश्चितता किन महत्वपूर्ण छ भनी ध्यानाकर्षण गराउनको लागि म नेपाल आएको हुँ । बाल अधिकारको सुनिश्चित नगरी जर्मनी साथसाथै अन्तर्राष्ट्रिय समुदाय प्रतिबद्ध रहेको दिगो विकासको लक्ष्य हासिल गर्न सकिदैंन ।" एल्के बुडेनबेन्डरले आफ्नो भ्रमणको सुरुवातमा भन्नुभयो । 

युनिसेफ जर्मनीकी संरक्षकले नेपाल भ्रमणका क्रममा यहाँका बालबालिकाहरुको स्थिति र त्यसको दिगो समाधानका लागि युनिसेफले चालेको कदमको बारेमा थप जानकारी लिनुहुनेछ । एल्के बुडेनबेन्डरले विद्यालय, युवा क्लबहरू र समुदायहरूका बालबालिकालाई भेटि उनीहरूले आफ्नो दैनिक जीवनमा आउने चुनौतीहरूको सामना गर्ने तरिकाको बारेमा जानकारी लिनुहुनेछ । उहाँले  प्राकृतिक प्रकोपको प्रभावलाई कम गर्न समुदायहरूले आफुलाई सुदृढ बनाउन गरेका प्रयासहरूको बारेमा पनि जानकारी लिनुहुनेछ । 

 नेपाल दिगो विकास लक्ष्य हासिल गर्ने सम्बन्धी राष्ट्रिय प्रतिवेदन पहिले दिने राष्ट्रहरु मध्ये एक हुन सफल भएको थियो । युनिसेफका अनुसार, विश्वव्यापी लक्ष्यहरू प्राप्त गर्नका लागि बाल अधिकार सम्बन्धि ठोस कदम चाल्नु अत्यन्त  आवश्यक रहेको छ।

उल्लेखनीय प्रगति भए पनि धेरै बालबालिका र किशोरकिशोरी अझै पनि स्वच्छ पानी, स्वास्थ्य सेवा, पोषणयुक्त खाना तथा  विद्यालयको पहुँचबाट टाढा छन् । ५ देखि १२ वर्ष उमेर समुहका करिब ७७०,००० बालबालिका विद्यालयको पहुँच भन्दा बाहिर रही आधारभूत शिक्षा पाउनबाट बन्चित छन् । पाँचमध्ये दुई महिलाले १८ वर्ष भन्दा पहिले नै विवाह गर्छन् र ५ वर्ष मुनिका ३६ प्रतिशत बालबालिका गरीबीको रेखा मुनि रहेका छन् । 

युनिसेफले नेपालमा सबै बालबालिका, विशेष गरी सीमान्तकृत र विपन्न वर्गको लागि विगत पाँच दशक भन्दा बढी समय देखि विभिन्न कार्यक्रमहरु गर्दै आएको छ । युनिसेफ जर्मनीले बालबालिकाहरूलाई सिक्ने अवसरहरू प्रदान गर्ने उद्देश्य लिएको "लेट अस लर्न" लगायत अन्य कार्यक्रमहरू सञ्चालनको लागि सहयोग गर्दै आएको छ । 

मिडिया सम्पर्कहरू

तानिया धाख्वा

प्रमुख, सञ्चार शाखा

युनिसेफ नेपाल

सम्पर्क: 977-9801244524

युनिसेफको बारेमा 

युनिसेफले अति पिछडिएका र विपन्न बालबालिकाकाहरुको पहुँचको निम्ति विश्वको चुनौतीपूर्ण स्थानमा कार्यरत छ । बालबालिकाको जीवन बचाउन, अधिकार संरक्षण गर्न, प्रतिभा प्रस्फुटन गर्दै यसको परिपूर्ती गर्न सहयोग गर्दछ । हामी सबैैतिर,  हरेक दिन, सबै बालबालिकाको लागि असल संसार निर्माण गर्न विश्वका १९० राष्ट्रहरुमा निरन्तर काम गरेका छौ र यसको लागि हामी कहिल्यै पछि पर्नेछैनौ । 
युनिसेफ र यसले बालबालिकाको क्षेत्रमा गरेका कामको थप जानकारीको लागिः www.unicef.org

युनिसेफ नेपाललाई फेसबुकट्वीटरमा र इन्स्टाग्राम फलो गर्नुहोस् 

 

थप खोज्नुहोस्