लेख
अन्तराष्ट्रिय खेल दिवस यसरी मनाऔं
घर र विद्यालयमा खेल्न सकिने तरिकाहरू
युनिसेफ नेपाल
06 जुन 2024
खेल खेल्नु बालबालिकाको मुख्य काम हो । खेलबिना उनीहरूको सर्वाङ्गीण विकासको आशा गर्न सकिदैन । खेलको असीमित महत्त्वलाई थप जोड दिन तथा बालबालिकाको खेल्ने अधिकारलाई सुनिश्चित गर्न यस वर्षदेखि जुन ११ मा अन्तराष्ट्रिय खेल दिवस मनाइदैछ ।
युनिसेफ नेपाल सम्पूर्ण अभिभावक तथा विद्यालयहरूलाई अन्तराष्ट्रिय खेल दिवस मनाउन आह्वान गर्दछ । यस लेखमा घर र विद्यालयमा अन्तराष्ट्रिय खेल दिवस मनाउने केही तरिकाहरू दिइएको छ ।
अभिभावकले गर्नुपर्ने कुरा
- खेलको प्रवर्धन
- खेल्न मिल्ने वातावरण तयार गर्ने
- दैनिक खेल्ने समय छुट्याउने
- सँगै खेल्ने
घरमा अन्तराष्ट्रिय खेल दिवस मनाउने केही तरिकाहरू
- दैनिक गतिविधिमा, खेल, गीत, नाच, कथा जस्ता क्रियाकलापलाई कसरी समेट्न सकिन्छ सोचौं । जस्तै, सुत्ने बेलामा कथा सुनाउने ।
- आफ्ना
ोबालबालिकासँग उसको मनपर्ने खेल, खेलौना, खेल्ने साथीका बारेमा कुराकानी गरौं । - घरमा सजिलै पाइने सामानहरूबाट खेलौना बनाऔं । जस्तै, पुराना लुगाफाटाबाट पुतली ।
- बालबालिकालाई तपाईँले सानो बेलामा खेल्ने खेल सिकाऔं ।
- बाहिर गएर खेलौं ।
- जुन ११ को दिन कम्तीमा आधा घण्टा बालबालिकासँग खेलौं ।
विद्यालयले गर्नुपर्ने कुरा
- खेलको महत्त्व र फाईदा बालबालिका तथा अभिभावकलाई बुझाउने
- खेल्न मिल्ने वातावरण र समय बनाउने
- शिक्षक र अभिभावक पनि बालबालिकासँगै खेल्न प्रवर्धन गर्ने
विद्यालयमा अन्तराष्ट्रिय खेल दिवस मनाउने केही तरिकाहरू
- बालबालिकासँगै यो दिन कसरी मनाउन सकिन्छ भन्ने बारे छलफल गरौं ।
- बालबालिकालाई आफ्नो मनपर्ने खेल र खेलौनाबारे समुहमा बताउन लगाऔं र कसरी खेल्ने सिकाउन लगाऔं ।
- शिक्षक (वा कुनै अभिभावकलाई कक्षामा बोलएर) आफू सानो हुँदा खेल्ने खेलबारे बालबालिकालाई सिकाऔं र उनीहरू संग खेलौं ।
- बालबालिकाले खेल्नको लागि विभिन्न भित्री तथा बाहिरी वातावरण बनाऔं ।
- बालबालिकालाई विद्यालय नजिकैको प्राकृतिक वातावरणमा खेल्न दिउँ ।
- स्वतन्त्र रुपमा खेल्न दिउँ ।
