Эрүүл мэнд
Хүүхэд бүр эсэн мэнд амьдарч, өсөж хөгжих эрхтэй. Гэсэн хэдий ч хүүхэд, өсвөр үеийнхэн төрсний дараах эсэн мэнд үлдэх, тэдний өсөлт хөгжилтэй холбоотой сорилтууд тулгарсаар байна.
- Боломжтой:
- English
- Mongolian
Тулгарч буй сорилтууд
Хүүхэдтэй холбоотой ялгаатай байдлын тухайд 5 хүртэлх насны хүүхдийн эндэгдэл баруун бүсэд Улаанбаатар хоттой харьцуулахад бараг 4 дахин өндөр, нэн ядуу, чинээлэг өрхүүдийн харьцуулалтаар бараг 4 дахин өндөр байна. Баруун бүсэд жирэмсэн эмэгтэйчүүдийн дөнгөж 31 хувь төрөхөөс өмнөх үеийн чанартай үйлчилгээг авч байгаа бол энэ үзүүлэлт Улаанбаатар хотод 84 хувьтай байна.
Хүүхдийн эсэн мэнд амьдрахуй, өсөлт хөгжилд тулгарч буй сорилтууд нь үндсэндээ үйлчилгээ авах боломж жигд бус, нэн шаардлагатай эм, хангамж хязгаарлагдмал, хууль тогтоомж, бодлого, төсөв хуваарилалтад тэгш эрхийн асуудал харьцангуй сул, иргэд олон нийтийн дунд сөрөг зан үйл хандлага байсаар байгаатай холбоотой байна.
НҮБ-ын Хүүхдийн Cангийн үйл ажиллагаа
НҮБ-ын Хүн Aмын Cан, түүний хамтрагч байгууллагуудын үйл ажиллагаа:
- Бодлогын хүрээнд төсөв, өртөг зардал тооцох, орон нутаг дахь хүүхдийн эрүүл мэндийн үйлчилгээг сайжруулах, эрүүл мэндийн нэн тэргүүний бүтээгдэхүүн хангамжийн сүлжээний удирдлагын асуудлаар үндэсний институтийн чадавхыг бэхжүүлэх,
- Уушгины хатгалгаа, суулгалт зэрэг урьдчилан сэргийлэх боломжтой хүүхдийн эндэгдлийг бууруулах үүднээс хүрээлэн буй орчны эрүүл мэндийн асуудалд хандах,
- Улсын эрүүл мэндийн байгууллагуудад хүүхдийн эсэн мэнд амьдрахуйтай холбоотой бодлого, нөөцийн хуваарилалтад тэгш байх зарчмыг баримтлахыг харуулсан баримт нотолгоог бий болгох,
- Хүүхдийн эрүүл мэндийг хамгаалах ажлыг үр нөлөөг өндөр, зардлыг бага хэлбэрээр явуулах,
- Сургалт, судалгаа шинжилгээний байгууллагуудын сургалтын хөтөлбөрт эх, шинэ төрсөн хүүхэд, хүүхдийн эрүүл мэнд, өсвөр үеийнхний дунд халдварт бус өвчнөөс урьдчилан сэргийлэх асуудлыг тусгаж оруулахад хамтран ажиллаж байна.
Гол үр дүн:
- НҮБ-ын Хүүхдийн сан дүүрэг, сум бүрд хүрч ажиллах стратегийг эрүүл мэндийн үндэсний тогтолцоонд нэвтрүүлэхэд хамтран ажиллаж ирсэн. Загварыг Хөвсгөл аймаг, Налайх дүүргийн хүрч ажиллахад хүндрэлтэй эмзэг бүлгийн дунд эх, хүүхдийн эрүүл мэндийн үйлчилгээг хүргэх гол зорилго дор амжилттай туршсан.
- Эрүүл мэндийн үйлчилгээний эмч, ажилтнуудын ур чадварыг дээшлүүлж, салбарын хөгжлийн хөтөлбөр, төлөвлөгөө боловсруулахад НҮБ-ын Хүүхдийн сангийн дэмжлэгтэй орон нутгийн түвшинд бий болж байгаа баримт нотолгоог хүргэсэн.
- НҮБ-ын Хүүхдийн сан Нярайн эрт үеийн нэн шаардлагатай эрүүл мэндийн тусламж үйлчилгээг хэрэгжүүлэх стратеги төлөвлөгөө, Эх, хүүхэд, нөхөн үржихүйн эрүүл мэнд үндэсний хөтөлбөр боловсруулахад техникийн дэмжлэг үзүүлсэн. Нярайн эрт үеийн нэн шаардлагатай эрүүл мэндийн тусламж үйлчилгээг хэрэгжүүлэх стратеги төлөвлөгөө амжилттай хэрэгжиж, нярайн эрт үеийн эндэгдэл буурахад хувь нэмэр оруулж байна.
- НҮБ-ын Хүүхдийн сан 2016 оны улаан бурхан өвчний дэгдэлтийн үед хүүхдийн нэмэлт дархлаажуулалтын ажиллагаанд дэмжлэг үзүүлсэн.
Эх сурвалж
Түүх
Ending child deaths from pneumonia
Picture imperfect: Vulnerable families access social services
Фото эссэ
Vulnerable families access social services
Видео
Breastfeeding in the workplace: Let's make it work!
Хэвлэл
Reducing preventable child deaths from pneumonia, diarrhea and newborn complication in Mongolila