Эрүүл мэнд
Хүүхэд бүр эсэн мэнд амьдарч, өсөж хөгжих эрхтэй.
- Боломжтой:
- English
- Mongolian
Асуудал
Хүүхэдтэй холбоотой ялгаатай байдлын тухайд 5 хүртэлх насны хүүхдийн эндэгдэл баруун бүсэд Улаанбаатар хоттой харьцуулахад бараг 4 дахин өндөр, нэн ядуу, чинээлэг өрхүүдийн харьцуулалтаар бараг 4 дахин өндөр байна. Баруун бүсэд жирэмсэн эмэгтэйчүүдийн дөнгөж 31 хувь төрөхөөс өмнөх үеийн чанартай үйлчилгээг авч байгаа бол энэ үзүүлэлт Улаанбаатар хотод 84 хувьтай байна.
Хүүхдийн эсэн мэнд амьдрахуй, өсөлт хөгжилд тулгарч буй сорилтууд нь үндсэндээ үйлчилгээ авах боломж жигд бус, нэн шаардлагатай эм, хангамж хязгаарлагдмал, хууль тогтоомж, бодлого, төсөв хуваарилалтад тэгш эрхийн асуудал харьцангуй сул, иргэд олон нийтийн дунд сөрөг зан үйл хандлага байсаар байгаатай холбоотой байна.
Шийдэл
НҮБ-ын Хүүхдийн Сан нь Засгийн газрын бодлого, эрүүл мэндийн хөтөлбөр, чадавхи, нөөцийг бэхжүүлэх замаар чанартай, хүртээмжтэй эрүүл мэндийн тусламж үйлчилгээний хүртээмжийг нэмэгдүүлэхэд дэмжлэг үзүүлэн ажилладаг.
Үйл ажиллагааны тэргүүлэх чиглэлүүдээс дурдвал:
- Цар тахлын бэлэн байдал, цахим шилжилт, шинэ вакцин нэвтрүүлэх, эмийн худалдан авалт, анхан шатны тусламж үйлчилгээний нэр төрөл, хүртээмжийг үндэслэл нотолгоог ашиглан, нөлөөллийн ажлуудаар нэмэгдүүлэх
- Чихэрлэг ундаанд татвар ноогдуулах, Хүүхдэд чиглэсэн хүнсний зар сурталчилгааг хязгаарлах, хүнсний орчныг сайжруулах чиглэлээр өсвөр үеийнхний нөлөөлөл, идэвхийг нэмэгдүүлэх, төрөх, нярайн тусламж үзүүлдэг эрүүл мэндийн байгууллагад Эхийн сүүгээр хооллолтыг дэмжих 10 алхмыг хэрэгжүүлэх, аминдэм эрдэс бодисын дутлаас сэргийлэх арга хэмжээнд нөлөөлөл, техникийн туслалцаа үзүүлэх
- Бага насны хүүхдийн амны хөндийн эрүүл ахуй, Эх, хүүхдийн эрүүл мэндийн дэвтрийн хөгжлийн үзүүлэлтийг хянах арга зүйг хэвшүүлэхэд эрүүл мэндийн анхан шатны тусламж үйлчилгээ үзүүлэгчдийг сургах, дэмжлэгт хяналтаар хангах, эцэг эхийн оролцоог дэмжсэн зан үйл, нийгмийн хэм хэмжээг дэмжсэн мэдээлэл харилцааны ажлыг өргөжүүлэх, АШУҮИС-ийн сургалтын хөтөлбөрт бага насны хүүхдин хөгжлийг дэмжих агуулга арга зүйг боловсруулах, төгсөлтийн өмнөх хөтөлбөрийн хэрэгжилтийг эхлүүлэх.
