Omena fahafahana hahomby ny zatovovavy ary havaozina ny fanabeazana eto Madagasikara
Eo amin’ny firenena dia zatovovavy iray amin’ny efatra ihany no mahavita fiaranana ambaratonga faharoa, i Jocelyne sy ireo tovovavy hafa dia mampiseho an-tsary ny fahavononany hianatra sy hanohy ny fianarany, na dia eo aza ny zava-tsarotra iainany.
Sarin'ny fianakavian'i Jocelyne (eo afovoany) miaraka amin'ny ray aman-dreniny sy ny zana-drahalahiny roa eo anoloan'ny tranony ao Antanambao Andranolava, any avaratra andrefan'i Madagasikara. I Jocelyne, 15 taona, no hany zazavavy amin’izy efatra mpiray tampo. Tamin’ity taona ity dia saika nijanona tamin’ny fianarana i Jocelyne satria tsy afaka nandoa ny saram-pianarany intsony ny ray aman-dreniny.
Jocelyne sy ny rainy maka mahabibo hovolenin’izy ireo eo an-tokotaniny. « Ny famarotana io vokatra io dia tsy ampy hahasahana ny fivelomanay saingy nahatsiaro maivana aho raha vao nilaza ny renibeko fa hiantoka ny fianarako » hoy ny nambarany.
Tany an-tsekoly, nahazo fitaovam-pianarana avy amin’ny UNICEF i Jocelyne, ao anatin’ny fandaharan’asa famerenana an-tsekoly sy fampianarana, izay mikendry indrindra ny hanampy ireo ankizy tsy mianatra hiverina an-dakilasy sy hitoetra amin’ny fianarana.
Ny mpianatra tsirairay eran’ny sekoly dia nahazo kitapo iray, kahie dimy, penina roa, pensilihazo iray, ekera ary kompà iray. « Azo antoka fa ireo fitaovam-pianarana ireo dia tsy hahafeno ny zavatra ilaina mandrapahatonga ny fiafaran’ny taom-pianarana fa kosa efa miantoka ny ampahany betsaka amin’ny fandaniana mifandraika amin’ny fianarako », hoy i Jocelyne.
Ho an’ireo mpampianatra kosa dia nahazo boky fampianaran-tena amin’ny taranja rehetra izy ireo. « Tena ilaina ireny fitaovana sy fampiofanana miaraka aminy ireny satria maro ny mpampianatra no tsy dia ampy ny fahalalany », hoy ny fanazavan-dRabearivola Cécillien, talen’ny sekoly.
Mpampiantra iray miaraka amin’ireto mpianatra tamin’ny fotoana fizarana fitaovam-pianarana. Mpianatra manododina ny 290.000 sy mpampianatra miisa 8.000 eny amin’ny ambaratonga voalohany sy faharoa amin’ny faritra valo no nisitrika ireo fitaovana ireo.
Jocelyne miaraka amin’ireo namany ao an-dakilasy nivoaka ny trano fianarana, tamin’ny fanombohan’ny taom-pianarana 2023-2024. « Hanao izay rehetra azoko atao aho mba hahazoako ny diplaoma ary hifindra any amin'ny lisea amin'ny herintaona » hoy izy.
Ankizivavy telo mpianatra ao amin’ny ambaratonga faharoa nandeha sarety hamonjy fodiana. Any amin’ny faritr’i Boeny dia zazavavy iray amin’ny dimy ihany no mahavita ny fianarana ambaratonga faharoa.
Ireo mpianatra ao amin’ny kolejy Charles Renel, mampiasa ny efitrano fikirakirana informatika. Miroborobo ny fampianarana nomerika eo amin’ireo tanora noho ny fisian’ny fifandraisana amin’ny aterineto avy amin’ny fiaraha-miasa amin’ny sehatra tsy miankina.
Liana amin'ny biolojia, i Rouweidah (14 taona) dia nijoro vavolombelona fa ilaina ireo fitaovana fianarana ampitain-davitra « Ireo kilalao mahafinaritra anatin’io sehatra io dia manampy ahy hahatakatra mora foana ny lesona », hoy izy.
Ny mpianatra ao amin’ny kolejy Antanimora eo am-pambolena ireo voan’ny hazo ao anatin’ny toeram-pambolena eo amin’ny faritry ny sekoly nandritra ny fanombohan’ny taom-pianarana. Ny UNICEF dia manabe ny tanora hitandro ny tontolo iainany satria i Madagasikara dia anisan’ny firenena marefo amin’ny loza ateraky ny toetrandro.
Sarobidy (eo ankavanana), 15 taona, manondraka ireo zana-kazo ao anatin’ny faritry ny sekoly. « Ity no fandraisanay anjara mba hametrahana tontolo iainana tsara ho an'ny taranaka ho avy. Isan’ny fialambolinay koa ny mamboly hazo » hoy ny fanazavany.
Any amin’ny faritra Analanjirofo, avaratra atsinanan’ny Nosy, i Oxynah (eo afovoany) dia anisan’ireo tanora zato nisitraka fampiofanana arak’asa ho an’ny zatovo. Nandao ny sekoly teo amin'ny faha-15 taonany, izy dia nanaraka fiofanana momba ny fanjairana ary mikasa hanao izany ho asa any aoriana.
Oxynah (faharoa avy any ankavia) sy ankizivavy hafa eo anoloan’ny milina fanjairana, nomena tamin’ny alalan’ny fandaharan’asa Let Us Learn. Ity fandaharan’asa ity dia mikendry ny fihazonana ny ankizy hianatra sy hisorohana ny tsy fianarana any an-tsekoly, miteraka soa fanararaotra ho an’ny zatovo indrindra fa ny zatovovavy.
Sarin’i Jocelyne miaraka amin’ireo mpianatra hafa. Ireo zatovovavy rehetra ireo dia manantena hanatanteraka ny nofinofiny indray andro any. Ny fanabeazana no fomba mahomby hampahaleo tena ireo zazavavy no sady lalana mitondra amin’ny fiovana lehibe miantoka ny hoavy tsara kokoa.
Raha mila tantara bebe kokoa dia vakio azafady ny lahatsoratra eto ambany:
Sarah sy Stella, fiainana mahaleo tena ho an'ireo tanora vavy miaina anaty hafaliana
Fanamarihana: Ny fandaharan'asa "Miverena any an-tsekoly sy mianatra" sy "Andao hianatra" dia tanteraka noho ny famatsiam-bola avy amin'ny komity nasionalin'ny UNICEF Alemana, Amerikana (Zonta Intrnational), Danemark (Hempel Foundation) ary Japana.
