Renim-pianakaviana nampivelatra ny toe-tsaina maha-mpandraharaha azy i Mana.
Renim-pianakaviana i Mana ary tsy vitan’ny hoe afaka mamelona ireo zanany fotsiny izy ankehitriny, fa afaka miantoka fidiram-bola hafa isan-karazany ihany koa.
Mpivarotra i Mana, 32 taona izy ankehitriny. Manana fivarotana kely izy ary mivarotra tsakitsaky, kafe, legioma masaka ary salady. Ny tena mpanjifany dia ireo mponina eo an-tanàna ihany, ary koa ireo olona mandalo ny tanàna mandeha fiara. Manan-janaka dimy izy ary mpanjono ny vadiny; mpikambana ao amin'ny filan-kevi-pitantanan’ny ny tahirim-bolam-piarahamonina izy ireo.
Vao tsy ela akory izay, nahazo fanampiana tsy tapaka tamin’ny alàlan’ny fandaharan’asa Zara Mira eto Madagasikara i Mana. Talohan’ny nisitrahany ilay fanampiana dia sahirana izy tamin’ny fividianana ireo fitaovam-pianaran’ny zanany sy ireo filàna fototra hafa. Amin'ny maha-mpikambana azy ao amin'ny tahirim-bola iombonana dia nindrana vola tsy tapaka izy mba handoavany ireo saram-pianarana na rehefa narary ny iray amin'ireo zanany.
Laharam-pahamehan’ny fianakaviana hatramin’izay ny fandefasana ny ankizy any an-tsekoly sy ny fividianana ireo filàna fototra ao an-trano, anisan’izany ny sakafo. Hatramin'ny nisian’ny Zara Mira dia tsy nila nampiasa ny vola avy ao amin’ny tahirim-bola iombonana intsony i Mana. Afaka nandoa ireo saram-pianarana ihany koa izy ary afaka nandefa ny lahimatoany tany amin’ny sekoly kristiana iray tao amin’ny tanànan’i Manakara; tafiditra ao anatin’izany ny saran-dalana rehefa mandeha sy miverina avy any an-tsekoly amin’ny alàlan’ny posy. Rehefa mahazo ny vola fanampiana manaraka izy dia mikasa ny hanitatra ny asa fivelomany ary hivarotra zava-pisotro misimisy kokoa.
Tsy mahatsapa tebiteby noho ny tsy fahampian’ny vola ho an’ny saram-pianarana sy ny fitaovam-pianarana toy ny teo aloha intsony ny fianakaviany. Afaka nanitatra ny asany ihany koa ny vadiny ary nividy kojakoja fanjonoana vaovao miisa 10, ka nahatonga ny fitaovana fanjonoany ho lasa 15 isa izay nahafahany mivarotra trondro bebe kokoa ho an’ny fianakaviany.
Ny fiantraikan'ny Zara mira dia nanome fiainana tsara kokoa ho an'ireo zanany ary nahafahan'ireo ray aman-dreny nanitatra ny asa fivelomany mba hahazoana fidiram-bola bebe kokoa ho an'ny fianakaviana, ary koa mba hanangonana vola hampiasaina amin'ny fanitarana ny tranon'akohony.
Ny fiantraikan'ny Zara mira dia nanome fiainana tsara kokoa ho an'ireo zanany ary nahafahan’ireo ray aman-dreny nanitatra ny asa fivelomany mba hahazoana fidiram-bola bebe kokoa ho an'ny fianakaviana.