Білім мен тәжірибе алмасу

ЮНИСЕФ үкіметке қолдау көрсетеді, серіктестерімен ынтымақтастықты дамытады және оларды оқытады, сонымен бірге, басқа елдермен өз жетістіктеріне жетудегі тәжірибесімен бөліседі.

Больница в Усть-Каменогорск
UNICEF/2016/Andrey Kim

Білім мен тәжірибе алмасу

ЮНИСЕФ үкіметке қолдау көрсетеді, серіктестерімен ынтымақтастықты дамытады және оларды оқытады, сонымен бірге, басқа елдермен өз жетістіктеріне жетудегі тәжірибесімен бөліседі.

Қазақстандағы ЮНИСЕФ Өкілдігінің жұмысы және басым жұмыс бағыттары елдің балаларды қорғау саласындағы жетістіктерімен бірге өзгеріп отырды – екпелер, құрамында темір бар дәрі-дәрмек жеткізуден және йод тапшылығын азайту бағдарламасын жүзеге асырудан бастап, АҚТҚ (ВИЧ) және ЖИТС (СПИД) дертімен тиімді күресуде консультациялық қолдау көрсетуге, кәмелетке толмағандарға арналған әділ сот жүйесі және балаларға көрсетілетін зорлық-зомбылықтың алдын алу саласындағы заңнаманы жетілдіруге, интернат мекемелеріндегі балалар санын азайтуға дейін және көптеген басқа да шаралар.

Бүгінгі таңда ЮНИСЕФ үкіметке республиканың әрбір қаласында балалыққа қатысты түйіткілді мәселелерді шешуде қолдау көрсетуін жалғастырып келеді, серіктестерімен ынтымақтастықты дамытады және оларды оқытады, сонымен бірге, басқа елдермен өз жетістіктеріне жетудегі тәжірибесімен бөліседі.

Осылайша, 2016 жылдың ақпанында Бала құқықтары жөніндегі уәкіл институты құрылды. ЮНИСЕФ алдында болашақта аталмыш институттың әлеуетін нығайту, оның мандатын Париж қағидаларымен сәйкестікке келтіру және оның өңірлік өкілдерін дамыту міндеті тұрғанына қарамастан, бұл жетістік мемлекет әр баланың құқықтарын қорғауға қаншалықты мән беретінінің бірегей мысалы болып табылады.

Сондай-ақ, жүкті әйелдерге, аналарға және кішкентай балаларға үйде қызмет көрсету сапасын жақсартуды қарастыратын патронаж қызметін жетілдіру жұмысы жалғасып жатыр. Бұл бағыттың жаңашылдығы болып патронаж мейірбикелеріне (үйлерге бару нәтижелілігін арттыру мақсатында) және ата-аналарға (балаларын тәрбиелеу және дамыту бойынша кеңестер алу мақсатында) арналған ұялы қосымша дайындалып жатқаны табылады.

Оған қоса Қазақстандағы ЮНИСЕ Өкілдігі үкіметке балалар суицидінің алдын алу, балалардың жарақаттану оқиғаларын, атап айтқанда, жол-көлік оқиғаларымен және т.б. байланысты жарақаттануын қысқарту жұмысында көмектеседі.

Қазақстандағы бағдарламаларды сәтті жүзеге асыру бүкіл Орталық Азия өңірінде оң өзгерістер енгізу үшін маңызды мысал болып саналады, себебі, осы өңірдегі елдер Қазақстанның балалардың аман-саулығын жақсарту ісіндегі жетістіктеріне қызығушылық білдіреді.