Біздің серіктестер
ЮНИСЕФ Үкіметпен, жергілікті басқару органдарымен, азаматтық қоғаммен және бизнеспен тығыз ынтмақтастықта Қазақстандағы балалардың жағдайын жақсарту үшін жұмыс істейді
Қазақстан Республикасының Үкіметімен серіктестік
20 жыл бойы ЮНИСЕФ Қазақстан Республикасының Үкіметімен және Парламентімен, жергілікті атқару органдарымен, бейүкіметтік ұйымдармен және басқа мүдделі серіктестермен балалардың құқықтарын қорғаудың басымдылығы жоғары салаларында табысты ынтымақтастықта жұмыс жасайды.
Тиімді шешімдер ойлап табу үшін және әр өңірдің әлеуетін толығымен ашу үшін екі фактор аса маңызды: жағдайды мұқият зерттеу және ЮНИСЕФ-тің жергілікті қауымдастықтармен тығыз ынтымақтастығы. Сондықтан, ЮНИСЕФ жергілікті атқарушы органдармен ынтымақтастықта ойдағыдай жүзеге асырыла алатын бала құқықтарын қорғауға арналған жергілікті шешімдерді жақтайды.
Осындай ынтымақтастыққа Шығыс Қазақстан, Қызылорда және Маңғыстау облыстарында бірнеше жылдар бері жүзеге асырылып жатқан бірлескен бастамалар мысал бола алады.
- Қазақстандағы ЮНИСЕФ Өкілдігі Қазақстан Республикасының Денсаулық сақтау министерлігіне Қызылордада әмбебап-озық патронаж қызметін енгізуде техникалық қолдау көрсетеді.
- ЮНИСЕФ үшін нақты ұрымтал жасөспірімдермен және жастармен жұмыс жасау ерекше маңызды. ЮНИСЕФ жаңа ынтымақтастық түрлеріне және көмекке аса мұқтаж жасттардың әлеуметтенуіне қолдау көрсетуге ашық болатын осындай жастар ресурстық орталықтарын Қазақстанда көптеп ашуды өз мақсаты деп біледі.
- Адам құқықтары жөніндегі Омбудсмен ЮНИСЕФ-пен бірге Шығыс Қазақстан облысының білім беру және интернат мекемелерінде балаларға зорлық-зомбылық көрсетудің алдын алу бойынша пилоттық бағдарламаны жүзеге асырды. Аталмыш бағдарламаның мақсаты балалар үшін мектепте ұнамды және тәрбиеге баулитын орта қалыптастыру болды. Бағдарлама шеңберінде балаларға зорлық-зомбылық көрсетілгені туралы хабарламаларды тіркеу және уақытылы шара қолдану тетігі жасалып, жолға қойылды.
- ЮНИСЕФ ҚР ІІМ Төтенше жағдайлар комитетімен және ҚР Білім және ғылым министрлігімен Ынтымақтастық туралы меморандумға қол қойып, «Қазақстан Республикасындағы ұйымдарға және ұрымтал қауымдастықтарға апаттар қаупін азайтуда қолдау көрсету» бағдарламасын жүзеге асыруда қолдау көрсетеді. Нәтижесінде Алматы, Оңтүстік Қазақстан, Шығыс Қазақстан, Қызылорда, Маңғыстау облыстарындағы және Алматы мен Астана қалаларындағы ресурстық және пилоттық мектептерде және мектептке дейінгі мекемелерде 3 600 мұғалім және 70 000 оқушы апаттарға дейін, кезінде және кейін қауіпсіз әрекет ету туралы білімідерін және дағдыларын жетілдірді.
- ЮНИСЕФ пен Еуропалық Одақтың «Балаларға арналған әділ сот жүйесін және олардың құқықтарын қорғауды нығайту» атты бірлескен бағдарламасы Қазақстан Үкіметіне заңмен байланысқа түскен, әрі қылмыс құрбандары және куәгерлері болған балаларға ерекше көңіл бөле отырып, халықаралық стандарттарға сай, балаларға мейірімді, жан-жақты құқықтық жүйе жасауда қолдау көрсетуге бағытталған.
Бизнеспен серіктестік
ЮНИСЕФ балалар мен жастардың құқықтары мен мүдделерін алға жылжыту мақсатында Қазақстандағы бизнес және коммерциялық құрылымдардың өкілдерімен бірлесіп жұмыс жасайды. 2019 жылы Қазақстандағы ең ірі ұжымдық сауда қызметтерінің бірі Chocolife.Me өзінің әлеуметтік жауапкершілік бағдарламасы аясында ЮНИСЕФ бағдарламаларын қолдау үшін қаражат жинау науқаның бастады. ЮНИСЕФ пен ChocoFamily холдингінің өкілі арасындағы ынтымақтастықтың сәтті басталуы ЮНИСЕФ-тің Қазақстан Үкіметімен және барлық негізгі серіктестермен жыл сайынғы кездесуінде атап өтілді.
«САМҰРЫҚ-ҚАЗЫНА» ұлттық әл-ауқат қорының портфельдік компанияларымен серіктестік белсенді дамуда. Сонымен, 2019 жылы «КАЗПОЧТА» АҚ мен ЮНИСЕФ арасында балалардың құқықтарын қорғау саласындағы ынтымақтастық туралы меморандумға қол қойылды. Ынтымақтастық аясында «ҚАЗПОЧТА» АҚ ЮНИСЕФ қызметінің негізгі бағыттары: балалардың құқығын қорғау, жас балаларды дамыту, жасөспірімдер мен жастардың дамуы, қауіпсіздік пен жарақаттануды алдын алу, позитивті ата-ана болу туралы ақпараттық науқандарды өткізеді. Сондай-ақ, «ҚАЗПОЧТА» АҚ ЮНИСЕФ ұсынатын балалардың мүдделерін ескере отырып, бизнес қағидаттарын қолдайды.
«Астана» футбол клубы ЮНИСЕФ-тің бірқатар іс-шараларын, соның ішінде Әкелер күнін және мүмкіндігі шектеулі балалардың құқықтарын қорғау жөніндегі ақпараттық науқанды қолдады.
ЮНИСЕФ MYD Production, Chaplin Cinemas кинотеатрлар желісіне, MEGA Silk Way сауда орталығына (Нұр-Сұлтан) ақысыз ақпараттық қолдау көрсеткені үшін және материалдарды таратқандары үшін; сондай-ақ, БҰҰ-ның Балалар қорының іс-шараларын ұйымдастыруда ат салысқан Нұр-Сұлтан қаласының әкімдігіне үлкен алғысын білдіреді!