Ізгі ниет елшілері
ЮНИСЕФ балалар мен әйелдердің құқықтары туралы халықтың хабардар болуын арттыру үшін 200-ге жуық ізгі ниет елшілерімен ынтымақтастық құруда.
Бүкіл әлемде ЮНИСЕФ балалар мен әйелдердің құқықтары және ЮНИСЕФ-тің осы құқықтарды қорғау жөніндегі жұмысы туралы халықтың хабардар болуын арттыру үшін 200-ге жуық ізгі ниет елшілерімен ынтымақтастық құруда. Атақты адамдар ЮНИСЕФ-пен бірге жұмыс істей бастағанан бері, 50 жылға жуық уақыт ішінде олар балалардың игілігі үшін мемлекеттік саясатқа тиімді өзгерістер енгізуге, бүкіл әлемдегі балалардың мәселелеріне қоғамның назарын аударуға және ЮНИСЕФ қолдайтын бағдарламаларға қаражат жинауға көмектесті.
ЮНИСЕФ-тің атақты адамдары көптеген қабілеттер мен жетістіктерге ие, бірақ олардың барлығын бүкіл әлемдегі балалардың өмірін жақсартуға деген ұмтылыс біріктіреді. Әрбір бөлек жағдайда атақты адамның ЮНИСЕФ-пен байланысы оның осы міндеттемені риясыз қолдағанынан туындайды.
Атақ ЮНИСЕФ-те белгілі бір қызметтерді орындау кезінде артықшылықтар береді. Атақты адамдар көпшіліктің назарын аудара алады, сондықтан олар өз елдерінде де, шетелге көшпелі сапарлар мен төтенше жағдайларға байланысты бағдарламаларға қатысу арқылы әлем назарын балалардың қажеттіліктеріне аудара алады. Олар өзгерістерді жүзеге асыруға күші бар адамдарға тікелей жүгіне алады. Олар өздерінің қабілеттері мен даңқын балалардың мүдделерін қорғау мен қаражат жинау үшін пайдалана алады және ЮНИСЕФ-тің әр баланың денсаулығына, біліміне, теңдікке және қауіпсіздігіне құқығын қамтамасыз ету миссиясын қолдай алады.
ЮНИСЕФ атақты адамдардан көмек сұраған көптеген «тараптардың» алғашқысы болды. Дэнни Кэй алғаш рет 1954 жылы арнайы тапсырмалар жөніндегі елші рөліне тағайындалды; оны Одри Хепберн және басқалар қабылдап, халықаралық, аймақтық және ұлттық ізгі ниет елшілерінің қазіргі көрнекті тізімін толықтырды.
Қазақстандағы әрбір баланың игілігі үшін отыз жылдан аса жұмыс істеп келе жатқан ЮНИСЕФ Қазақстан бұрыннан қалыптасқан өнер, спорт және музыка индустриясының көрнекті қайраткерлерімен серіктестік құру дәстүрін құрды. Көрнекті музыкант және композитор Батырхан Шөкенов ЮНИСЕФ-тің Қазақстандағы алғашқы ұлттық ізгі ниет елшісі болып тағайындалды. Әлемдегі ең үздік 10 шахматшының бірі Динара Сәдуақасова да 2017 жылдан бері ЮНИСЕФ Қазақстан бастамаларын белсенді қолдап келеді. Танымал NINETY ONE Q-Pop тобының мүшелері 2023 жылы ЮНИСЕФ-тің Қазақстандағы ұлттық елшілері болды, олар балалардың психикалық әл-ауқаты мен интернеттегі қауіпсіздігіне ерекше назар аудара отырып, Қазақстандағы балалардың алдында тұрған аса маңызды мәселелер туралы хабардар болуды арттыру мақсатын алға қойды.
ЮНИСЕФ-тің ізгі ниет елшілері балалардың мүдделері үшін ресурстарды тарту мақсатында сенімді құруға, хабардар болуды арттыруға және тиісті қоғамдастықтарда насихаттауға көмектеседі.
Бұл парақшаларда ЮНИСЕФ-тің атақты өкілдері және олардың жұмысы туралы кейбір мәліметтер, сонымен қатар атақты болудың жақсы жақтарының кейбір дәлелдері келтірілген.