Ինչպես սննդի շնորհիվ օգնել բնությանը

Նվազեցրե՛ք մսամթերքի սպառումը և փոխարինե՛ք այն բուսական ծագման մթերքով

Տավարի միսը սպիտակուցով հարուստ բուսական ծագման մթերքով փոխարինելը ածխածնի ձեր հետքը կրճատելու ամենաարդյունավետ միջոցներից է:

Եթե աշխարհի բոլոր մարդիկ իրենց սննդակարգում կատարեն մեկ փոփոխություն՝ տավարի միսը փոխարինեն սպիտակուցով հարուստ այլ մթերքով (լոբազգիներ, ընկուզեղեն, սերմեր, սոյա և այլն), ապա ողջ աշխարհում սննդի արտադրության հետ կապված ջերմոցային գազերի արտանետումները կկրճատվեն 25 %-ով: 

Ծանոթացե՛ք սպիտակուցով հարուստ այս 6 սննդամթերքներին, որոնք ավելի առողջարար են, քան տավարի միսը:

Ցանքերի մշակումից և ընտանի կենդանիների բուծումից արտանետվող ածխածինը կազմում է ածխածնի համաշխարհային արտանետումների 24 %-ը, ինչը ավելի քան 12 անգամ գերազանցում է օդային փոխադրամիջոցներից արտանետումները:

Տեղական արտադրության սնունդ գնելը և ավելի քիչ միս օգտագործելը ածխածնի ձեր հետքը նվազեցնելու լավագույն եղանակներից մեկն է: Փորձե՛ք շաբաթվա մեջ մեկ օր խուսափել միս ուտելուց: Գործի՛ դրեք ձեր երևակայությունը և փորձե՛ք նոր բաղադրատոմսեր: Ահա բուսական բաղադրատոմսերի մի շարք տարբերակներ:

Գնե՛ք տեղական պանիր

Տեղական արտադրանքը գնելը կխթանի երկրի ներքին տնտեսությունը: Տեղական պանիրը ավելի թարմ է, քան փաթեթավորված և աշխարհի մի ծայրից մյուսը հազարավոր մղոններ անցածը: Կանաչիով պանիրը բարձր աստիճանի բիոհասանելիության կալցիումի և մագնեզիումի հարուստ աղբյուր է և պարունակում է A, D3, և K2 վիտամիններ: Ծանոթացե՛ք ձեր սննդակարգում պանիրը ներառելու 5 օգուտներին:

Սառեցրե՛ք բանջարեղենի մնացորդները և տնական արգանա՛կ պատրաստեք

Թարմ մթերքով ճաշ պատրաստելուց հետո ավելացած մնացորդները, որոնք պիտի նետեիք աղբամանը, ապա դրանք պիտի հայտնվեին աղբավայրում, որտեղ էլ կսկսեին էթիլենային և մեթան գազ արտադրել, որևէ տարայով տեղավորե՛ք սառցարանում:

Ցանկացած բանջարեղեն կարելի է նման ձևով պահեստավորել, սակայն ամենատարածված և ավանդական տեսակներն են սոխը, նեխուրը և գազարը: Երբ տարան գրեթե լիքն է, կարող եք պատրաստել արգանակը: Նախքան գործածելը լվացե՛ք բանջարեղենը: Այսպես կարող եք բանջարեղենի մնացորդներից խաշու պատրաստել:

Թարմ մթերքը ճի՛շտ տեղավորեք սառնարանում՝ պահպանման ժամկետը երկարաձգելու համար

Շատ մրգեր արտանետում են էթիլենային գազ, որը արագացնում է դրանց հետ պահվող այլ մթերքների հասունացումը: Բանանը, խնձորը և լոլիկները տեղավորե՛ք միասին և առանձնացրե՛ք այլ մրգերից ու բանջարեղենից: Որպեսզի չբորբոսնեն, հատապտուղները լվացե՛ք միայն այն ժամանակ, երբ պատրաստվում եք օգտագործելու: Ավելացած մթերքը կարելի է սառեցնել, թթու դնել, կամ կարող եք դրանցով ջեմ պատրաստել: Ինչպես տնային պայմաններում բանջարեղենը թթու դնել:

Գնե՛ք տեղական և սեզոնային թարմ մթերք

Սեզոնային մրգերն ու բանջարեղենը էկոլոգիապես անվտանգ են և առողջարար:

Տեղական արտադրության և սեզոնային մթերքի ձեր ընտրությունը նվազեցնում է ոչ սեզոնային մթերքի պահանջարկը: Դա էլ իր հերթին խթանում է ձեր տարածքում տեղական արտադրությունն ու գյուղատնտեսությունը, ինչը ենթադրում է մթերքի ավելի քիչ փոխադրում և սառեցում, ավելի քիչ ջերմոցային գազեր և ճառագայթում Իմացե՛ք, թե ինչպես կարող եք սեզոնային գնումներ կատարել: