ՅՈՒՆԻՍԵՖ-ն ու Ավստրիական զարգացման գործակալությունը միավորվում են՝ ներգրավելու երիտասարդներին կլիմայի փոփոխման մեղմման գործողություններում

25 Փետրվար 2020
Ծրագրի մեկնարկին ելույթ են ունենում ՅՈՒՆԻՍԵՖ-ի ներկայացուցչի տեղակալը, ՄԱԿ-ի զարգացման ծրագրի մշտական ներկայացուցիչը, Ավստրիական զարգացման գործակալությունը և Կրթության, գիտության, մշակույթի և սպորտի փոխնախարարը և Բնապահպանության փոխնախարարը։
UNICEF Armenia/2019/Hripsime

25 փետրվարի 2020, ԵՐԵՎԱՆ – ՅՈՒՆԻՍԵՖ-ն ու Ավստրիական զարգացման գործակալությունը՝ Ավստրիական զարգացման համագործակցության գործառնական ստորաբաժանումը, այսօր մեկնարկում են եռամյա «Երիտասարդները հանուն բարենպաստ կլիմայի» ծրագիրը՝ նպատակ ունենալով կապ ստեղծել երիտասարդների՝ հանուն կլիմայական գործողությունների պահանջի և Հայաստանում իրենց համայնքների կայուն լուծումների միջև։

Հայաստանի ներկայիս կլիմայական պայմանները հանգեցնում են երաշտի, ջերմային ալիքների, ջրհեղեղների, սողանքների, կարկտահարության, ցրտահարության, քարաթափման, սելավների և ձնահյուսների։ Սա բացասական ազդեցություն է թողնում գյուղական համայնքների կենսապահովման և սննդի անվտանգության վրա։

Կլիմայի փոփոխությունն ու դրա հետևանքները ազդում են առաջին հերթին երեխաների և երիտասարդների վրա։

«ՅՈՒՆԻՍԵՖ-ը կարծում է, որ այս երևույթների տեմպերը կարող են դանդաղեցվել։ Համայնքային մակարդակում երիտասարդ աղջիկների և տղաների հետ համագործակցելը կարևոր նշանակություն ունի կլիմայական գործողություներ իրականացնելու համար հանուն ավելի լավ ապագայի»,- նշել է ՅՈՒՆԻՍԵՖ-ի ներկայացուցչի ժամանակավոր պաշտոնակատար Լիվ Էլին Ինդրայտենը։ «Ավստրիական զարգացման գործակալության աջակցությամբ նպատակ ունենք ներգրավել 28 000 երիտասարդ տղաների և աղջիկների Հայաստանի 52 խոշորացված համայնքներից ոչ միայն բարելավելու իրենց գիտելիքները կլիմայական փոփոխությունների հետ կապված, այլ նաև՝ դպրոցների միջոցով զինել նրանց իրենց համայնքներում գործելու որպես կլիմայի մեղմման գործողություններ իրականացնողներ։

 «Ակնհայտ է, որ երիտասարդ աղջիկներին և տղաներին կլիմայական փոփոխություններն անհանգստացնում են, և նրանք ենք ողջ աշխարհում գործում որպես կլիմայական գործողությունների առաջնորդներ։ Նրանք ակտիվորեն լուծումներ են առաջարկում, թե ինչպես կարելի է դանդաղեցնել կլիմայական փոփոխությունները և շրջակա միջավայրի դեգրադացիան՝ ստեղծելով սոցիալապես և էկոլոգիապես կայուն համայնքներ։ Ուրախ ենք համագործակցել ՅՈՒՆԻՍԵՖ-ի հետ՝ այս հնարավորությունները ստեղծելով այստեղ՝ Հայաստանում»,- նշել է Ավստրիայի եվրոպական և միջազգային հարցերի դաշնային նախարարության երկկողմ և տարածաշրջանային զարգացման համագործակցության ծրագրավորման բաժնի պետ Սիմոնե Քնափը։

Այս ծրագրի միջոցով ՅՈՒՆԻՍԵՖ-ը նպատակ ունի ցույց տալ 21-րդ դարի հմտությունների կիրառման միջոցով դպրոցներում կլիմայի փոփոխության և շրջակա միջավայրի հիմնախնդիրների վերաբերյալ ինտեգրված և բարելավված կրթական ծրագրերի և ուսումնառության կարևորությունը՝ համադրելով ուսումը համայնքների զարգացման և բարելավման հետ։

Մինչև 2022 թվականի նոյեմբերը, ՅՈՒՆԻՍԵՖ-ը ծրագրավորում է վերապատրաստել 2470 դպրոցների ուսուցիչների և վարչական աշխատակիցների կլիմայի փոփոխության և շրջակա միջավայրի հիմնահարցերի վերաբերյալ, ամրապնդել ուսումնական ծրագրերը և մշակել ուսումնական նյութեր, որ հնարավորություն կընձեռեն արդյունավետ կերպով ներգրավել աշակերտներին՝ քայլեր ձեռնարկել կլիմայական փոփոխությունների մեղմման ուղղությամբ՝ համագործակցելով տեղական ինքնակառավարման մարմինների և համայնքների հետ։

ՅՈՒՆԻՍԵՖ-ը համագործակցելու է նաև 530 մարզային կառավարման և տեղական ինքնակառավարման մարմինների ներկայացուցիչների հետ՝ համայնքային զարգացման ծրագրերում և բյուջեներում կլիմայի ռազմավարական գործողությունների ինտեգրման կենսունակ մեծանիզմներ մշակելու համար՝ հիմք ընդունելով երեխայակենտրոն համայնքների սկզբունքները։

###

 

«Երիտասարդները հանուն բարենպաստ կլիմայի» (2019-2022) ծրագիրը ֆինանսավորվում է Ավստրիական զարգացման գործակալության կողմից ավստրիական զարգացման համագործակցության ֆոնդերի միջոցով և իրականացվում է ՅՈՒՆԻՍԵՖ-ի կողմից՝ ՀՀ շրջակա միջավայրի, տարածքային կառավարման և ենթակառուցվածքներիկրթությանգիտությանմշակույթի և սպորտի նախարարությունների հետ համագործակցությամբ։ Ծրագիրը համակարգվելու է խոշորացված համայնքներիմարզպետարաններիդպրոցների և ուսուցիչների, իսկ ինչն ավելի կարևոր է՝ երիտասարդների հետ։

Ավստրիայի զարգացման համագործակցությունը աջակցում է Աֆրիկայի, Ասիայի, Հարավարևելյան Եվրոպայի և Հարավային Կովկասի երկրներին իրենց կայուն զարգացման գործում: Եվրոպական ինտեգրման և միջազգային հարցերի դաշնային նախարարությունը մշակում է ռազմավարությունները: Ավստրիայի զարգացման գործակալությունը (ADA)՝ Ավստրիական զարգացման համագործակցության գործառնական ստորաբաժանումը, իրականացնում է  ծրագրեր հասարակական կառույցների, քաղաքացիական հասարակության կազմակերպությունների, ինչպես նաև՝ ձեռնարկությունների հետ համատեղ:

Մամուլի հարցերով պատասխանատու

Զառա Սարգսյան
Հաղորդակցման ծրագրերի ղեկավար
ՅՈՒՆԻՍԵՖ Հայաստան
Հեռ: 37455232169
Հեռ: 37410580174
Էլ. Փոստ: zsargsyan@unicef.org

ՅՈՒՆԻՍԵՖ-ի մասին

ՅՈՒՆԻՍԵՖ-ն աշխատում է, որպեսզի Հայաստանում յուրաքանչյուր երեխա լինի սիրված, սնված և խնամված: Հիմնվելով 70-ամյա միջազգային փորձի և Հայաստանի երեխաների համար 25 տարվա հաջողությունների վրա՝ ՅՈՒՆԻՍԵՖ-ը պարտավորություն է ստանձնում բարելավելու ամենախոցելի՝ աղքատության և մեկուսացման մեջ ապրող երեխաների կյանքը: Ծնվելու պահից մինչև ավագ դպրոցի ավարտը՝ ՅՈՒՆԻՍԵՖ-ն աշխատում է իր գործընկերների հետ, որպեսզի Հայաստանում յուրաքանչյուր երեխա և ընտանիք կարողանա օգտվել իր համար նախատեսված քաղաքականություններից և ծառայություններից:

Ստեղծման պահից ի վեր՝ ՅՈՒՆԻՍԵՖ-ն ամբողջությամբ ֆինանսավորվում է անհատների, մասնավոր հատվածի, հիմնադրամների և կառավարությունների կամավոր նվիրատվություններով:

Հայաստանում ՅՈՒՆԻՍԵՖ-ի գործունեությանը ավելի մանրամասն ծանոթանալու համար կարող եք այցելել www.unicef.am և www.babycef.am կայքերը կամ հետևել մեզ հետևյալ սոցիալական հարթակներում` FacebookTwitterInstagram ևYouTube-ում: