Մեր մասին

Աշխատելով ավելի քան 190 երկրներում՝ ՅՈՒՆԻՍԵՖ-ը երեխայի իրավունքների համար պայքարող առաջատար կազմակերպությունն է: Մենք ամենուրեք և ամեն օր պայքարում ենք յուրաքանչյուր երեխայի ամեն մի իրավունքի համար

Mariam, 7, affected by cerebral palsy, sitting on the grass in the garden with her mother.
UNICEF Armenia/2016/Pirozzi

ՅՈՒՆԻՍԵՖը Հայաստանում

Մենք աշխատում ենք աշխարհի 190 երկրներում և մենք երեխաների իրավունքների համար պայքարող առաջատար կազմակերպությունն ենք: Մենք ամենուրեք, զօր ու գիշեր պայքարում ենք յուրաքանչյուր երեխայի իրավունքների համար: Յուրաքանչյուր երեխայի համար, այսինքն՝ յուրաքանչյուր նորածնի ու դեռահասի, յուրաքանչյուր աղջկա և տղայի համար: ՅՈՒՆԻՍԵՖի առաքելությունը բխում է Երեխայի իրավունքների մասին կոնվենցիայից և ՄԱԿ-ի այլ համապատասխան կոնվենցիաներից: ՅՈՒՆԻՍԵՖի մանդատը վերաբերում է մինչև 18 տարեկան երեխաների: 

2016թ-ին ՅՈՒՆԻՍԵՖը տոնեց իր 70-ամյակը: Յոթ տասնամյակ մենք աշխատում ենք յուրաքանչյուր երեխայի համար արդար ու հավասար հնարավորություններ ստեղծելու, իրենց ողջ ներուժին հասնելու համար, որպեսզի նրանք հաղթահարեն իրենց ճանապարհին հանդիպող բոլոր վտանգները, որ առաջանում են աղքատությունից, բռնությունից, հիվանդություններից և խտրականությունից:

ՅՈՒՆԻՍԵՖը Հայաստանում աշխատում է 1994 թվականից: Մենք աջակցում ենք ՀՀ կառավարությանը՝ մշակել և իրագործել բարեփոխումներ, որոնք ուղղված են Հայաստանում երեխաների իրավունքների իրացման խոչընդոտների վերացմանը՝ հատուկ ուշադրություն դարձնելով ամենակարիքավոր և խոցելի երեխաներին: 

Այս տարի ՅՈՒՆԻՍԵՖ-ը տոնում է Հայաստանում իր գործունեության 25-ամյակը և Երեխայի իրավունքների մասին կոնվենցիայի 30-ամյակը։

Վերջին 25 տարիների ընթացքում ՅՈՒՆԻՍԵՖ-ի աջակցությամբ Հայաստանում՝

  • Կիսով չափ կրճատվել է մանկական մահացությունը մինչև 5 տարեկան երեխաների շրջանում
  • Պատվաստումների շնորհիվ երեխաների 90%-ը պաշտպանվել է կանխարգելելի հիվանդություններից
  • Վերացվել է մորից երեխային ՄԻԱՎ-ի փոխանցումը
  • Աղի համընդհանուր յոդացման արդյունքում վերացվել է օրգանիզմում յոդի անբավարարությունը
  • Ընդլայնվել է նախադպրոցական կրթության հասանելիությունը
  • Կրթությունը դարձրել է ավելի ներառական
  • Աղետների ռիսկի նվազեցումը և արտակարգ իրավիճակներին պատրաստվածությունը ներառվել են կրթական ազգային ռազմավարության մեջ:
  • Ձևավորվել է խնամատար ընտանիքի ինստիտուտը՝ ծնողական խնամքից զրկված երեխաների համար
  • 75%-ով կրճատվել է շուրջօրյա և ուղղիչ հաստատություններում պահվող երեխաների թիվը 
Երեխան ստանում է իր հերթական պատվաստումը
UNICEF Armenia/2016/Pirozzi
Նորածինների և երեխաների բուժ-զննումը ներառում է աճի դիտարկում և պատվաստումներ: ՅՈՒՆԻՍԵՖ-ը աջակցում է ՀՀ կառավարությանը ներկայացնել նոր պատվաստանյութերը և ապահովել պատվաստման բարձր ծածկույթ:
3-ամյա տղան խաղում է գյուղում ՅՈՒՆԻՍԵՖ-ի հիմնադրած այլընտրանքային մանկապարտեզում:
UNICEF Armenia/2018/Malkhasyan
Երեխաները Շամուտ գյուղի այլընտրանքային մանկապարտեզում են. այն հիմնադրվել է ՅՈՒՆԻՍԵՖ-ի աջակցությամբ՝ յուրաքանչյուր երեխայի համար վաղ մանկական ուսումնառություն ապահովելու համար:

2016-2020 թվականների ընթացքում ՅՈՒՆԻՍԵՖ-ը ջանք չի խնայելու, որպեսզի

  • 0-6 տարեկան խոցելի աղջիկների ու տղաների և նրանց ընտանիքների համար հասանելի դառնան որակյալ, ներառական, առողջապահական և սնուցման ծառայությունները
  • Հաշմանդամություն ունեցող երեխաները ներառվեն հասարակության մեջ, իրացնեն որակյալ կրթություն ստանալու իրավունքը և օգտվեն վերականգնողական ծառայություններից
  • Կրթությունից դուրս մնացած երեխաները ընդգրկվեն կրթական համակարգում
  • Յուրաքանչյուր երեխա ընտանեկան միջավայրում մեծանալու հնարավորություն ունենա
  • Դպրոցները, ընտանիքներն ու համայնքները ձեռք բերեն արտակարգ իրավիճակներին դիմակայելու հմտություններ
  • Դատական համակարգը երաշխավորի երեխայի լավագույն շահը
  • Երկրում գործի երեխայի իրավունքների մշտադիտարկման համակարգ

Այս օրակարգը կազմված է նպաստելու Հայաստանի 2014-2025 թվականների զարգացման ռազմավարությունը, ինչպես նաև՝ մարդու իրավունքների, երեխայի իրավունքների պաշտպանության, կրթության և աղետների ռիսկի նվազեցմանը վերաբերող մի շարք այլ ազգային ծրագրերին և ռազմավարություններին:

ՅՈՒՆԻՍԵՖ-ը, որպես վստահելի գործընկեր, երեխաների իրավունքների մասին բարձրաձայնող անկախ դերակատար, աջակցում է, որպեսզի ամենախոցելի երեխաների խնդիրները ներառվեն պետական քաղաքականության մեջ՝ գործընկերներին հրավիրելով երեխաների իրավունքների վրա հիմնված օրակարգի շուրջ և տրամադրելով բարձր մակարդակի միջազգային մասնագիտական փորձ: