Barlaglar we hasabatlar
ÝUNISEF-iň işjeňligi dürs maglumatlara, jikme-jik barlaglara we düýpli seljermelere esaslanýar.
Biziň täze neşirlerimiz we hasabatlarymyz
ÝUNISEF ähmiýetli maksatnamalary, kampaniýalary we başlangyçlary işläp taýýarlamakda öz tejribesi bilen bilelikde hakykat ýüzündäki maglumatlara we seljermelere salgylanýar. Özgertmeleri amala aşyrmakda maglumatlaryň tutýan orny barada bilmek üçin biziň neşirlerimiz we hasabatlarymyz bilen tanyş boluň.
Maglumat arkaly çagalar üçin özgertmeleri amala aşyrmak
ÝUNISEF çagalaryň ýagdaýy baradaky ygtybarly maglumatlaryň we seljermeleriň esasy çeşmesi bolup, özgertmeleri amala aşyrmakda bu maglumatlardan ugur alýar. Türkmenistanda çagalaryň we zenanlaryň ýagdaýy baradaky barlaglarymyz barada giňişleýin öwreniň.
Bütindünýä maglumatlar
TransMonEE
ÝUNISEF we ýerli statistika edaralarynyň arasyndaky uzakmöhletleýin hyzmatdaşlyga wekili hökmünde TransMonEE sebitdäki çagalaryň, ýaşlaryň we zenanlaryň ýagdaýy we abadançylygy barada maglumatlaryň giň spektrini toplaýar.
Baha beriş
Bu maglumat binýady ÝUNISEF-iň maksatnamalary bilen bagly bahalandyryş barlaglary baradaky doly görnüşli hasabatlary öz içine alýar. Bu baha beriş biziň işimiziň döwrebaplygyny, täsirliligini, netijeliligini, agramlylygyny we durnuklylygyny kesgitleýär.
Barlag edarasy
Barlag edarasy ýa-da Innoçenti – bu ÝUNISEF-iň ýöriteleşdirilen barlag merkezidir. Onuň esasy wezipesi gurama we dünýä jemgyýetine çagalar üçin netijeleri gazanmaga ýardam berýän häzirkizaman, döwrebap syýasy barlaglary geçirmekden durýar.
Hojalyk derňewleri
ÝUNISEF-iň Köp görkezijiler boýunça klasterleýin barlagy (MICS) çagalar we olaryň maşgalalary barada iň soňky maglumatlary toplamak üçin öýme-öý baryp geçirilýän gürrüňdeşlikdir. Bu barlag çagalar barada aýratynlyklara görä bölünen maglumatlaryň möhüm çeşmesi bolup hyzmat edýär.