Pse të drejtat e fëmijëve janë të rëndësishme për bizneset

Në Maqedoninë e Veriut, fëmijët përbëjnë rreth një të pestën e popullsisë – me gjithsej mbi 370,000 vajza dhe djem.

Ata afektohen nga aktivitetet e biznesit si konsumatorë, përmes marketingut dhe reklamimit; si përdorues të platformave digjitale dhe nga mjediset ku jetojnë, mësojnë dhe luajnë. Gjithashtu disa prej tyre janë pjesë e fuqisë punëtore, qoftë të rregulluar me ligj, ose në situata të angazhimit të fëmijëve në tregun e punës.

Gjithashtu ndikimet e biznesit te prindërit dhe kujdestarët ndikojnë drejtpërdrejt në mirëqenien, zhvillimin dhe mbrojtjen e fëmijëve.

Pavarësisht rëndësisë së tyre, fëmijët shpesh anashkalohen në strategjitë interne të korporatave, praktikat e kujdesit të duhur dhe raportimin e qëndrueshmërisë. Sjellja e përgjegjshme e bizneseve, kërkon që të drejtat e fëmijëve të jenë në rend të parë të këtyre proceseve.

Kur bizneset hartojnë sisteme, të cilat funksionojnë për fëmijët, ato funksionojnë më mirë për të gjithë.

Duke kuptuar ndikimet, duke forcuar llogaridhënien dhe duke i dëgjuar fëmijët, bizneset mund të ndihmojnë në ndërtimin e shoqërive më gjithëpërfshirëse, më elastike dhe më të qëndrueshme.