जगेर्ना गर्नुपर्ने राम्रा चलनहरू

हाम्रो देशमा बालबालिका हुर्काउने धेरै राम्रा चलनहरू छन् जसलाई जगेर्ना गर्नु पर्दछ । साथै समय अनुसारका नयाँ ज्ञान र सीप पनि सिकेर आफ्नो परिवेशमा ल्याउनाले बालबालिकाको विकासमा सहयोग पुग्दछ ।

जगेर्ना गर्नुपर्ने समुदायमा चलिआएका राम्रा चलनहरू

• गर्भवती आमालाई र गर्भको शिशुलाई गरी दुई भाग खाना भाग लगाउने, गर्भावस्थाका शिशु र गर्भवतीलाई हर्ष बधाई दिन गोदभराइ, विभिन्न परिकारसहितको दहीचिउरा खुवाउने चलन राम्रो हो, यसलाई निरन्तरता दिनुपर्दछ ।
• सुत्केरी समयमा पतिको अनिवार्य संलग्नता हुनुपर्ने, छैठी, न्वारनमा बुबाको उपस्थिति हुनुपर्ने, घाममा तेल मालिस गर्ने, तोरी भरेको तकियाको प्रयोग गर्ने र शिशुको अन्नप्राशन गर्ने आदि राम्रा चलन लाई निरन्तरता दिनुपर्दछ ।
• बाजे बज्यै, आमाबुबाले बालकथा भन्ने चलनले बालबालिकाको सुनाइ बोलाइ सिप विकास गर्नुको साथै भाषा विकासमा सहयोग पुग्दछ । त्यसैले यसलाई पनि निरन्तरता दिनुपर्दछ ।
• बालगीत, निदौरी, चाडपर्वका गीतहरू गाउने प्रचलनलाई निरन्तरता दिनुपर्दछ ।
• स्थानीय खेल खेलौना बनाइदिने राम्रा चलन हुन् । यसलाई पनि निरन्तरता दिनुपर्दछ ।