खाँदै, सिक्दै
यी रचनात्मक ५ तरिका प्रयोग गर्नुहोस्, खानाको समयमा पनि सिक्न मद्दत गर्नुहोस्
जीवनको प्रारम्भिक वर्षहरूमा जुन गतिमा मस्तिष्कको विकास हुन्छ, त्यही गतिमा मस्तिष्कको विकास फेरी कहिल्यै पनि हुँदैन । यो अवधि बालबालिकाको दिर्घकालीन स्वास्थ्य, विकास र सिकाइको जग निर्माणको लागि अति महत्त्वपूर्ण मानिन्छ । त्यसैले, यो अवधिमै तपाईँले बालबालिकासँग उसको मस्तिष्क विकास गराउने क्रियाकलापहरू गर्नका लागि समय निकाल्नु एकदम महत्त्वपूर्ण हुन्छ - र त्यो गर्दा रमाइलो पनि हुन्छ ।
मस्तिष्क विकासका लागि खानाकै समयमा प्रयोग गर्न सकिने ५ तरिकाहरू यहाँ छन् ।
खानेकुरा चिन्ने खेल
चरणहरूः
१) खाद्यसामग्रीहरू देखाएर तपाईंको बालबालिकालाई त्यसको रङ, बनावट र आकार आदि विषयमा थप जानकारी दिन लगाउनुहोस् ।
२) नजिक भएको खानेकुराको साथमा भन्नुहोस्, "म मेरा साना आँखाले ........ [खानेकुराको नामको पहिलो अक्षर राख्ने] बाट नाम आउने खानेकुरा देखिरहेको छु ।"
तपाईंलाई आवश्यक पर्ने सामग्रीहरूः
खानेकुराहरू, जस्तै तरकारी, आदि । सफा, सुरक्षित स्थान ।
फाईदाहरूः
बालबालिकाले खानेकुराहरू चिन्न थाल्छन्, विभिन्न खानेकुराहरूको नाम भन्न थाल्छन्, र भाषा पनि बुझ्न थाल्छन् ।
मेरो घरमा पिकनिक
चरणहरूः
१) केही कुर्सी र कम्बलहरूको प्रयोग गरेर पाल/टेन्ट (घर) बनाउनुहोस् ।
२) थालमा फलफूल वा खाना राख्नुहोस्, आफ्नो बालबालिकासँगै खानुहोस् र सँगै बसेर एउटा कथा सृजना गर्नुहोस् ।
तपाईंलाई आवश्यक पर्ने सामग्रीहरूः
केही कुर्सी, कम्बल, खानेकुराहरू, र महलजस्तो देखाउनका लागि सजावटका सामग्रीहरू ।
फाईदाहरूः
रचनात्मक कौशलमा वृद्धि हुन्छ र पारिवारिक सम्बन्ध बलियो बनाउँछ ।
तरकारीहरू पखाल्ने र नाम भन्ने
चरणहरूः
१) आफ्नो हात साबुन पानीले धोएर सुरुवात गर्नुहोस् ।
२) आफ्नो बालबालिकालाई तरकारी पखाल्न र त्यसको नाम भन्न लगाउनुहोस् ।
तपाईंलाई आवश्यक पर्ने सामग्रीहरूः
तरकारी, पानी, साबुन र भाँडो / बेसिन ।
फाईदाहरूः
भाषाको सिपको विकास हुन्छ, सरसफाइको सिप सिकाउनुका साथै त्यसको महत्त्व बुझाउँछ ।
तरकारीको छाप लगाउने
चरणहरूः
१) तरकारीहरूलाई टुक्रा टुक्रा पारेर काट्ने र त्यसमा तारा, क्रस, हँसिलो अनुहारजस्ता आकार बनाउने ।
२) पानीमा खाद्य रङ मिसाएर घोल्ने, तरकारीका टुक्राको आकार बनाएको भाग चोब्ने र कागजको पानामा छाप लगाउने ।
तपाईंलाई आवश्यक पर्ने सामाग्रीहरूः
कडा खालका तरकारीहरू, जस्तैः आलु, भिण्डी, बोक चोए साग, गाजर, आदि, खाद्य रङ, पानी र कागजको पाना ।
फाईदाहरूः
सृजनशीलता बढाउँछ ।
बुम बुम बुम
चरणहरूः
१) आफ्नो बालबालिकालाई गीत वा सङ्गीत सँगसँगै एउटा धुन वा लय बजाउन लगाउनुहोस् ।
२) कल्पनाशीलता, लय, समन्वय र गणनामा सुधार गर्दछ ।
तपाईंलाई आवश्यक पर्ने सामाग्रीहरूः
भाँडो वा तावा, चम्चा र तपाईंको आवाज ।
फाईदाहरूः
कल्पनाशीलता, लय, समन्वय र गणनाको क्षमता बढाउँछ ।
