“Гамшиг онцгой байдлын үеийн хүүхэд хамгаалал”
Баян-Өлгий, Өмнөговь аймагт сургалт зохион байгууллаа.
- Боломжтой:
- English
- Mongolian
Хүүхэд хамгааллын мэргэжлийн ангийн гишүүдэд зориулсан “Гамшиг онцгой байдлын үеийн хүүхэд хамгаалал” баруун бүсийн сургалт, бэлтгэл сургуулилалтыг 2023 оны 5-р сарын 17,18-ны өдрүүдэд Баян-Өлгий аймагт, говийн бүсийн сургалтыг 5-р сарын 24, 25-ны өдрүүдэд Өмнөговь аймагт зохион байгууллаа. Сургалт үйл ажиллагаанд 12 аймгийн 100 гаруй мэргэжлийн ангийн гишүүд 50 гаруй хүүхдүүд оролцлоо.
Гамшгийн бэлэн байдлын төлөвлөлтийг хэрхэн боловсруулах тухай сургалтын агуулга миний хувьд маш чухал байсан. Мөн хамтын ажиллагаа, зохицуулалтын үр дүнтэй аргад суралцсан. Мөн бид хүүхдүүдээсээ их зүйл сурлаа.
Сургалтын гол зорилго нь оролцогчдын Гамшиг онцгой байдлын үеийн хүүхэд хамгааллын үйл ажиллагаа, “Гамшиг, онцгой байдлын үеийн хүүхэд хамгааллын MNS 6948: 2021 стандартын хэрэглээ” стандартыг хэрэгжүүлэх чадавхийг нэмэгдүүлэх, салбар хоорондын хамтын ажиллагааг сайжруулахад чиглэсэн бөгөөд, хүүхдийн оролцоотой дадлага сургуулилалт хийсэнээрээ онцлог үр дүнтэй үйл ажиллагаа боллоо.
Нэг сургалтын танхимд насанд хүрэгчидтэй хамт суугаад энэ чухал асуудлыг ярилцсан нь миний хувьд цоо шинэ туршлага байлаа. Бүх үйл ажиллагааны туршид тэд биднийг сонсож, анхаарлаа хандуулж байсан. Хүүхдүүд бид зөвхөн сурагцахаар зогсохгүй харин хувь нэмрээ оруулах боломжтой юм байна гэсэн урам зориг өгсөн.
НҮБ-ын Хүүхдийн Сан нь эрхэд суурилсан хандлагаар гамшиг онцгой байдлын үеийн бэлэн байдал, хариу арга хэмжээ, хүүхэд хамгааллын хөтөлбөрийг бэхжүүлэхэд цаашид ч дэмжин ажиллах болно.
