Хөгжим хүүхдийн тархинд хэрхэн нөлөөлдөг вэ: Эцэг эхэд зориулсан мини хичээл
Хүүхдэд хөгжим сонсгохын ач тус
- Боломжтой:
- English
- Mongolian
Хөгжим нь таны хүүхдийн хөгжилд чухал үүрэг гүйцэтгэдэг. Хүүхдийн бүх талын хөгжлийг хөгжим дэмжиж өгдөг.
Бид хөгжмийн мэргэжилтэн Доктор Ибрахим Балтагиас хөгжим хүүхдийн тархины хөгжилд хэрхэн нөлөөлсөн, бүүвэйн дуу хаанаас гаралтай зэргийг асуулаа.
Хөгжим хүүхдийн тархинд хэрхэн нөлөөлдөг вэ: Эцэг эхэд зориулсан мини хичээл видеоний текст
Бүүвэйн дуу нь хүүхдийг тайвшруулдаг гэж та мэдэх үү? Учир нь бүүвэйн дуу нь хүүхдийн зүрхний цохилтыг удаашруулдаг.
Хөгжим бол бидний амьдралын салшгүй нэг хэсэг. Таны хүүхэд хангалттай хөгжим сонсож байна уу?
Намайг Доктор Ибрахим Балтаги гэдэг. Энэ бол "Хөгжим хүүхдийн тархинд хэрхэн нөлөөлдөг" тухай ээж, аавуудад зориулсан мини-хичээл.
Эхийн хэвлийд байгаа урагт хөгжим хэрхэн нөлөөлдөг вэ?
Хэвлийд байгаа хүүхдийн тархины хөгжилд хөгжим сайнаар нөлөөлдөг гэдэг нь хэдийн нотлогдсон.
Жирэмсэн үедээ хөгжим сонсох нь эхийг тайвшруулж, сэтгэл санааг нь сэргээхээс гадна ургийн хөгжилд сайнаар нөлөөлдөг.
16 - 18 долоо хоногтойгоосоо эхлэн хүүхэд анх удаа дуу чимээ сонсож эхэлдэг.
24 долоо хоногтойгоос эхлэн хүүхдийн чих эрчимтэй хөгжиж эхэлдэг. Жирэмсний сүүлийн саруудад хүүхэд гарч буй дуу чимээнд хариу үйлдэл үзүүлж, толгойгоо эргүүлдэг болно. Мөн хэвлийд байхдаа хүүхэд ээжийнхээ дуу хоолой, ярьж буй хэл, үгийн бүтэц авиаг ялгаж чаддаг болдог.
Жирэмсэн эх ямар хөгжим сонсвол зүйтэй вэ?
Жирэмсний сүүлийн гурван сараас эхлэн хүүхэд эхийнхээ сонсож буй хөгжмийг сонсдог болно. Сонгодог хөгжим, бүүвэйн дуу, зөөлөн аялгуут хөгжим нь сайхан мэдрэмж төрүүлдэг.
Хөгжим хүүхдийн тархины хөгжилд ямар үүрэгтэй вэ?
Хүүхдийн бүх талын хөгжлийг хөгжим дэмжиж өгдөг. Мөн сургуульд ороход шаардлагатай хэл яриа, унших чадварыг хөгжүүлдэг.
Хөгжмийн зэмсгээр тоглох нь тоо бодох чадварыг нь сайжруулаад зогсохгүй сурлагад нь сайнаар нөлөөлдөг.
Хөгжмийн тусламжтайгаар хүүхдээ хэрхэн тайвшруулж унтуулах вэ?
Хөгжим хүний сэтгэлийг хөдөлгөдөг тул хүүхдийг тайвшруулаад зогсохгүй хамгийн шилдэг арга болдог. Мөн хүүхдийг унтуулахад тус болно.
Хөгжим нь зөөлөн, таатай, тайван аязтай байх тусам хүүхдийн нойрыг хүргэдэг.
Танил дуу хөгжим нь хүүхдэд хувьд хөгжмийн эмчилгээ болж өгдөг. Удаан зөөлөн давтамжтай хөгжим нь зүрхний цохилтыг удаашруулдаг тул хүүхэд удаанаар амьсгалж эхэлдэг.
Мөн аав, ээжийнх нь дууг бүү мартаарай. Яагаад гэвэл аав, ээжийнх нь хоолой хүүхдэд танил бас таатай байдаг.
Бүүвэйн дуу хаанаас үүссэн бэ?
Англи хэл дээрх бүүвэйн дуу буюу люлабай гэдэг үг нь ээжүүд болон асрагч нарын хэлдэг байсан "лала" болон "лулу" гэдэг авианаас үүссэн гэж ярьдаг.
"Бай" гэдэг нь сайхан нойрсоорой гэсэн утгатай. Бүүвэйн дуу нь хүүхдийг тайвшруулж унтуулах үүрэгтэй.
Бүх орны соёлд бүүвэйн дуу байдаг. Бүүвэйн дууг бүх хэл дээр дуулдаг. Хамгийн алдартай болон танил бүүвэйн дуу бол Брамсын бүүвэйн дуу билээ.
Бага насны хүүхдэд ямар хөгжмийн зэмсэг тохирох вэ?
Та хүүхэдтэйгээ хамтран хөгжим зохиох үнэ төлбөргүй олон арга байдаг. Хүний биед байдаг хөгжмийн зэмсэг бол бидний хоолой юм.
Мөн бидний ашиглаж болох өөр зэмсгүүд бий. Жишээ нь алгаа таших, хөлөө товших, эсвэл гуя дээрээ цохиж болно. Мөн гэртээ байгаа олон арга хэрэгслийг ашиглаж болно. Жишээ нь та хүүхэдтэйгээ модон халбагаар төмөр сав нүдэж тоглож болно.
Тоглоомын бөмбөр, шаржигнадаг тоглоом, сэгсэрдэг хөгжим зэргийг хүүхдэдээ авч өгөх нь тун зүйтэй.
Хөгжим таны хүүхдийг нийгэмшихэд тус болох уу?
Хөгжим сонсох, эсвэл бусадтай нийлж хөгжим тоглох нь эргэн тойрны хүмүүстэй холбоо үүсгэн нийгэмших мэдрэмжийг хүүхдэд төрүүлдэг.
Бага насны хүүхэд хөгжимтэй нөхөрлөснөөр өөрийгөө илэрхийлж, сэтгэл хөдлөлөө бусадтай хуваалцаж сурдаг. Хичнээн бага балчир байсан ч хүүхэд, биеэрээ найган тонгочиж, гараа хөдөлгөн хөгжимд хариу үйлдэл үзүүлдэг. Тэд бүр өөрөө өөртөө дуу зохиож чаддаг болно. Хүүхдүүд инээж, үг давтаж сурдаг.
Хөгжмийн тусламжтайгаар хүүхэд сурсан үгээ давтаж цээжилдэг. Хөгжим нь бие биетэйгээ харилцаа холбоо тогтоох, тархины механизмд нөлөөлдөг. Ингэхдээ хөгжим нь тархины бусдыг ойлгох, итгэх, бусадтай хамтрах үйл ажиллагааг хянадаг хэсэгт нөлөөлдөг.
Магадгүй ийм учраас хөгжим дэлхийн өнцөг булан бүрд оршин тогтносоор байгаа байх.
Хөгжим бол бидний амьдралд байгаа том бэлэг юм. Хөгжим нь танай гэрийн өдөр тутмын амьдралын салшгүй нэг хэсэг болж болно.
Аав, ээжүүд хүүхдээ тайвшруулж, хайр халамж, баяр хөөрөө илэрхийлж, харилцаа холбоо тогтоохын тулд төрснөөс нь хойш хөгжим сонсгож болно.
Аав, ээжүүд хөгжим хүүхдийн хөгжилд хэрхэн нөлөөлдөг талаар сурснаар хүүхдийнхээ байгалийн зөн совин, нийгэмших чадварыг нь сайжруулж бүх насны хүүхдийнхөө хөгжилд эерэгээр нөлөөлж чадна.
Хөгжмийг хүүхдэдээ аль болох эрт таниулж эхлээрэй гэж зөвлөмөөр байна.
Dr. Ibrahim H. Baltagi is a lecturer at the Lebanese American University and serves as the head of the music program at the Lebanese International University. He has published a series of music books for children.
