Fanampin-tsakafo misy kasinga mahavelona maromaro : sakafo mahavelona manatsara ny reny sy ny zaza

Ao an-tranon'i Sambatia, any amin'ny faritra Fitovinany, Atsimo Atsinanan'i Madagasikara, mijery an'i Ranto izy, mpanentana ara-pahasalamana, manamarina ny haavon'ny iody amin'ny sira ao,  tamin'ny volana jolay 2024. Ny ioda moa dia kasinga manan-danja.

Ao Soavinandriana, faritr’Itasy, afovoan’i Madagasikara, mampahafantatra ny vehivavy bevohoka ny tombontsoa azo avy amin’ny fampiasana pilina misy otrikaina i Nampoina Rafaliariherinjatovo, mpiasan’ny fahasalamana eny anivon’ny fiarahamonina. Mikarakara vehivavy bevohoka 20 avy amin’ny vohitra manodidina izy ary manazava amin’izy ireo ny maha-zava-dehibe ireo pilina misy otrikaina ireo ho an’ny fahasalaman’ny zanak’izy ireo.

Fenitra Catherine Rasoanantenaina, 22 taona, bevohoka voalohany ary amin’ny volana fahafito amin’izao fotoana izao, dia manatona mandrakariva ny tobim-pahasalamana amin’ny fanaraha-maso ny fahasalaman’ny vohoka entiny. Nilaza izy fa nahatsikaritra fiovana hatramin’ny nanombohany nihinana ireo pilina misy otrikaina ireo: « Miaraka amin’ny fampiasana ny takelaka, tena reko matanjaka kokoa ny zanako ary na ny dokotera aza dia nahita fa mihatsara ny fivoarany », hoy izy. « Izaho koa mahatsapa fiovana: mihatsara ny fahazotoako homana ary tsy mora reraka intsony aho. »