Ինչպես տանը խնայել ջուրը
ՅՈՒՆԻՍԵՖ-ը և Ավստրիական զարգացման գործակալությունը ներկայացնում են 9 պարզ մոտեցում, որ կարող եք կիրառել տանն ու խնայել ջուրը՝ բնության ամենաթանկ ռեսուրսներից մեկը
- Հասանելի է նաև:
- Հայերեն
- English
Կատարե՛ք տաք ջրի խնայողություն
Ցնցուղ ընդունելիս օգտագործվող ջրի ավելի քան 10 %-ը ծախսվում է տաքանալուն սպասելու ընթացքում: Այդ հավելյալ ջուրը դույլի մեջ հավաքելը կնազեցնի ջրի վատնումը: Հավաքված ջուրը կարող եք օգտագործել բույսերը ջրելու, մեքենան կամ հատակը լվանալու կամ զուգարանակոնքի մեջ լցնելու համար:
Եթե դույլ օգտագործելը ձեզ համար քիչ հավանական է, մտածե՛ք տաք ջրամատակարարման համակարգ տեղադրելու մասին: Լրացուցիչ փաստեր և հուշումներ ջուրը խնայելու մասին:
Փակե՛ք ծորակը ատամները խոզանակելիս
Ատամները օրական 2 անգամ 2 րոպե տևողությամբ խոզանակելիս ծորակը փակելով կարող եք օրական 30 լիտր ջուր խնայել: Դա տարեկան կկազմի գրեթե 11,356 լիտր։ Ծանոթացե՛ք ծորակը փակ պահելու մասին մի քանի հուշումների:
Ամենօրյա լվացքի ժամանակ օգտագործե՛ք միկրոմանրաթելային (microfiber) գործվածքից տոպրակներ՝ ջուրը աղտոտումից պաշտպանելու համար
Արհեստական (սինթետիկ) գործվածքները լվացքաջրի մեջ թողնում են պլաստիկի փոքրագույն մասնիկներ, որոնք վաղ թե ուշ հայտնվում են գետերում, լճերում և օվկիանոսներում՝ վտանգելով ծովաբնակ բույսերի և կենդանիների գոյությունը: Միկրոմանրաթելային գործվածքից տոպրակները կկանխեն այդ մասնիկների տարածումը: Իմացե՛ք, թե ինչու է կարևոր ջրի աղտոտման դեմ պայքարը:
Հագուստը լվացե՛ք սառը ջրով
Սառը ջրով լվացք անելը ոչ միայն օգտակար է ձեր հագուստի ու գրպանի, այլև շրջակա միջավայրի համար: Լվացքի մեքենայի ծախսած էներգիայի շուրջ 90 %-ը օգտագործվում է ջուրը տաքացնելու համար, իսկ սառը ջրով լվացք անելով կարող եք խնայել տարեկան 60 դոլար: Իմացե՛ք ավելին սառը ջրի օգուտների մասին:
Լոգանքի փոխարեն ցնցո՛ւղ ընդունեք։
Կարճատև ցնցուղ ընդունելու համար ավելի քիչ ջուր է սպառվում, քան լոգանք ընդունելիս: Այդուհանդերձ, ջրի ուժեղ շիթով 5 րոպեանոց ցնցուղ ընդունելը լոգանքից ավելի շատ ջուր է պահանջում: Փորձե՛ք օգտվել ջրի միջին կամ թույլ շիթով ցնցուղից՝ ջրի վատնումը նվազեցնելու համար: «Ցնցո՞ւղ, թե՞ լոգանք» բանավեճի հարցերի պատասխանները՝ այստեղ:
Մակարոնը խաշելուց հետո ջուրը օգտագործե՛ք բույսերը պարարտացնելու և ձեր մազերը լվանալու համար
Եփած մակարոնի ջուրը ձեր տանը և շրջակայքում օգտագործելու բազմաթիվ միջոցներ կան: Այն հարուստ է հանքանյութերով և կօգնի, որ բույսերն ավելի արագ աճեն: Պարզապես ուշադի՛ր եղեք, որ ջուրը աղի չլինի, որպեսզի չջրազրկի բույսերի հողը: Մակարոնեղենի ջուրը կարող եք օգտագործել նաև պիցցայի և հացի խմոր պատրաստելու, ընդեղենը թրջելու և բանջարեղենը խաշելու, սպասքը լվանալու և ձեր մազերը սնուցելու համար: Եփած մակարոնեղենի ջուրը օգտագործելու 20 եղանակ:
Ավելորդ հոսող ջրով լցրե՛ք թասը՝ մթերքը լվանալու համար
Միրգն ու բանջարեղենը լվանալիս ծորակը փակե՛ք: Բաց ծորակը յուրաքանչյուր րոպե մղում է 6-12 լ ջուր: Մթերքը լվացե՛ք լվացարանի կամ թասի մեջ հավաքած ջրով, որը այնուհետև օգտագործե՛ք այգին ջրելու համար:
Եվս մեկ հուշում. քացախը մրգերի և բանջարեղենի վրայի վնասակար պարարտանյութերը հեռացնելու բնական միջոց է: Տնային պայմաններում ջուր խնայելու հուշումներ:
Թեյնիկի մեջ եռացրե՛ք այնքան ջուր, որքան հարկավոր է
Նախքան թեյնիկը լցնելը հաշվարկե՛ք, թե որքան ջուր է հարկավոր: Այդպիսով դուք կխնայեք ժամանակ, էներգիա/գազ և քիչ ջուր կվատնեք: Եթե ջուրը ամեն դեպքում ավելացել է, օգտագործե՛ք բույսերը ջրելու համար: Թեյնիկը պահանջվածից ավելի ջուր լցնելը էներգիայի և գումարի վատնում է:
Եթե դուք ծխում եք, մնացորդները նետե՛ք աղբամանը
Ծխախոտի մնացորդները համարվում են սպառնալիք օվկիանոսների համար, ինչպես նաև աշխարհում ամենատարածված աղբի տեսակը:
Գետնին գցված ծխախոտի մնացորդները ամենայն հավանականությամբ կհայտնվեն ջրատարներում և ի վերջո օվկիանոսում՝ աղտոտելով ջուրը և թունավորելով ձկներին:
Ծխախոտի ֆիլտրերը պատրաստված են պլաստիկ մանրաթելից և օդը աղտոտում են թունավոր քիմիկատներով: Դրանք լուսաքայքայվող են, այսինքն՝ քայքայվում են արևի ուլտրամանուշակագույն ճառագայթներից, սակայն կենսաքայքայվող չեն: Դա նշանակում է, որ թեև ֆիլտրը կարող է քայքայվել մանրագույն մասնիկների, միևնույնն է, կմնա բնության մեջ և օվկիանոսներում:
Եթե դուք ծխող եք, միշտ կրե՛ք գրպանի մոխրաման և մնացորդը երբեք մի՛ նետեք գետնին:
Եկե՛ք բարելավենք մեր և ապագա սերունդների կյանքի որակը՝ խնայելով ջուրը, թուղթը, էներգիան, լավացնելով օդի որակը և հնարավորինս հրաժարվելով պլաստիկից։ Հնարավոր է։
