Dita Botërore e Fëmijëve
Dita Botërore e Fëmijëve është dita globale e veprimit të UNICEF-it për fëmijët dhe nga fëmijët, e cila shënohet çdo vit më 20 nëntor me qëllim të rritjes së ndërgjegjësimit dhe përshpejtimit të progresit drejt realizimit të të drejtave të fëmijëve.
- English
- Македонски
- Shqip
Dita Botërore e Fëmijëve është dita globale e veprimit të UNICEF-it për fëmijët dhe nga fëmijët, e cila shënohet çdo vit më 20 nëntor me qëllim të rritjes së ndërgjegjësimit dhe përshpejtimit të progresit drejt realizimit të të drejtave të fëmijëve. Në këtë ditë kremtohet përvjetori i miratimit të Konventës për të Drejtat e Fëmijës, e cila i përshkruan të drejtat themelore të secilit fëmijë.
Fëmijët i marrin gjërat përsipër është një nga konceptet thelbësore të festimit të Ditës Botërore të Fëmijëve dhe një manifestim i përkushtimit tonë ndaj të drejtave dhe pjesëmarrjes së fëmijëve, duke ofruar platforma për fëmijët për t’i shprehur idetë dhe veprimet e tyre, të cilat mund t’i frymëzojnë përpjekjet kolektive drejt një të ardhmeje ku mbrohen dhe përmbushen të drejtat e fëmijëve.
Evenimentet, në të cilat fëmijët i marrin gjërat përsipër, të organizuara nga UNICEF me institucionet dhe partnerët kryesorë të qeverisë
Dita Botërore e Fëmijëve 2019 - Fëmijët marrin përsipër Qeverinë
Mbi 80 fëmijë dhe të rinj iu bashkuan Qeverisë në takimin nivelit të lartë e qeveritar “Për Fëmijët, nga Fëmijët”, ku gjashtë mbështetës të rinj të kauzës rinore e morën përsipër diskutimin, duke kërkuar më shumë veprime për t’i mbrojtur dhe promovuar të drejtat e fëmijëve.
Dita Botërore e Fëmijëve 2020 - Rimendo arsimin cilësor pas KOVID-19
Gjashtë mbështetës të rinj të kauzës rinore iu bashkuan Qeverisë përmes lidhjes së internetit në një mbledhje qeveritare të nivelit të lartë “Për Fëmijët, nga Fëmijët” dhe morën përsipër diskutimin duke u fokusuar në Ri-mendimin e arsimit cilësor dhe përmirësimin më të mirë pas KOVID-19.
Dita Botërore e Fëmijëve 2021 - Rimendo të ardhmen
Fëmijët dhe të rinjtë u vendosën në qendër të vëmendjes në evenimentin "Rimendo të ardhmen" nën patronazhin e Presidentit të Republikës së Maqedonisë së Veriut, ku u prezantuan Thirrjet e të rinjve për veprim të vendimmarrësve, duke u fokusuar në tre tema: arsimi cilësor, mjedisi dhe cilësia jetësore.
Dita Botërore e Fëmijëve 2022 - Një ekip për të drejtat e fëmijëve
UNICEF dhe Federata e Futbollit të Maqedonisë bashkëpunuan rreth një fushate të përbashkët "Një ekip i përbashkët për të drejtat e fëmijëve", e cila kulmoi me një ndeshje miqësore të futbollit "Fëmijët i marrin gjërat përsipër" midis fëmijëve, lojtarëve profesionistë nga përfaqësuesja kombëtare, lojtarëve nga Olimpiada Speciale dhe zyrtarëve tjerë.
Ditës Botërore të Fëmijëve 2023 - Fëmijët e marrin përsipër Kuvendin
UNICEF-i dhe Kuvendi i Maqedonisë së Veriut e organizuan një eveniment të titulluar “Fëmijët marrin përsipër Kuvendin”, ku fëmijët dhe të rinjtë i prezantuan para deputetëve çështjet, nevojat dhe pikëpamjet e tyre më urgjente.
Dita Botërore e Fëmijëve 2024
Nën temën "Dëgjo të ardhmen", fëmijët dhe adoleshentët drejtuan diskutimin në një takim të nivelit të lartë të qeverisë, ku ndanë pikëpamjet e tyre mbi tre megatrenda globale që po formësojnë të ardhmen e fëmijëve: kriza klimatike, teknologjitë e përparuara dhe ndryshimet demografike.
Eksploroni burimet e mëposhtme për të mësuar më shumë se si këto tema po ndikojnë në të drejtat e fëmijëve dhe të ardhmen.
- Komenti i Përgjithshëm nr. 26 mbi Të drejtat e fëmijëve dhe mjedisi me fokus të veçantë në ndryshimet klimatike
- Udhëzuesi IA për adoleshentë
Mësoni më shumë rreth thirrjeve për veprim të paraqitura nga fëmijët dhe adoleshentët në dokumentin e mëposhtëm.