Заштитени заедно – редовните вакцини за деца делуваат
Редовните вакцини за деца се докажани како безбедни и ефективни и секоја година спасуваат 2 до 3 милиони деца од смртоносни болести, на глобално ниво.
Кога станува збор за сопственото дете, родителите секојдневно се соочуваат со многу дилеми.
Но, кога се работи за вакцинација, не треба да има дилеми. Редовните вакцини за деца се докажани како безбедни и ефективни и секоја година спасуваат 2 до 3 милиони деца од смртоносни болести, на глобално ниво.
Сите се надеваме дека нашите деца ќе постигнат неверојатни нешта. Но, да се запрашаме какви неверојатни работи ние како родители можеме да направиме за нив. Погрижете се вашето дете да ги прими сите рутински вакцини без одложувања, да го заштитат од смртоносни болести и да му помогнат да го достигне својот целосен потенцијал.
Патот на ампулата
Вакцините се најбезбедниот, најлесниот и високо делотворен начин за заштита во детството и целиот понатамошен живот.
Секоја вакцина пред да се одобри и користи, подлежи на низа проверки од меѓународни и национални институции што понатаму ја гарантираат безбедноста и сигурноста на вакцината.
Погледнете што сѐ вклучува патот на една вакцина до пунктот за вакцинација.
Др. Арјета Хасани од Универзитетската клиника за детски болести
„Со редовните вакцини за деца можеме да спречиме болести кои водат до сериозни компликации, па дури и до смртни последици. Ако одложуваме или не успееме да ги вакцинираме децата, ризикуваме овие болести да се вратат“, вели др. Арјета Хасани од Универзитетската клиника за детски болести во Скопје.
Д-р Олумчев, епидемиолог од Гевгелија нагласува дека нема никаква врска меѓу вакцините и аутизмот
Д-р Сашко Олумчев, епидемиолог од Гевгелија, објаснува како родителите можат да го стимулираат говорот и развојот кај малите деца. Тој нагласува дека нема апсолутно никаква врска меѓу вакцините и аутизмот и дека одложувањето на вакцинацијата може да предизвика сериозна штета.
Гинекологот, др. Пајтим Асани ја потенцира ефективноста на вакцината против ХПВ
„Вакцината против ХПВ е многу ефикасна и штити од најопасните типови на вируси кои можат да предизвикаат рак на грлото на матката“, вели др. Пајтим Асани, гинеколог.
Дали постои поврзаност помеѓу МРП вакцината и аутизмот?
Д-р Бети Гелејчевска Илкоска од пунктот за вакцинација Букурешт одговара на најчесто поставуваното прашање од родителите за редовните вакцини за деца.
Д-р Лилјана Коич, педијатар, го потенцира искоренувањето на опасни болести со помош на вакцините
Д-р Лилјана Коич, педијатар, зборува за тоа како вакцините помогнале во искоренувањето на болести што се опасни по живот и ја потенцира важноста на колективниот имунитет при заштитата на најранливите.
Д-р Дијана Миланова нагласува дека МРП вакцините се безбедни и ефективни
Д-р Дијана Миланова од пунктот за вакцинација во Здравствен дом Штип ги објаснува можните компликации од мали сипаници и нагласува дека МРП вакцините се безбедни и ефективни.
Докажано е дека вакцините се најбезбедниот и најефективниот начин да се заштитат децата од болести
„Докажано е дека вакцинацијата е најбезбедниот и најефективниот начин да се заштитат децата од болести што може да се спречат со вакцина - и тоа е факт. Јас сум татко на три деца - сите три се вакцинирани навреме, со сите вакцини“, вели др. Селајдин Мемети, кој работи на превентивна здравствена заштита во општина Чаир.
Д-р Горан Димитров, гинеколог препорачува младите да ја земаат вакцината против ХПВ
Д-р Горан Димитров, гинеколог објаснува дека колку се повисоки стапките на вакцинација, толку поголеми се шансите да го искорениме ракот на грлото на матката, предизвикан како резултат на ХПВ инфекциите во едно општество.
„Вакцината против ХПВ е бесплатна и достапна за сите девојчиња во препорачаната возраст“, вели тој – препорачувајќи им на младите да ја добијат вакцината против ХПВ следејќи ги националните препораки.
Темелни и сеопфатни истражувања не најдоа поврзаност меѓу вакцините и долгорочни здравствени проблеми.
Но, кога станува збор за вакцини, постои голема веројатност да наидете на митови и погрешни информации. Верувајте на точни информации, засновани на факти.
Информирајте се повеќе: https://e-zdravstvo.mk/regular-immunization?lng=mk
Секогаш веруваме на проверени тактики, особено кога ќе станеме родители.
Да им веруваме и на редовните вакцини за деца. Тие се темелно тестирани и докажано спречуваат сериозни болести, спасувајќи милиони детски животи секоја година. Да го вакцинирате вашето дете значи да бидете сигурни дека е заштитено.
Ние родителите го вреднуваме секој момент со нашите деца.
Само во последните 60 секунди редовните вакцини за деца спасиле 5 животи. Тоа се уште 5 деца кои се заштитени од смртоносни болести и кои ќе можат среќно да растат и да водат здрав живот.Потребна е само една минута да го заштитите вашето дете.
