#MaChhuNi: भाइबर स्टिकर डिजाइन प्रतियोगिता 

हाम्रा लागि प्रियजनहरूसँग सम्पर्कमा रहँदै एक अर्काको मानसिक स्वस्थताको लागि सहयोग गर्नु पर्ने यस्तो महत्वपूर्ण अवस्था यसअघि कहिल्यै पनि आएको थिएन । 

इच्छुक १३-२४ वर्षसम्मका युवालाई #MaChhuNi शीर्षकसँग सम्बन्धित भाइबर स्टिकर तयार पार्ने प्रतियोगितामा आफ्ना डिजाइन पठाउन युनिसेफ र भाइबर आव्हान गर्दछन्। आफ्ना प्रियजनको हालखबर कसरी सोध्नुहुन्थ्यो?  जस्तो सुकै परिस्थिति आइपरे पनि उहाँहरूलाई सहयोग गर्नको लागि तपाईं तयार रहेको कुरा कसरी स्मरण गराउनुहुन्थ्यो ? यी सबै भावना व्यक्त गर्ने आफ्ना डिजाइनहरू हामीलाई पठाउनुहोस् ! 

उत्कृष्ट डिजाइन पठाउने सहभागीले युनिसेफको तर्फबाट उपहार प्राप्त गर्नुका साथै उहाँहरूको डिजाइन भाइबरका सबै प्रयोगकर्ताले सेयर गर्न मिल्ने स्टिकरको रूपमा परिणत गरिनेछ!

सहभागी हुन आवश्यक योग्यता:  

• सबै सहभागीहरू १३ देखि २४ वर्ष उमेरको हुनुपर्नेछ।  

• १८ वर्ष भन्दा कम उमेरका सहभागीले प्रतियोगितामा सहभागी हुनको लागि अभिभावकको स्वीकृति लिनुपर्नेछ।  

• सहभागी हुन इच्छुक व्यक्तिहरू भाइबरमा अथवा फेसबुकमा रहेको U-Report Nepal मा U-Reporter को रूपमा दर्ता भएको हुनुपर्नेछ। यो लिंकमार्फत  भाइबर U-Report र यो लिंकमार्फत  फेसबुक U-Report  मा जानुहोस् र आफ्नो नाम दर्ता गर्नको लागि 'join' टाइप गरेर send गर्नुहोस् । सहभागीले आवेदनमा उल्लेख गरेको नाम र उमेर U-Report मा दर्ता गर्दा उल्लेख गरिएको नाम र उमेरसँग मिल्नुपर्नेछ, यदि मिलेन भने प्रतियोगितामा सहभागी गराईनेछैन।