ບ້ານທີ່ຈົມລົງໃຕ້ນ້ຳ

ທ່ານ ນາງ ຂັນສອນ, ເຖິງຈະມີທ່າທີອ່ອນໂຍນ ແຕ່ກໍໜັກແໜ້ນໃນສິ່ງທີ່ຕ້ອງການ.

“ພວກເຮົາຕ້ອງການນໍ້າສະອາດ, ຢາປົວພະຍາດເພື່ອປ້ອງກັນເຊື້ອພະຍາດໃຫ້ແກ່ເດັກນ້ອຍ ຕອນນີ້ເດັກນ້ອຍບາງຄົນບໍ່ສະບາຍ ບາງຄົນມີຕຸ່ມແດງຂຶ້ນຢູ່ຂາ ແລະ ບາງຄົນມີອາການຖອກທ້ອງ.”

ປະຊາຊົນບໍ່ສາມາດເຂົ້າເຖິງສຸຂາພິບານ ແລະ ສຸຂາອະນາໄມ, ເມື່ອນ້ຳຖ້ວມກໍ່ບໍ່ມີຫ້ອງນໍ້າໃຊ້ ເຊິ່ງປະຊາຊົນໃນເຂດນີ້ໄດ້ອາໄສພຸ່ມໄມ້ເປັນຫ້ອງນ້ຳທົດແທນ. ການປົນເປືອນຂອງນ້ຳ ແລະ ສຸຂາອະນາໄມທີ່ບໍ່ສະອາດນຳໄປສູ່ການເປັນຕຸ່ມຜື່ນ ແລະ ພະຍາດອື່ນໆທີ່ອັນຕະລາຍ.

ເພື່ອເປັນການຕອບສະໜອງຕໍ່ສະຖານະການຫຍຸ້ງຍາກທີ່ເມືອງປາກງື່ມ ແລະ ເມືອງອື່ນໆ ທີ່ໄດ້ຮັບຜົນກະທົບຈາກໄພນ້ຳຖ້ວມ. ອົງການຢູນິເຊັບ ປະຈຳ ລາວ ໄດ້ລະດົມການຮ່ວມມືກັບຄູ່ຮ່ວມງານເພື່ອຊ່ວຍເຫຼືອປະຊາຊົນຢ່າງໄວວາ. ພວກເຮົາໄດ້ສົ່ງມອບອຸປະກອນເຄື່ອງໃຊ້ຈຳເປັນ ໃນແຂວງວຽງຈັນ ເຊິ່ງເປັນເຂດທີ່ໄດ້ຮັບຄວາມເສຍຫາຍຈາກນ້ຳຖ້ວມເຊັ່ນ: ບ້ານເວີນແຄນເຊິ່ງພວກເຮົາໄດ້ປະສານງານກັບພະແນກສາທາລະນະສຸກແຂວງວຽງຈັນ. ເຄື່ອງອຸປະກອນຊ່ວຍເຫຼືອທີ່ໄດ້ສົ່ງມອບຈາກສູນນ້ຳສະອາດ ຂອງອົງການຢູນີເຊັບ ລວມມີ ກຼໍລິນ 1 ລ້ານເມັດ, ຄຸໃສ່ນ້ຳ 150 ຖັງ, ສະບູ່ 3.000 ກ້ອນ, ນ້ຳດື່ມ 150 ຕຸກ, ຜ້າອະນາໄມ 100 ແພັກ ແລະ ໂອຢາງ 100 ອັນ.

ອຸປະກອນເຫຼົ່ານີ້ມີຄວາມສຳຄັນຫຼາຍຕໍ່ການເຂົ້າເຖິງນ້ຳສະອາດ ແລະ ຮັບປະກັນສຸຂາອະນາໄມຂອງປະຊາຊົນທ່າມກາງໄພພິບັດນ້ຳຖ້ວມ. ນອກຈາກບ້ານເວີນແຄນຳ, ອົງການ ຢູນິີເຊັບ ປະຈຳ ລາວ ຍັງໄດ້ສົ່ງເຄື່ອງອຸປະໂພກ ແລະ ບໍລິໂພກຕ່າງໆໄປຍັງບັນດາແຂວງທີ່ໄດ້ຮັບຜົນກະທົບຈາກໄພນ້ຳຖ້ວມ. ໃນນັ້ນປະກອບມີ ເມັດກຼໍລິນ 100.000 ເມັດ, ຄຸໃສ່ນໍ້າ 100 ຄຸ, ນໍ້າດື່ມ 100 ຖັງ ແລະ ຜ້າເຕັນກັນຝົນ 500 ກໍ້ ເພື່ອເປັນບ່ອນພັກເຊົາຊົ່ວຄາວ. 

ລົດບັນທຸກນ້ຳບໍລິສຸດ ທີ່ມອບໂດຍປະຊາຊົນຍີ່ປຸ່ນ ມອບໃຫ້ແກ່ ລັດຖະບານ ແຫ່ງ ສປປລາວ ຍັງໄດ້ເປັນພາຫະນະຊ່ວຍໃນການຂົນສົ່ງນ້ຳດື່ມສະອາດ ເພື່ອການລະບາຍນ້ຳໃນແມ່ນ້ຳຂອງ, ການຊຳລະລ້າງ ແລະ ການຈັດສົ່ງໂດຍກົງໃຫ້ແກ່ຄອບຄົວທີ່ທຸກຍາກໃນທົ່ວ ສປປ ລາວ. ຊຸມຊົນເກັບເອົານ້ຳບໍລິສຸດນີ້ໃສ່ຖັງບັນຈຸ, ລວມທັງນ້ຳທີ່ບໍລິຈາກໂດຍ ອົງການ ຢູນິີເຊັບ. 

ແຕ່ຄວາມເສຍຫາຍຂອງພືດຜັກສວນຄົວຂອງຊຸມຊົນໜັກໜ່ວງກວ່າ-, ເຮືອນຊານບ້ານຊ່ອງຖືກນ້ຳພັດເສຍຫາຍ ແລະ ອະນາຄົດຂອງຊຸມຊົນໃນມື້ຂ້າງໜ້ງບໍ່ແນ່ນອນ. 

ໃນເວລາກາງຄືນ, ປະຊາຊົນພາຍໃນບ້ານໄດ້ໃຊ້ເຄື່ອງປັ່ນໄຟຟ້າ ເພື່ອເປັນແສງໄຟທ່າມກາງຄວາມມືດ. ແຕ່ເຖິງຢ່າງໃດກໍ່ຕາມ, ສິ່ງທ້າທາຍທັງໝົດທີ່ກ່າວມານີ້, ຄວາມອົດທົນ ແລະ ການເອົາຕົວລອດຂອງປະຊາຊົນບ້ານເວີນແຄນກໍ່ເປັນທີ່ປະຈັກຕາໃຫ້ເຫັນ. ໃນລະຫວ່າງທີ່ພວກເຮົາກຳລັງສຳຫຼວດ, ນາງ ຂັນສົງ ຜູ້ເປັນນາຍບ້ານກໍ່ຍັງສະແດງໃຫ້ເຫັນເຖິງຄວາມຫວັງ ູຄືກັນກັບບ້ານທີ່ລາວກຳລັງເປັນຜູ້ນຳຢູ່ ເຊິ່ງລາວມີຄວາມຕັ້ງໃຈ, ມຸ້ງໝັ້ນ ແລະ ມີຄວາມຫວັງຕໍ່ກັບໄພພິບັດນ້ຳຖ້ວມໃນຄັ້ງນີ້, ທີ່ບ້ານເວີນແຄນ.

ການຢຽວຢາຈະໃຊ້ເວລາດົນນານ ແຕ່ດ້ວຍການສະໜັບສະໜູນຢ່າງຕໍ່ເນື່ອງ ແລະ ຄວາມອົດທົນຢ່າງຕັ້ງໜ້າຂອງປະຊາຊົນ ໄດ້ສະແດງໃຫ້ເຫັນວ່າຍັງມີຫວັງ.  ພວກເຮົາ, ອົງການ ຢນິີເຊັບ ປະຈຳລາວ ມີຄວາມພ້ອມໃຫ້ການຊ່ວຍເຫຼືອຄຽງຄູ່ກັບລັດຖະບານແຫ່ງ ສປປ ລາວ ແລະ ຄູ່ຮ່ວມງານ ໃນການສະໜັບສະໜູນປະຊາຊົນ ບໍ່ພຽງແຕ່ບ້ານເວີນແຄນ ແຕ່ລວມໄປເຖິງບ້ານອື່ນໆທີ່ໄດຮັັບຄວາມເສຍຫາຍຈາກນ້ຳຖ້ວມເຊັ່ນກັນ.