ເຮັດວຽກກັບພວກເຮົາ
ທ່ານສົນໃຈທີ່ຈະເປັນແຊ້ມປ້ຽນສຳລັບເດັກທຸກຄົນບໍ່? ຮຽນຮູ້ເພີ່ມຕື່ມກ່ຽວກັບສິ່ງທີ່ພວກເຮົາກໍາລັງຊອກຫາ ແລະ ສິ່ງທີ່ພວກເຮົາສະເໜີ.
- ສາມາດມີໃນ:
- English
- ລາວ
ອົງການຢູນິເຊັບ ໄດ້ເຮັດວຽກຢູ່ ສປປ ລາວ ຢ່າງຕໍ່ເນື່ອງ ນັບຕັ້ງແຕ່ປີ 1973. ໃນຖານະທີ່ເປັນໜຶ່ງໃນບັນດາອົງການຈັດຕັ້ງສາກົນ ທີ່ມີການດໍາເນີນງານດົນນານທີ່ສຸດໃນປະເທດ, ພວກເຮົາແມ່ນໜຶ່ງໃນບັນດາປະເທດສະມາຊິກຂອງຢູນິເຊັບໃນທົ່ວໂລກທີ່ຈັດຕັ້ງແຜນງານລະດັບປະເທດທີ່ໃຫຍ່ທີ່ສຸດ, ເຮັດວຽກຢ່າງບໍ່ອິດເມື່ອຍ ເພື່ອສົ່ງເສີມສິດທິຂອງເດັກນ້ອຍ ແລະ ແມ່ຍິງ ແລະ ນຳເອົາການບໍລິການຂັ້ນພື້ນຖານເຊັ່ນ: ການສຶກສາ, ສຸຂະພາບ, ໂພຊະນາການ, ການປົກປ້ອງ, ນໍ້າ ແລະ ສຸຂາພິບານ ມາໃຫ້ແກ່ຜູ້ທີ່ມີຄວາມຕ້ອງການຫຼາຍທີ່ສຸດ.
ມີພະນັກງານທີ່ອຸທິດຕົນຫຼາຍກວ່າ 70 ຄົນເຮັດວຽກເພື່ອສ້າງການປ່ຽນແປງໃນທາງບວກ ແລະ ຍືນຍົງ ສໍາລັບເດັກທີ່ມີຄວາມສ່ຽງຫຼາຍທີ່ສຸດຂອງ ສປປ ລາວ ແລະ ເພື່ອຮັບປະກັນວ່າພວກເດັກເຫຼົ່ານີ້ຍັງຄົງເປັນບູລິມະສິດສຳລັບອົງການຈັດຕັ້ງສາກົນ.
ຖ້າທ່ານກຳລັງຕ້ອງການຊອກເຮັດວຽກກັບ ອົງການ ຢູນິເຊັບ, ກະລຸນາເຂົ້າເບິ່ງເວັບໄຊຢູນິເຊັບສາກົນ ບ່ອນທີ່ທ່ານສາມາດຊອກຫາຂໍ້ມູນກ່ຽວກັບຄຸນວຸດທິທີ່ຕ້ອງການ ແລະ ຜົນປະໂຫຍດໃນການເຮັດວຽກກັບພວກເຮົາ.
ຖ້າທ່ານກຳລັງຊອກຫາຕຳແໜ່ງງານໃນ ອົງການ ຢູນິເຊັບ ປະຈຳ ສປປ ລາວ, ກະລຸນາກົດບ່ອນນີ້ ບ່ອນທີ່ທ່ານສາມາດຊອກຫາຂໍ້ມູນກ່ຽວກັບຄຸນວຸດທິທີ່ຕ້ອງການ ແລະ ຜົນປະໂຫຍດໃນການເຮັດວຽກກັບພວກເຮົາ.
ອົງການ ຢູນິເຊັບ ມີຄວາມຕັ້ງໃຈໃນການປົກປ້ອງສິດທິຂອງເດັກນ້ອຍ ແລະ ແມ່ຍິງ ໂດຍການຊ່ວຍຕອບສະໜອງຄວາມຕ້ອງການຂັ້ນພື້ນຖານ ແລະ ຂະຫຍາຍໂອກາດໃຫ້ແກ່ເຂົາເຈົ້າ. ການໃຫ້ສິ່ງຂອງທີ່ຈໍາເປັນຕໍ່ຄວາມຕ້ອງການເຫຼົ່ານັ້ນ, ມີພຽບພ້ອມ, ເຂົ້າເຖິງໄດ້ ແລະ ລາຄາບໍ່ແພງ ແມ່ນຈຸດໃຈກາງຂອງຄວາມໝາຍໝັ້ນນີ້.
ເຂົ້າເບິ່ງໜ້າການຈັດຊື້ ແລະ ການສະໜອງຂອງພວກເຮົາ ເພື່ອເບິ່ງປະກາດການປະມູນ, ການເຊີນສົ່ງບົດສະເໜີ ແລະ ການສະແດງຄວາມສົນໃຈໃນການເຂົ້າຮ່ວມປະມູນ.
ອົງການ ຢູນິເຊັບ ມີຄວາມໝາຍໝັ້ນຢາກໃຫ້ມີຄວາມຫຼາກຫຼາຍ ແລະ ກວມລວມ ແລະ ຊຸກຍູ້ໃຫ້ຜູ້ສະໝັກທັງຍິງ ແລະ ຊາຍຈາກທຸກໆປະເທດ, ສາສະໜາ ແລະ ຊົນເຜົ່າ, ລວມທັງຄົນພິການ, ຍື່ນໃບສະໝັກງານໄດ້.