ວິທີເບີ່ງເເຍງດູເເລເດັກນ້ອຍໃນພາວະສຸກເສີນ

ຄວາມຮູ້ສຶກຂອງເດັກນ້ອຍອາດຖືກເບິ່ງຂ້າມໄດ້ງ່າຍໃນເວລາເກີດພາວະສຸກເສີນ. ການເອົາໃຈໃສ່ຄວາມຕ້ອງການ ແລະ ສ້່າງຄວາມຮູ້ສຶກໝັ້ນຄົງໃຫ້ກັບເດັກນ້ອຍໃນພາວະສຸກເສີນ ຈະຊ່ວຍໃຫ້ພວກເຮົາສາມາດຮັບມືກັບສະຖານະການທີ່ຍາກລຳບາກເຫຼົ່ານັ້ນໄດ້ດີຂຶ້ນ.

ດ້ານລຸ່ມນີ້ຄືຄຳແນະນຳສຳລັບທ່ານໃນການເບີ່ງເເຍງດູເເລເດັກນ້ອຍໃນພາວະສຸກເສີນ.

ສັງເກດການສັນຍານຂອງຄວາມທຸກໃຈ 

ເດັກນ້ອຍແຕ່ລະຄົນມີການສະແດງທ່າທີທາງອາລົມຕໍ່ສະພາບແວດລ້ອມດ້ານລົບທີ່ແຕກຕ່າງກັນ. ວັດທະນະທຳຂອງເເຕ່ລະກຸ່ມຄົນກໍມີອິດທິພົນຕໍ່ການ ສະແດງຄວາມຮູ້ສຶກຂອງເດັກນ້ອຍ ແລະ ບາງທ່າທາງກໍສະແດງອອກບໍ່ຈະແຈ້ງ.

ດ້ານລຸ່ມນີ້ແມ່ນສັນຍານຂອງການສະແດງທ່າທີທາງຄວາມຮູ້ສຶກຂອງເດັກນ້ອຍທີ່ມີອາຍຸແຕກຕ່າງກັນ. ເດັກນ້ອຍໃນແຕ່ລະໄວຈະສະແດງອາການຕໍ່ເຫດການດ້ານລົບໃນຮູບແບບທີ່ແຕກຕ່າງກັນ. 

ກຸ່ມອາຍຸທັງໝົດ - ປະຕິກິລິຍາທີ່ສະແດງອອກທາງຮ່າງກາຍ

ປະຕິກິລິຍາເຫຼົ່ານີ້ອາດເປັນສັນຍານຂອງການເຈັບປ່ວຍທາງຮ່າງກາຍໄດ້ ດັ່ງນັ້ນ, ຄວນພາລູກຫຼານຂອງທ່ານໄປພົບແພດໝໍ ເພື່ອກວດຫາສາເຫດຂອງອາການຜິດປົກກະຕິທາງຮ່າງກາຍເຫຼົ່ານີ້

• ອາການເມື່ອຍລ້າ
• ອາການແໜ້ນໜ້າເອິກ
• ຫາຍໃຈຝືດ
• ປາກແຫ້ງ
• ກ້າມເນື້ອອ່ອນເພຍ
• ເຈັບທ້ອງ
• ວິນຫົວ
• ອາການສັ່ນ
• ເຈັບຫົວ
• ອາການເຈັບປວດທົ່ວໄປ

ການສົນທະນາໂອ້ລົມ ແລະ ເປີດໃຈ

• ໃຫ້ພື້ນທີ່ເດັກນ້ອຍໄດ້ແບ່ງປັນຄວາມຄິດເຫັນ ແລະ ຄວາມຮູ້ສຶກ.
• ສະແດງໃຫ້ເດັກນ້ອຍເຫັນວ່າທ່ານພ້ອມຮັບຟັງ ແລະ ໃສ່ໃຈຄວາມຮູ້ສຶກຂອງພວກເຂົາ.
• ສະແດງໃຫ້ເດັກນ້ອຍຮູ້ວ່າການແບ່ງປັນຄວາມຮູ້ສຶກຢ້ານກົວຂອງພວກເຂົາເປັນເລື່ອງທີ່ດີ ແລະ ຊ່ວຍໃຫ້ ພວກເຂົາຮັບຮູ້ວ່າທ່ານເອງກໍພ້ອມຕໍ່ສູ້ກັບບັນຫາດັ່ງກ່າວໄປພ້ອມໆກັນ. 

ສ້າງຄວາມຮູ້ສຶກໝັ້ນຄົງໃຫ້ກັບເດັກ

• ສະເເດງຄວາມຮັກໃຫ້ເດັກ ໂດຍການໃຊ້ເວລາຮ່ວມກັນ ແລະ ໂອບກອດເຊິ່ງກັນ ແລະ ກັນ.
• ເດັກນ້ອຍສາມາດຮັບຮູ້ສັນຍານທາງອາລົມຄວາມຮູ້ສຶກຂອງຜູຸ້ອື່ນຜ່ານພາສາກາຍ ຫຼື ສີໜ້າ. ດັ່ງນັ້ນ, ພະຍາຍາມໂອ້ລົມກັບເດັກນ້ອຍດ້ວຍອາລົມຜ່ອນຄາຍ ແລະ ຄວາມອ່ອນໂຍນອ່ອນໂຍນເພື່ອໃຫ້ພວກເຂົາຮູ້ສຶກປອດໄພ.
• ພະຍາຍາມຮັກສາກິດຈະກຳປະຈຳວັນເຊັ່ນ: ການເຂົ້ານອນ ເເລະ ການຮັບປະທານອາຫານຕາມໂມງປົກກະຕິ ເພື່ອໃຫ້ເດັກນ້ອຍຮູ້ສຶກມີຄວາມໝັ້ນຄົງ.

ການສັງເກດການສະພາບທາງອາລົມຂອງເດັກນ້ອຍ

ການສັງເກດຄວາມຮູ້ສຶກແມ່ນການຖາມເດັກນ້ອຍວ່າ “ພວກເຂົາຮູ້ສຶກແນວໃດ” ທັງທາງກົງ ແລະ ທາງອ້ອມ”.

ໜຶ່ງວິທີສັງເກດການຄື ການໃຫ້ເດັກນ້ອຍແຕ້ມຮູບ ຫຼື ລະບາຍສີຮູບ. ຕໍ່ໄປເເມ່ດອາດໃຫ້ພວກເຂົາອະທິບາຍເຖິງສິ່ງທີ່ວາດອອກມາຕື່ມເຊັ່ນ: ເຫດຜົນວ່າເປັນຫຍັງຈຶ່ງແຕ້ມຮູບດັ່ງກ່າວ ຫຼື ເຫດໃດຈຶ່ງໃຊ້ສີນັ້ນ? ວິທີນີ້ຊ່ວຍໃຫ້ເດັກນ້ອຍບາງຄົນທີ່ບໍ່ມັກເວົ້າເຖີງຄວາມຮູ້ສຶກຂອງພວກເຂົາສາມາດສື່ສານຜ່ານຮູບແຕ້ມໄດ້.

ໃນຂະນະທີ່ເດັກນ້ອຍຫຼາຍຄົນມີອາການປົກກະຕິ ແຕ່ຜ່ານໄປໜຶ່ງເດືອນຫຼັງຈາກປະເຊີນໜ້າກັບພາວະສຸກເສີນໃດໜື່ງ ພວກເຂົາອາດສະແດງອາການທາງຮ່າງກາຍ ຫຼື ຈິດໃຈ, ມີອາການວິຕົກກັງວົນ. ຖ້າຫາກອາການເຫຼົ່ານີ້ ບໍ່ຫາຍໄປຫຼັງຈາກຜ່ານໄປແລ້ວ ສອງຫາສາມເດືອນ ຫຼື ຖ້າລູກຫຼານຂອງທ່ານມີອາການຮ້າຍແຮງກວ່າເກົ່າເຊັ່ນ: ຄວາມກັງວົນຫຼາຍກວົ່າປົກກະຕິ ຫຼື ການທຳຮ້າຍຮ່າງກາຍຕົນເອງ ຫຼື ຄົນອື່ນ, ຈົ່ງໃຫ້ທ່ານຮີບຕິດຕໍ່ກັບແພດໝໍຜູ້ຊ່ຽວຊານດ້ານສຸຂະພາບຈິດທັນທີ.

ສາມາດເຮັດຫຍັງໃດແດ່ເພື່ອຊ່ວຍສະຫງົບຈິດໃຈຂອງທ່ານ ແລະ ລູກຫຼານຂອງທ່ານ? 

ການຫາຍໃຈໂດຍທ້ອງ

ການຫາຍໃຈເຂົ້າອອກໂດຍທ້ອງ ເເມ່ນມີປະໂຫຍດຫຼາຍ ແລະ ເປັນສິ່ງທີ່ທ່ານສາມາດນຳພາລູກຫຼານຂອງທ່ານປະຕິບັດຕາມໄດ້ ເຊິ່ງເປັນວິທີສະຫງົບຈິດໃຈ ແລະ ຮ່າງກາຍ ໂດຍການຫາຍໃຈເຂົ້າອອກຊ້າໆຕາມຈັງຫວະຂອງລົມຫາຍໃຈ. 

ກິດຈະກຳ ‘ສະຖານທີ່ທີ່ມັກ’

ບາງຄັ້ງສະພາບແວດລ້ອມທີ່ຢູ່ອ້ອມຕົວເຮົາອາດເຮັດໃຫ້ເຮົາຮູ້ສຶກອຶດອັດໄດ້. ດັ່ງນັ້ນ, ການໃຫ້ເດັກນ້ອຍຈິນຕະນາການເຖີງສະຖານທີ່ໃດໜຶ່ງທີ່ສະຫງົບໂດຍບໍ່ມີຄວາມກົດດັນ ອາດສາມາດເຮັດໃຫ້ພວກເຂົາ ຮູ້ສຶກສະບາຍໃຈຂຶ້ນ. ດ້ານລຸ່ມນີ້ແມ່ນກິດຈະກຳທີ່ທ່ານສາມາດເຮັດກຳລູກຫຼານຂອງທ່ານໄດ້:

• ນັ່ງ ຫຼື ພັກຜ່ອນໃນທ່າທີ່ສະບາຍ, ປິດຕາ ແລະ ຜ່ອນຄາຍ.
• ຫາຍໃຈເຂົ້າທາງດັງເລິກໆ ໃຫ້ຮູ້ສຶກວ່າອາກາດເຂົ້າໄປໃນທ້ອງຂອງທ່ານ ແລະ ຫາຍໃຈອອກທາງປາກ. ໃຫ້ເຮັດຫຼາຍໆຄັ້ງຢ່າງຊ້າໆ.
• ພະຍາຍາມຫາຍໃຈເຂົ້າຊ້າໆ ແລະ ເບົາໆ. ຫາຍໃຈເຂົ້າເລິກໆແລ້ວຈຶ່ງຂ່ອຍໆຫາຍໃຈອອກຢ່າງເບົາໆ.
• ພະຍາຍາມສັງເກດຄວາມຄິດຂອງທ່ານເອງ ແລະ ຈິນຕະນາການຕາມພາບໃນຫົວຂອງທ່ານ.

ຂໍ້ມູນຕິດຕໍ່

ຖ້າທ່ານຕ້ອງການຄວາມຊ່ວຍເຫຼືອເພີ່ມເຕີມ, ສາມາດໂທຂໍຄຳປຶກສາຜ່ານເບີຂ້າງລຸ່ມນີ້:

• ຖ້າຫາກວ່າທ່ານຢາກ​ຂໍຄຳປຶກສາ ຫຼື ໄດ້ປະສົບກັບຄວາມຮຸນແຮງ, ສາມາດໂທຫາສາຍດ່ວນ 1362 ຂອງ ​ສູນກາງສະຫະພັນແມ່ຍິງລາວ.
• ສຳລັບຄຳປຶກສາ ແລະ ການຊ່ວຍເຫຼືອດ້ານຈິດຕະວິ​ທະ​ຍາ, ສາມາດໂທຫາ ສູນໄວ​ໜຸ່ມ​ນະ​ຄອນຫຼວງວຽງຈັນ 137 (ສຳລັບຜູ້ຊາຍ) ເເລະ 1361 (ສຳລັບແມ່ຍິງ) / ສູນກາງຊາວໜຸ່ມ ປະຊາຊົນ ປະຕິວັດລາວ: 97721042, 55774438, 23999629 ຫຼື 77880044. ສາມາດໂທໄດ້ໂດຍບໍ່ເສຍຄ່າ.
• ເມື່ອຮູ້ສຶກວ່າຕົນເອງຕ້ອງການຄວາມຊ່ວຍເຫຼືອໂດຍ​ດ່​ວນ, ສາມາດຕິດຕໍ່ເບີເຫຼົ່ານີ້ໄດ້. ມັນເປັນສິດທິຂອງທ່ານ.