Көп көрсөткүчтөр боюнча кластердик изилдөө (КККИ) - Кыргызстан, 2023
Негизги статистикалык маалыматка сереп
Highlights
Улуттук статистика комитети жаңы Көп көрсөткүчтөр боюнча кластердик изилдөөнүн (КККИ) жыйынтыгын жарыялады. Изилдөөнүн алкагында Кыргызстан боюнча 7,2 миң кожолуктун арасында 185 көрсөткүч боюнча сурамжылоо жүргүзүлгөн. Бул көрсөткүчтөр саламаттык сактоо, билим берүү жана аялдар менен балдарды социалдык жактан коргоо тармактарына тиешелүү.
Изилдөө ЮНИСЕФтин, БУУнун Калкты жайгаштыруу фондунун (ЮНФПА), АКШнын эл аралык өнүктүрүү агенттигинин (USAID) жана Швейцария Өкмөтүнүн техникалык жана каржылык колдоосу менен жүргүзүлдү.
КККИ-2023 жынысы, жашы, географиясы, кирешеси жана майыптыгы сыяктуу негизги мүнөздөмөлөр боюнча бөлүштүрүлгөн 32 глобалдык Туруктуу өнүгүү максаттарынын (ТӨМ) индикаторлору боюнча маалыматтарды алууга жардам берди.
