Тендерлер

БУУ менен кызматташууну каалаган жарандык коом уюмдарынын көңүлүнө

БУУнун Өнөктөштөр порталы – бул жарандык коомдогу өнөктөштөр менен иштөө үчүн БУУнун процесстерин жөнөкөйлөтүү жана шайкеш келтирүү үчүн онлайн платформа. Өнөктөштөргө улуттук жана эл аралык бейөкмөт уюмдар, коомдук уюмдар жана илим-билим берүүчү мекемелер кирет. Платформа БУУ Катчылыгынын, БУУнун Балдар Фондунун (ЮНИСЕФтин), БУУнун Калкты жайгаштыруу Фондунун (ЮНФПА), БУУнун Качкындар иши боюнча Жогорку комиссарынын башкармалыгынын (КЖКБ) жана Бүткүл дүйнөлүк азык-түлүк программасынын (ДАП) биргелешкен демилгеси.

БУУнун Өнөктөштөр порталы деген эмне?

БУУнун Өнөктөштөр порталы:

1. Жарандык коом уюмдарына (ЖКУ) анкета түзүп, өзү тууралуу негизги маалыматтарды БУУ менен бөлүшүүгө;
2. БУУнун агенттиктерине кызматташуу мүмкүнчүлүктөрү жөнүндө кабарлап, ЖКУдан өтүнмөлөрдү суратып алууга;
3. БУУнун агенттиктерине ЖКУдан өтүнмөлөрдү алып, аларды баалап, тандап алууга, ЖКУну макулдашылган комплекстүү текшерүүдөн өткөрүүгө жол ачат.

БУУнун Өнөктөштөр порталында кайсы уюмдар каттала алат?

Потенциалдуу жарандык коом уюмдары – өкмөттүк эмес уюмдар, коомдук уюмдар жана илим-билим берүүчү мекемелер.

БУУнун агенттиктери:

1. Жалпы гуманитардык максаттарды көздөгөн;
2. БУУнун негизги баалуулуктарын сактаган;
3. Өнөктөштүк принциптерин карманган;
4. Финансыны башкарууда ачык-айкындуулукту, отчеттуулукту карманган, каражатты үнөмдүү пайдаланган, башкарууну талаптагыдай уюштура алган жарандык коом уюмдары менен кызматташат. 

БУУнун Өнөктөштөр порталынын кандай артыкчылыктары бар?

• БУУ менен өнөктөштүктүн бардык ачык болгон мүмкүнчүлүктөрүнө жеткиликтүүлүк болот;
• Өтүнмөнү онлайн берүү мүмкүнчүлүгү бар;
• Жарандык коомдон өнөктөштөргө кызматташуу үчүн түз тандоо мүмкүнчүлүгү пайда болгону жөнүндө кабар берилиши мүмкүн;
• Ар кандай өнөктөштөрдүн чоң тобу бир жерде топтолот;
• Кызматташтыкты тандап алуунун жана өнүктүрүүнүн натыйжалуулугу жогорулайт;
• Өнөктөштөр алдын ала скринингден өткөрүлөт (иргелет).

Учурда БУУнун Өнөктөштөр порталында 20 739 өнөктөш катталган, анын ичинде эл аралык, улуттук бейөкмөт уюмдар, Кызыл Чырым/Кызыл Жарым Ай коомдору, жарандык коом уюмдары жана илим-билим берүүчү мекемелер бар. Бул сандар күндөн-күнгө көбөйүп жатат, себеби барган сайын улам көп ЖКУлар БУУнун Өнөктөштөр порталы жөнүндө кабар алып, катталууда.

Биз жарандык коомдогу бардык өнөктөштөрдү анкеталарын төмөндө көрсөтүлгөн онлайн-ресурста каттоого чакырабыз. Чогуу иш алып барсак, балдар үчүн көбүрөөк жана жакшы жыйынтыктарга жетише алабыз.

Өнөктөштөр порталы:  https://www.unpartnerportal.org/landing/

Баштапкы маалыматтарды берүүчү видео: https://youtu.be/jQYlGxwSbZ0

ЖКУну колдоо боюнча глобалдык борбордун баракчасы: https://unpartnerportalcso.zendesk.com/hc/en-us

ЖКУну колдоо боюнча жергиликтүү кызматкерлер менен байланышуу үчүн маалыматтар: kir-unpp@unicef.org