Инновациялар
Қазақстандағы ЮНИСЕФ Өкілдігі Қазақстанда да, жаһанда да балалардың мүдделері үшін үздік шешімдер іздеуде инновацияларды дамытуды қолдайды.
Қазақстандағы ЮНИСЕФ Өкілдігі Үкіметтің ұлттық, өңірлік және жаһандық деңгейлерде балалардың құқықтарын дәріптеудегі мемлекеттің әлеуетін нығайту жұмыстарын қолдайды.
ЮНИСЕФ-тің инновациялар бағдарламасы бүкіл әлемдегі инновациялық зертханалар мен талдау орталықтары арасында білім, тәжірибе, үздік жұмыс әдістерімен алмасуға қолдау көрсетеді, жас бағдарламашыларды, әзірлеушілерді және жаңа бастап жүрген кәсіпкерлерді балалардың өмірін жақсартатын инновациялық әдіс-тәсілдерді жасап шығаруға жұмылдырады.
Қазақстандағы ЮНИСЕФ Өкілдігінің жетістерінің бірі 2017 жылдың наурызында Алматыда Халықаралық ақпараттық технологиялар университеті (ХАТУ) негізінде ТМД аумағындағы тұңғыш ЮНИСЕФ Инновациялық зертханасын ашу болды. Зертхана балаларға қатысты мәселелерді шешуге бағытталған инновациялық, технологиялық идеялар айналасында көпжақты ынтымақтастыққа септеседі, аталмыш идеяларды молынан дайындайды және нарық үшін дайын өнімге айналдырады.
Зертхана балалармен жұмыс жасайтын әлеуметтік кәсіпкерлерге және новаторларға жан-жақты бағдарламалар, соның ішінде блокчейн технологиясын әлеуметтік маңызы бар салаларда қолдану, жобаларды басқару, дизайн, бағдарламалау және маркетинг бойынша шеберлік дәрістерін өткізеді.
ЮНИСЕФ және ХАТУ хакатондар өткізеді, соның ішінде, ЭКСПО-2017 көрмесі аясында өткен «Қалаланған әлемдегі балаларға арналған инновациялар» хакатоны бар.
2017 жылы ЮНИСЕФ серіктестерімен бірге балалардың құқықтарын дәріптеу үшін блокчейн технологиясын пайдалану бойынша әлемдегі алғашқы хакатонды өткізді. Оған балаларға қатысты ең өзекті мәселелерді шешудегі технологиялардың әлеуетін зерттеу үшін Астана орталығына Еуропаның және Орталық Азияның орыс тілді елдерінен 200 кәсіпкер мен техникалық сарапшылар жиналды.
2018-2019 жж. блокчейн акселераторын іске қосу жоспарланған, бұл – жастарға арналған инвестициялық жобаларды жасауға және Қазақстанда стартаптарды қарқынды дамыту инфрақұрылымын қалыптастыруды қолдауға бағытталған 12 апталық бағдарлама.
2019 жылы біз аль-Фараби атындағы ҚазҰУ ғылыми-технологиялық паркімен бірге наносателлиттер туралы қыздарға арналған білім беру UniSat жобасын іске қосты, онда қатысушылар нақты ғарыш аппаратын жасаудың барлық кезеңдері - дизайннан бастап, іске қосуға дейін танысып білетін болады.
ЮНИСЕФ соңғы 25 жыл бойы балалық мәселелеріне қатысты мәліметтерге қолжетімділікті жақсартуға септесіп келеді. ЮНИСЕФ жұмысының басты бөлігі әр баланың мүддесін ескеру үшін балалар туралы, әсіресе, ең ұрымтал балалар туралы мәліметтерді жинау және талдау болып табылады. Қазақстандағы ЮНИСЕФ Өкілдігі балалар мен жасөспірімдердің игілігі үшін Қазақстанның талдау-сараптау әлеуетін пайдалануға жәрдемдесу мақсатында мәліметтермен жұмыс жасайтын хаб (Data Science Hub) жасауды қолға алды.
