Ով ինչ ասաց UPSHIFT Հայաստան ծրագրի առաջին փուլի փակմանը

Սեպտեմբերի 11-ին Գյումրիում ամփոփվեց UPSHIFT Հայաստան ծրագրի առաջին փուլը

Ժաննա Ուլիխանյան
13 Սեպտեմբեր 2019

ՅՈՒՆԻՍԵՖ-ի UPSHIFT Հայաստան ծրագրի առաջին փուլը անցկացվեց Գյումրի և Սպիտակ քաղաքներում՝ ներգրավելով 12-ից 18 տարեկան մոտ 500 դեռահասների և նրանց ուսուցիչների: Սեպտեմբերի 11-ին Գյումրիում ավարտվեց UPSHIFT ծրագրի առաջին փուլը, և առաջին փուլի հաղթող հինգ թիմերը ներկայացրեցին իրենց ծրագրերն ու դրանք իրականացնելու ճանապարհին հանդիպած խնդիրները: Ահա, թե ով ինչ ասեց եզրափակիչ ցուցահանդեսին: 

«Յունիսեֆ»-ի հայաստանյան գրասենյակի ներկայացուցչի տեղակալ Լիվ Էլին Ինդրայթնին երիտասարդը ցույց է տալիս իրենց ստեղծած խելացի հավելվածը:
UNICEF Armenia/2019/Ghazaryan

«Սա մեզ համար շա՜տ կարևոր օր է: Ամփոփում ենք UPSHIFT Հայաստանի առաջին փուլը: Բոլոր դեռահասներին ուզում ենք ասել, որ եթե գաղափարներ ունեք, եթե աշխատանքից չեք վախենում ու ցանկություն ունեք, ապա դուք կարող եք ձեր համայնքն ավելի լավը դարձնել՝ լուծելով համայնքի մեծ ու փոքր խնդիրները»:

Լիվ Էլին Ինդրայթն, ՅՈՒՆԻՍԵՖ-ի հայաստանյան գրասենյակի ներկայացուցչի տեղակալ
Շիրակի մարզպետը շրջում է UPSHIFT-ի ամփոփման փուլի ցուցահանդեսին:
UNICEF Armenia/2019/Ghazaryan

«UPSHIFT-ցիների ոգևորվածությունը շշմեցուցիչ էր: Սա՝ համայնքը, ուստի և երկիրը փոխելու առաջին նշանակալի ալիքն էր: Ուրախ ենք, որ այս շարժումը սկսվել է Շիրակից՝ Գյումրիից, ու նաև դրա համար է հաջողել: Էստաֆետան հանձնում ենք մյուս համայնքերին»:

Տիգրան Պետրոսյան, Շիրակի մարզպետ
Երիտասարդական կենտրոն ՀԿ-ի տնօրեն Արթուր Նաջարյանը սելֆի է անում UPSHIFT-ցիների հետ:
UNICEF Armenia/2019/Ghazaryan

«UPSHIFT-ը համայնքը երիտասարդների հետ կապող լավագույն կամուրջն էր: Այն երիտասարդներին ստիպեց հավատալ իր ուժերին, ակտիվանալ, սովորել ու աշխատել, ինքնաբացահայտվել ու վստահ արտահայտվել»:

Արթուր Նաջարյան, Գյումրու Երիտասարդական նախաձեռնությունների կենտրոնի նախագահ
3+2 թիմը ներկայացնում է իր էկո տոպրակները:
UNICEF Armenia/2019/Ghazaryan

«Ուզու՞մ ես լինել առողջ ու ապրել մաքուր միջավայրում, ուրեմն՝ ասա՛ ոչ պոլիէթիլենին ու փոխարենը կտորե կամ թղթե տոպրակներ օգտագործի՛ր: Չունե՞ս, ի՛նքդ պատրաստիր»:

«3+2» թիմ
Արուսը «Gyumriver» թիմից ներկայացնում է իրենց ծրագրի նկարները:
UNICEF Armenia/2019/Ghazaryan

«6-7 մեքենա աղբ ենք հանել Գյումրու գետակից: Մաքո՛ւր պահիր տանդ դիմացով անցնող գետակը: Էկոթասիբ ու էկոխիղճ ունեցի՛ր»:

 

Արուս, «Gyumriver» թիմ
Օքսիլիոն թիմից երկու երիտասարդ ցույց են տալիս իրենց կողմից պատրաստած թռչունների բույները:
UNICEF Armenia/2019/Ghazaryan

«Լավ ընկերներ ձեռք բերեցինք, սովորեցինք ծրագրեր կազմել ու բյուջետավորել, գնահատել ռիսկերն ու ամենակարևորը՝ մոտիվացնել ընկերներին ու շրջապատի մարդկանց՝ լինել ակտիվ ու լավ գործեր անել»:

Վահրամ, «Օքսիլիոն» թիմ
Թիմից Էմիլիան ցույց է տալիս իրենց իրականացրած ծրագրի նկարները:
UNICEF Armenia/2019/Ghazaryan

«Մեկ ամիս չարչարվեցինք ու վերջապես ծրագիրը կազմեցինք: Ինձ համար ամենակարևորն այն էր, որ ես թիմում աշխատել սովորեցի»:

 

Էմիլիա, «Համայնքը մեր ձեռքերով» թիմ
Smart map թիմը ծրագրի փակման արարողությանը ներկայացնում է իրենց հավելվածը:
UNICEF Armenia/2019/Ghazaryan

«Չգիտես՝ որտեղ է Մհեր Մկրտչյանի թանգարանը: Բացում ես Smart map հավելվածը ու գտնում Գյումրիում դրա հասցեն թանգարանների ցուցակում: Միասին Գյումրին դարձնե՛նք Smart քաղաք»:

«Smart map» թիմ

Իսկ հիմա երաժշտություն Նեքսուս արվեստի կենտրոնի սաների կատարմամբ: