LCOY Հայաստանը կանչում է հենց ՔԵ՛Զ

Եթե դու 16-24 տարեկան ես, անտարբեր չես կլիմայի, բնության ու մեր մոլորակի ապագայի հանդեպ և ունես ասելիք, այս հնարավորությունը բաց թողնել պարզապես չի կարելի:

Ավելի քան 100 երիտասարդներ ու դեռահասներ ամբողջ Հայաստանից կհավաքվեն մեկ վայրում՝ մասնակցելու Երիտասարդների տեղական համաժողովին (LCOY Հայաստան)։

Սա հերթական կոնֆերանս չէ։ LCOY-ը միջազգային երիտասարդական շարժման մաս է կազմում։ Հարթակ, որտեղ քո գաղափարները վերածվելու են իրական որոշումների ու ազդելու են կլիմայական քաղաքականության վրա:

Ինչի՞ մասին է խոսքը.

Ե՞րբ՝ Հուլիսի 30-31

Որտե՞ղ՝ Երևան

Կազմակերպիչ՝ Կլիմայի հարցերով երիտասարդական խորհուրդ (Այո՛, կազմակերպվում է երիտասարդների կողմից՝ երիտասարդների համար ✌️):

Ի՞նչ է քեզ սպասվում այս էներգիայով լի 2 օրերի ընթացքում.

• Ինտերակտիվ աշխատարաններ և պանելային թեժ քննարկումներ` պարզ ու հասկանալի լեզվով,
• Երիտասարդների կողմից ղեկավարվող զիլ կլիմայական ակցիաներ,
• Գլխավորը. մենք միասին մշակելու ենք Ազգային երիտասարդական հայտարարություն: Քո բարձրաձայնած խնդիրներն ու լուծումները ուղիղ կերպով կներառվեն այս տարի կայանալիք COP31-ի Գլոբալ երիտասարդական հայտարարության մեջ: 🌍✨

Կլիմայի փոփոխությունը չի սպասում, մենք էլ չպետք է սպասենք: Արի՛ միասին ցույց տանք, որ երիտասարդների ձայնն ուժ ունի։

Մասնակցությունն ԱՆՎՃԱՐ է, բայց տեղերը խիստ սահմանափակ են:

Հաճախ տրվող հարցերի պատասխաններին և LCOY 2025-ի արդյունքներին կարող եք ծանոթանալ հետևյալ կայքէջում:

Միացի՛ր մեզ, դարձի՛ր փոփոխության մի մասնիկը. սպասում ենք քեզ: 💚

Կլիմայի հարցերով երիտասարդական խորհուրդը հիմնվել է ՅՈՒՆԻՍԵՖ-ի և ՀՀ շրջակա միջավայրի նախարարության կողմից։

Երիտասարդների տեղական համաժողովի (LCOY Հայաստան)  իրականացման համար երիտասարդական խորհրդին աջակցում են ՅՈՒՆԻՍԵՖ-ն ու Հայաստան ծառատունկ ծրագիրը (ATP)