Էջ

LCOY Հայաստան 2025

LCOY-ը վերադառնում է։ Սեպտեմբերի 6-7-ը դեռահասներն ու երիտասարդները հավաքվում են Երևանում՝ քննարկելու իրենց համայնքների կլիմայական իրականությունն ու խնդիրները։

Հայերեն
English

Երիտասարդների տեղական համաժողով (LCOY)

2025 թվականի սեպտեմբերի 6-7-ը Երևանում տեղի կունենա Երիտասարդների տեղական համաժողովը (LCOY)՝ կլիմայի փոփոխության վերաբերյալ ամենախոշոր և կարևոր երիտասարդական համաժողովը, որը կազմակերպվում է ՄԱԿ-ի «Կլիմայի փոփոխության մասին» շրջանակային կոնվենցիայի (UNFCCC) պաշտոնական երիտասարդական ցանցի՝ YOUNGO-ի շրջանակում։ Համաժողովը կազմակերպվում է ՅՈՒՆԻՍԵՖ-ի և Հայաստանի ամերիկյան համալսարանի (ՀԱՀ) Յակոբեան բնապահպանական կենտրոնի հետ համագործակցությամբ։

Միջոցառման նպատակն է համախմբել Հայաստանի բոլոր մարզերից 16–24 տարեկան խնդրով հետաքրքրված երիտասարդ առաջնորդների, ովքեր կձևակերպեն իրենց դիրքորոշումը կլիմայական ճգնաժամի վերաբերյալ և կներկայացնեն դրանք պետական մարմիններին, քաղաքացիական հասարակությանը և միջազգային գործընկերներին։

Երկու օրերի ընթացքում մասնակիցները քննարկումներ կանցկացնեն ինտերակտիվ աշխատարանների ընթացքում, մասնագիտական և քաղաքական քննարկումների ժամանակ, ինչպես նաև գործնական սեսիաներ կանցնեն ՝ կլիմայական քաղաքականությունըմշակելու ուղղությամբ։ Համաժողովի հիմնական արդյունքը կլինի Ազգային երիտասարդական հայտարարությունը, որը կներառվի COP30-ի Գլոբալ երիտասարդական հայտարարության մեջ և կներկայացվի միջազգային հարթակներում։

Մասնակցությունն անվճար է: Դիմումի վերջնաժամկետը 2025 թ․ սեպտեմբերի 1-ն էր։

Դիմումի հիման վրա ընտրված մասնակիցները ոչ միայն կներկայացնեն իրենց համայնքների խնդիրներն ու առաջարկությունները, այլև կդառնան Հայաստանի կլիմայական ապագան ձևավորող երիտասարդական շարժման մաս։

Համաժողովի աշխատանքային լեզուներն են՝ հայերեն, անգլերեն: Տրամադրվելու է համաժամանակյա թարգմանություն։

Հաճախակի տրվող հարցեր

Ի՞նչ է LCOY-ը։

Ամեն տարի «Կլիմայի փոփոխության մասին» ՄԱԿ-ի շրջանակային կոնվենցիան (UNFCCC) կազմակերպում է Կլիմայական կոնֆերանսը, որը հայտնի է որպես COP։ Նախքան COP-ը տեղի է ունենում Երիտասարդների համաժողովը (COY), որը կազմակերպում է YOUNGO-ն։ Համաժողովի ընթացքում ամբողջ աշխարհից երիտասարդների պահանջները համախմբվում են և կազմվում է Գլոբալ երիտասարդական հայտարարությունը (GYS), որը ներկայացվում է COP-ում։

Մինչ COY-ը, ավելի քան 70 երկրներում կազմակերպվում են տեղական համաժողովներ՝ LCOY-ներ։ Դրանք հնարավորություն են տալիս երիտասարդ ակտիվիստներին կապեր հաստատել, զարգացնել կարողությունները, քննարկել իրենց համայնքների կլիմայական իրականությունը և մշակել ազգային երիտասարդական հայտարարություն, որը միավորվում է Գլոբալ երիտասարդական հայտարարության մեջ։

Ինչո՞ւ է անհրաժեշտ LCOY Հայաստանը։

Երիտասարդները, հատկապես խոցելի և քիչ ներկայացված համայնքներից, պետք է ավելի մեծ հնարավորություններ ունենան՝ կլիմայական քաղաքականության մշակման վրա ազդեցություն ունենալու և մեր ապագան կերտելու հարցում։ LCOY Հայաստանը հնարավորություն է ընձեռում նրանց ձայնը լսելի դարձնելու և ապահովում է, որ այդ ձայնը հաշվի առնվի Հայաստանում կլիմայական քաղաքականության շուրջ կայացվող որոշումների ընդունման ժամանակ։ Համաժողովը նաև նպաստում է մասնատվածության նվազելուն ու ավելի մեծ համագործակցությանը՝ համախմբելով երիտասարդներին Հայաստանի բոլոր մարզերից։

Ինչո՞ւ մասնակցել։

Մասնակիցները կլսեն ՀՀ կառավարության, քաղաքացիական հասարակության և ակադեմիական ոլորտի ներկայացուցիչներին, որոնք կլիմայի փոփոխության և բնապահպանության հարցերով գիտակներ են։ Ծրագիրն ընդգրկում է պանելային քննարկումներ, աշխատարաններ, տալիս է կապերի հաստատման և խմբային աշխաատանք անելու հնարավորություններ՝ նպատակ ունենալով մշակել Ազգային երիտասարդական հայտարարություն, որը կներկայացնի դեռահասների և երիտասարդների կարիքները ողջ երկրի մասշտաբով։

Ինչպե՞ս մասնակցել։

Դիմումի վերջնաժամկետը 2025 թ.-ի սեպտեմբերի 1-ն էր: Ընտրված մասնակիցները կտեղեկացվեն 2025թ․ սեպտեմբերի 2-3-ն ընկած ժամանակահատվածում։

Եթե չընտրվեք կամ չկարողանաք մասնակցել, միացեք քննարկմանը առցանց՝ օգտագործելով #LCOYArmenia, #Youth4Climate, #ClimateActionNow հեշթեգերը և հետևելով LCOY Armenia-ի Ինստագրամյան էջին։

Ովքե՞ր կարող են դիմել։

16-24 տարեկան դեռահասներն ու երիտասարդները։

Որտե՞ղ է տեղի ունենալու համաժողովը։

Համաժողովը տեղի կունենա Հայաստանի ամերիկյան համալսարանում։
Հասցե՝ Մարշալ Բաղրամյան պող․ 40, Փարամազ Ավետիսյանի մասնաշենք, 1-ին հարկ Մանուկեան սրահ (106e)։

Կարո՞ղ է իմ ընտանիքը ևս մասնակցել։

LCOY Հայաստանը նախատեսված է մինչև 24 տարեկան այն երիտասարդների համար, ովքեր գրանցվել և ընտրվել են որպես մասնակիցներ։ Եթե ձեր ընկերները ցանկանում են մասնակցել, խրախուսում ենք նրանց ևս դիմել մինչև վերջնաժամկետը։

Եթե դեռ չի լրացել ձեր 18 տարին, ապա պետք է համաժողովին ներկա լինեք ձեր ծնողի կամ խնամակալի հետ։ Ձեզ կարող է ուղեկցել նաև ընտանիքի չափահաս անդամնրից որևէ մեկը։ Խնամակալները չեն մասնակցում քննարկումներին կամ սեսիաներին, եթե իրենք չեն դիմել և ընտրվել որպես մասնակից։

Արդյո՞ք մասնակցության համար վճար է սահմանված։

Ո՛չ։ Ընտրված մասնակիցների համար համաժողովին մասնակցությունն անվճար է։ ՅՈՒՆԻՍԵՖ-ը կապահովի ճանապարհածախսը և կեցությունը։

Ի՞նչ հագուստ է անհրաժեշտ։

Կարող եք կրել Բիզնես-քեժուալ ոճի հագուստ, եթե ունեք, բայց դա պարտադիր չէ։ Ամենակարևորը՝ դուք ձեզ հարմարավետ զգաք։ Հագուստը չպետք է խոչընդոտ դառնա մասնակցության համար։

Ի՞նչ պետք է վերցնել։

Խնդրում ենք համաժողովին ներկայանալիս ձեզ հետ ունենալ անձնագիր կամ նույնականացման քարտ։ Կարող եք բերել նոթատետր, գրիչ և նոթբուք կամ պլանշետ՝ նշումներ կատարելու և Ազգային երիտասարդական հայտարարության մշակմանը մասնակցելու համար։

Ի՞նչ սնունդ է մատուցվելու միջոցառմանը։

Սնունդն ապահովում է LCOY Հայաստան-ը:

Շաբաթ՝ ճաշ, խորտիկներ ընդմիջումների ժամանակ, ընթրիք:

Կիրակի՝ ճաշ, խորտիկներ ընդմիջումների ժամանակ։

Արդյո՞ք Հայաստանում արդեն անցկացվել են LCOY-ներ։

Այո։ LCOY Հայաստան 2025-ը Հայաստանում տեղի ունեցող երրորդ համաժողովն է։ Նախորդ համաժողովների մասին կարող եք կարդալ՝ UWC Dilijan-ի կայքում։

Եթե հարցեր ունեմ, ու՞մ հետ կարող եմ կապ հաստատել։

Եթե հարցեր ունեք, կարող եք կապ հաստատել թիմի հետ․
Էլ․ հասցե՝ [email protected], [email protected]

Հեռ․՝+37498853611

Միացեք քննարկմանը առցանց՝ օգտագործելով #LCOYArmenia #Youth4Climate #ClimateActionNow հեշթեգերը և հետևելով LCOY Հայաստան-ի ինստագրամյան էջին։