ՅՈՒՆԻՍԵՖ-ի պատմությունը
Ծանոթացե՛ք ՅՈՒՆԻՍԵՖ-ի գործունեությանը 1946 թվականից ի վեր: Հանուն յուրաքանչյուր երեխայի ամենուրե՛ք:
Միավորված ազգերի միջազգային մանկական ճգնաժամային հիմնադրամը (ՅՈՒՆԻՍԵՖ) ստեղծվել է 1946 թվականին՝ Երկրորդ համաշխարհային պատերազմից հետո: Մեր մանդատը միանշանակ էր՝ օգնել երեխաներին ու երիտասարդներին, որոնց կյանքը և ապագան վտանգված են՝ անկախ նրանից, թե իրենց երկիրը ինչ դերակատարություն է ունեցել պատերազմի ժամանակ:
ՅՈՒՆԻՍԵՖ-ի համար առաջնայինը կարիքավոր յուրաքանչյուր երեխայի ձեռք մեկնելն էր, գոյատևելու, զարգանալու և ողջ ներուժը դրսևորելու՝ երեխայի իրավունքները պաշտպանելը:
Այս ամենը ՅՈՒՆԻՍԵՖ-ի ԴՆԹ-ում է: Պատերազմի մոխիրներից մինչև գլոբալ մարտահրավերներ, որոնք այսօր էլ սպառնում են միլիոնավոր մարդկանց, մեր մանդատը միշտ անսասան է եղել: ՅՈՒՆԻՍԵՖ-ը հետևողականորեն աշխատել է երեխաների իրավունքների և բարեկեցության պաշտպանության ուղղությամբ: Ովքեր էլ նրանք լինեն: Որտեղ էլ ապրեն:
75 տարի՝ հանուն յուրաքանչյուր երեխայի
Մենք թևակոխում ենք մեր 75-ամյակը՝ միաժամանակ արձագանքելով գլոբալ ճգնաժամերի մեկ այլ շարքի. ՔՈՎԻԴ-19-ի համավարակ, կլիմայի փոփոխություն, համատարած սոցիալական և տնտեսական մարտահրավերներ և ահագնացող աղքատություն ու անհավասարություն:
Մենք շարունակում ենք Արձագանքել, Վերականգնել և Վերաիմաստավորել՝ կառուցելու ավելի լավ աշխարհ յուրաքանչյուր երեխայի համար:
Հանուն ավելի արդար աշխարհի
ՅՈՒՆԻՍԵՖ-ի պատմությունն այն մասին է, թե որքան բարիք կարող է գործել մարդկային ընտանիքը, երբ միավորվում է իր ամենաերիտասարդ և ամենախոցելի քաղաքացիների իրավունքների պաշտպանության գործում:
Մենք ունենք 75-ամյա գործունեության փորձ, համաշխարհային տարածում ունեցող ցանց, նորարարությունների ձգտում, դինամիկ գործընկերություններ, ինչպես նաև յուրաքանչյուր դոլարը նպատակին ծառայեցնելու հանձնառություն:
Հետ նայելով՝ մենք դասեր ենք քաղում մեր նվաճումներից ու դժվարություններից: Առաջ նայելով՝ մենք վերահաստատում ենք յուրաքանչյուր երեխայի իրավունքները իրացնելու մեր հանձնառությունը:
ՅՈՒՆԻՍԵՖ-ի գործունեությունը տասնամյակներ շարունակ
Դեմքեր, ձայներ
ՅՈՒՆԻՍԵՖ-ի պատմությունը մեր աջակցությունից օգտված յուրաքանչյուր երեխայի պատմությունն է: Այն նաև արտացոլումն է մարդկանց, որոնք անխոնջ ծառայել ու աջակցել են մեր կազմակերպությանը: Այն պատմությունն է նվիրյալ մարդկանց, որոնք տրամադրել են չափազանց կարևոր ռեսուրսներ, ժամանակ ու քաջալերանք՝ ձևավորելու համար այնպիսի միջավայր, որում երեխաները կարող են մեծանալ պաշտպանված, առողջ և կրթված: Ի դեմս մեր աշխատակիցների, մեր տնօրենների կամ միջազգային նշանակության անհատների՝ ՅՈՒՆԻՍԵՖ-ը երբեք չի ունեցել բարի կամքի դեսպանների պակաս:
Ճանաչե՛ք մեր Բարի կամքի դեսպաններին և կարդացեք անձնակազմի պատմություններն ամբողջ աշխարհից:
Արխիվները
75 տարի շարունակ ՅՈՒՆԻՍԵՖ-ը կուտակել է փաստաթղթեր, նյութեր և առաջնակարգ հետազոտություններ, որոնցում արձանագրված է մեր, ինչպես նաև աշխարհի պատմությունը: ՅՈՒՆԻՍԵՖ-ի արխիվները, որոնք տեղակայված են Նյու Յորքի գլխամասային գրասենյակում, պարունակում են նյութեր, որոնք նկարագրում են ՅՈՒՆԻՍԵՖ-ի գործունեությունը տեղերում՝ սկսած ստեղծման օրվանից՝ Երկրորդ համաշխարհային պատերազմից հետո, մինչ օրս: Կենսագրություններից մինչև շրջադարձային քաղաքական փաստաթղթեր, ցուցապաստառներ և բացիկներ. ծանոթացե՛ք ՅՈՒՆԻՍԵՖ-ի հիշարժան փաստերի ժողովածուին ՅՈՒՆԻՍԵՖ-ի արխիվներում:
