Շարժվելով ժամանակին համընթաց. 1980-1988
Բացահայտե՛ք տվյալների և հետազոտության կարևորությունը երեխայի գոյատևման և զարգացման ուղղությամբ ՅՈՒՆԻՍԵՖ-ի գործունեության մեջ:
Տվյալների վրա հիմնված նոր գիտելիքներով ՅՈՒՆԻՍԵՖ-ը ավելացրել է իր կոչերի հրատապությունը. առողջ երեխաներին անհրաժեշտ են էական միջոցներ:
1980
Մենք առաջնահերթություն պետք է տանք երեխաների էական կարիքներին հասարակության ռեսուրսները տնօրինելիս:
1982
ՅՈՒՆԻՍԵՖ-ը նախանշեց Երեխայի գոյատևման և զարգացման հեղափոխության մեկնարկը. շարժում, որը պետք է ամեն տարի միլիոնավոր կյանքեր փրկեր: Հատուկ կարևորություն տրվեց նվազ ծախսատար չորս միջոցառումների. աճի մշտադիտարկում, օրալ ռեհիդրատացիոն թերապիա (ՕՌԹ), կրծքով կերակրման խթանում և պատվաստում (այս բոլորը մեկտեղ երբեմն հիշատակվում են GOBI հապավումով):
1980-ականներին թողարկված ցուցապաստառների շարք՝ հետևյալ ենթավերնագրով. «Ի՞նչ կուզես դառնալ, երբ մեծանաս: Կուզեմ ողջ լինել»:
1983
Կրթության ոլորտում առաջընթացը խթանելու համար ՅՈՒՆԻՍԵՖ-ը հաստատեց առաջնային կրթության և գրագիտության համատեղ ծրագիր՝ Միավորված ազգերի կրթության, գիտության և մշակույթի կազմակերպության (ՅՈՒՆԵՍԿՕ) հետ:
1985
ՅՈՒՆԻՍԵՖ-ի աջակցությամբ իրականացվող «Երեխաները՝ որպես խաղաղության գոտի» և «Հանդարտության ժամանակահատվածներ» մարդասիրական օգնության գաղափարների հիման վրա Էլ Սալվադորի քաղաքացիական պատերազմի ժամանակ հաստատված հրադադարը թույլ տվեց երեք օր շարունակ զանգվածաբար պատվաստել երեխաներին: Այս մոտեցումը հետագայում կիրառվեց Լիբանանում (1987 թ.), Սուդանում (1989 թ.), Իրաքում (1991 թ.) և աճող հաճախականությամբ՝ այլ վայրերում ևս:
1986
Առանձնապես ծանր իրավիճակում գտնվող երեխաները խորագրով զեկույցի լույսընծայումը բարձրացրեց իրազեկությունը երեխաների պաշտպանության անհրաժեշտության շուրջ:
Հնդկաստանում իրականացված Համամոլորակային վազքարշավը խորհրդանշում է խաղաղության և միջազգային համագործակցության համաշխարհային ձգտումը՝ միաժամանակ օգնելով միջոցներ հայթայթելու ՅՈՒՆԻՍԵՖ-ի համար:
1986 թվականի վերջի դրությամբ 1.5 միլիոն երեխա շարունակում է գոյատևել երեխաների համընդհանուր պատվաստման և օրալ ռեհիդրատացիոն թերապիայի շնորհիվ:
1987
Զարգացող երկրները հատկապես տուժեցին համաշխարհային տնտեսական ճգնաժամից: «Կարգավորման մարդկային կերպարանքը» խորագրով ուղենշային զեկույցով կոչ արվեց իրականացնելու ներպետական ծրագրեր և քաղաքականություն կանանց և երեխաների իրավունքները պաշտպանելու համար, հատկապես տնտեսական անկման ժամանակներում:
1988
Հիմնվեց Մանկական զարգացման միջազգային կենտրոնը՝ Իտալիայի Ֆլորենցիա քաղաքի պատմական Իննոչենտի շինության ներսում երեխաների վերաբերյալ հետազոտությունները դիտարկելու նպատակով:
«Մենք պետք է գտնենք ստեղծարար լինելու, բարձր արդյունավետությամբ պրոֆեսիոնալներ լինելու և լավ ղեկավարներ և ուժեր համախմբողներ լինելու մեր կարողությունները բարելավելու ուղիները»:
Քանի որ ավելի շատ երկրներ գիտակցում են աշխարհի երեխաների առջև ծառացած մարտահրավերները,ծանոթացե՛ք, թե ինչպես է ՅՈՒՆԻՍԵՖ-ն աշխատել հանուն երեխաների փոփոխություններ իրականացնելու համար:
Ծանոթացե՛ք մեր 1989-2005 թվականների ժամանակագրությանը:
